Grill og sprell hjá Ísafjarðarbæ.

Við hjónin fórum í grillveislu upp í Skíðaskála í gær.  Það var starfsmannafélag Bæjarskrifstofunnar sem hélt grillpartýið.  Veðrið var yndislegt og ekki á betra kosið. 

Fólkið er að tínast uppeftir.  Og eins og sjá má var veðrið upp á það besta.

Kokkurinn farin að undirbúa kryddlegnu steinbítskinnarnar sem hann ætlar að grilla.

Þau láta fara vel um sig og allir eru svangir.  Það vantar reyndar einn, sem var saknað sárt af vinnufélögunum en Ralf Trille var veikur.

Elli og Jóhann Birkir eru samt eitthvað að spjalla alvarlega saman.

Kinnarnar smökkuðust vel og fólk borðaði eins og það gat í sig látið.

Þau höfðu sjálf undirbúið allskonar skemmtiatriði.  Hér átti að renna kúlu eftir málbandi ofan í glös.  Ég held að Bæjarstjórinn hafi sigrað þarna.  Ef til vill vanur að hitta í mark.

Svo sætir saman... tæknideildin að undirbúa sitt skemmtiatriði, en það er að keppa um stóla.

Ég veit ekki hvort ég á að segja það en bæjarstjórinn okkar fráfarandi vann stólinn þarna. 

Hér er töframaðurinn ömurlegi

Lubba mín heldurðu ekki að strákurinn hafi lært einhverja leiklist af mömmunni í den.

Stelpurnar á fjórðuhæðinni fjölskyldu og skólaskrifstofunni æfðu dans við Billy Jean með tilþrifum, ætluðu samt ekki að fást til að sýna hann þegar út í alvöruna var komið.

Svo voru skuggar farnir að lengjast komið kvöld og tími til að koma sér heim og hvíla sig.

Þessi er svo tekin fyrir tíu mínútum síðan.  Veðrið er ennþá svona gott.  En við hér viljum fara að fá rigningu svo úthaginn geti farið að grænka.

Þó tré og runnar í görðunum séu farin að laufgast þá er úthaginn ennþá grár.  Það þarf rigningu svo berin geti þroskast og maðkurinn nái ekki yfirhöndinni. 

Eigið góða heldi elskurnar mínar. 

Athugasemdir

[Guðrún Emilía Guðnadóttir, 5.6.2010 kl. 12:25]

Alltaf gaman að skemmta sér með vinnufélögum og góðu fólki
Knús í helgina

[Ásthildur Cesil Þórðardóttir, 5.6.2010 kl. 13:15]

Knús á móti Milla mín.  Já það er gaman að skemmta sér með góðu fólki.  Ég lít reyndar á karlana í Áhaldahúsinu sem mína vinnufélaga.  Þeir eru frábærir og skemmtilegir. 

[Ásdís Sigurðardóttir, 5.6.2010 kl. 17:15]

Geggjað að vanda

[Dísa (IP-tala skráð) 5.6.2010 kl. 18:22]

Gaman að sjá hvað tókst frábærlega með veðrið og allt saman, alltaf gaman að bregða útaf vananum með vinnufélögunum. Vona að rigningin komi á morgun eða mánudag því ég ætla að skreppa vestur með flugi á þriðjudagsmorgun og aftur til baka á fimmtudagsmorgun og vil helst ekki rigningu á meðan. Það á að stofna deild í Gigtarfélagi Íslands á miðvikudagskvöld og ég ætla að mæta þar, en vona að við getum fundið okkur stund til að hittast. Verðum í sambandi

[Ásthildur Cesil Þórðardóttir, 5.6.2010 kl. 18:47]

Dísa frábært já þú kemur bara við í kúlunni mín kæra.

Ásdís mín jamm geggjað

[Laufey B Waage, 6.6.2010 kl. 01:03]

Alltaf gaman að sjá myndir af drengnum mínum á síðunni þinni. Auðvitað hefur hann leiklistarhæfileikana frá móður sinni.

[Kidda, 6.6.2010 kl. 08:39]

Það veitti ekki af stórrigningu um allt land og sérstakleg atil að skola öskunni niður og koma úthaganum í fallega litinn sinn.

Knús í kærleikskúlu

[Ásthildur Cesil Þórðardóttir, 6.6.2010 kl. 09:49]

Já Laufey mín drengurinn þinn er flottur.

Kidda mín við þurfum sennilega að fara að dansa regndansinn.