Myndir og svoleiðis eitthvað!!!

1.6.2010 | 17:00

Enn einn góður sólskinsdagurinn hér á Ísafirði. Og lífið gengur sinn gang, þrátt fyrir pólitík og framtíð. Vona bara að við munum komast sem best út úr þessu hruni og öllu sem því fylgir. Framsókn hafði það fram að þeir vilja auglýsa eftir ópólitískum bæjarstjóra. Gott hjá þeim, vonandi fáum við einhvern staðfastan og góðan bæjarstjóra sem getur tekið af skarið um ýmismál sem brenna á. En við munum fylgjast með þeirri framvindu.

Pabbi minn elskulegur lifir í ævintýraheimi. Það liggur við að ég öfundi hann. Ferðalög og skemmtilegt samferðafólk. Hvað er eiginlega hægt að hafa það betra en það, þegar svona er komið. Nema auðvitað að fá að fljúga frjáls yfir í aðra betri veröld. Heart Þar sem hann hittir alla hina sem eru farnir.

Nú er tími sumarblómanna og hér er elskulegur eiginmaður minn að gróðursetja daggarbrá.

Ég er búin að opna garðplöntustöðina mína og er hún opin alla virka daga frá 9 - 12 og frá 13 - 18. og laugardaga frá 14 - 16.

Sumarblóm, grænmeti og krydd.

Flottur.

Úlfurinn setur niður kartöflur.

Gullauga auðvitað.

Ég fer í vinnuna kl. 7 á morgnanna, allt kyrrt og hljótt, fuglarnir aðeins byrjaðir að tísta, en náttúran sefur enn. Það er yndislegur tími á sumrin.

Og Ísafjarðarlognið á fullu. 'Eg held að krökkunum líki bara vel að vakna svona snemma og fá að fara fyrr heim.

Afi og litli stubbur. Þeir eru bestu vinir. Sigurjón er algjör afakarl.

Jörðin snýst áfram og allt er einhvernveginn á leiðinni. Við getum þakkað fyrir að vera sjálfstæð þjóð í frjálsu landi, en ekki undirokuð af svívirðilegum auðvirðingum sem hafa engu gleymt og eru jafn grimmir og þeir segja aðra hafa verið við þá. Ég held að á endanum verði þeim sjálfum refsað grimmilega og ekkert getur breytt því.

En eigið góða rest af degi mín kæru. Heart

Flokkur: Bloggar | Facebook

Athugasemdir

Heil og sæl, vinkona góð. Þetta eru flottar myndir af flottri náttúru og flottu fólki. Er farinn að finna til mikillar löngunar til að heimsækja Vestfirðina og njóta þessara tröllafjalla og yndilegu fjarða. Svo er það spurningin hversu sjálfstæð þjóð við erum og hversu frjáls við erum. Var einnmitt í þessu að hlusta á Bylgjunni, spurningu þingmanns, hver á íslensku bankana ? Eru þeir í eigu erlendra aðila ? og hvað þýðir það ? Best er auðvitað að vera ekkert að ergja sig á því, það er komið sumar :)) Knús á þig og þína. Kv. Steini Árna