Væri það ekki alveg frábært ef við þyrftum að fara að halda söngvakeppnina svona mitt í kreppunni?

Vitiði nú hvað.  Ég held að við vinnum söngvakeppnina í ár.  Ekki út af laginu, heldur söngkonunni sem við sendum út.  Hera Björk er mögnuð kona.  Hún er Fjallkonan og nornin.   Hún er Eyjafjallajökull og Hekla.  Hún er stórbrotin og einstök.  Ég hef verið að hugsa þetta nokkurn tíma, og hún fer út sem fulltrúi þess óbeislaða, djarfa og stórbrotna náttúruafls sem við eigum og verðum að fara að sjá að við verðum að vernda með öllum ráðum.

Áfram Hera Björk frá einni norn til annarar. 

Athugasemdir

[Helga Kristjánsdóttir, 18.5.2010 kl. 10:34]

Sæl!  Hera BJörk er afbragðs söngkona,en mér fellur ekki lagið.  En vel gæti verið að hún vinni á glæsileikanum.

[Dingli, 18.5.2010 kl. 12:32]

Efa stórlega að þetta lag fari áfram úr forkeppninni. Þó svo færi, er Hera líklegri til að vinna Usain Bolt í 100m. en þessa keppni.

[Jónína Dúadóttir, 18.5.2010 kl. 14:52]

Knús í kúluhús

[Ásthildur Cesil Þórðardóttir, 18.5.2010 kl. 15:24]

Takk Jónína mín og Helga.

Dingli ég sagði aldrei að lagið væri neitt sérlega gott.  En miðað við aðstæður í heiminum í dag, þá er Hera Björk eins og beint úr út ævintýri, með Eyjafjallajökul og alla umræðuna á bak við sig.  Svo er hún stórkostlega falleg kona.  Ég veit ekki hvað Usain Bolt er, hvorki 100m eða 500m, eða hvað.  Við skulum bara sjá til. 

[Ásthildur Cesil Þórðardóttir, 18.5.2010 kl. 15:28]

Málið er að 2007 er liðin tíð, og glanspíur og glimmer ekki alveg í takt við hina nýju tíma.  Heldur fólk af holdi og blóði, með heitt ólgandi blóð í æðum og kraft í hverri hreyfingu og fasi.  Þetta er allavega mín tilfinning.

[Dingli, 18.5.2010 kl. 16:24]

Er hræddur um að umheimurinn skynji hlutina ekki svona. En vonum það besta.    http://en.wikipedia.org/wiki/Usain_Bolt

[Gaui.Þ (IP-tala skráð) 18.5.2010 kl. 16:58]

Ásthildur mín. Í fyrsta lagi erum við ekki með gott lag ! Og ef að Evrópa er að fara dæma okkur vegna Eyjafjallajökuls, þá er það falleinkunn þar sem við höfum séð til þess að þjóðirnar hafa tapað milljörðum vegna eldgossins :)

[Ásdís Sigurðardóttir, 18.5.2010 kl. 17:07]

 x 1000000000000000000000

[Ásthildur Cesil Þórðardóttir, 18.5.2010 kl. 17:12]

Jamm þetta er eins og ég skynja heimin.  Svo er spurningin hvort heimurinn skynjar mig   En kosningarnar verða spennandi, bæði þessar pólitísku og Júróvísku. 

[Elínborg, 19.5.2010 kl. 00:58]

Mér finnast þetta alveg frábærar lýsingar á henni Heru Björk hjá þér Ásthildur ! Vonandi að fleiri sjái þetta svona.

[Kidda, 19.5.2010 kl. 09:11]

Verð að viðurkenna að ég hef ekki einu sinni heyrt lagið svo að ég er ekki dómbær á hvort það sé gott eða slæmt. Hef reyndar takmarkaðan áhuga á þessarri söngvakeppni. En viðurkenni að hún er nornaleg eins og ein vinkona mín

Knús í kærleikskúluna

[Ásthildur Cesil Þórðardóttir, 19.5.2010 kl. 11:55]

Kidda hehehehe

Takk fyrir innlitið Elínaborg.