Hvar liggur sannleikurinn um Má bankastjóra?

Ég hef dálítið verið að spá í uppákomuna með Má bankastjóra og 400. þúsundin.  Mér finnst einhvernveginn eins og blaðamenn missi áhugan í miðju kafi.  Hvar er forvitnin?  Þetta er furðulegt máll, einskonar farsi.

Formaður bankaráðs leggur fyrir bankaráðið tillögu um að hækka launin hans um 400.000.-  Þessu er lekið í Moggann af öllum blöðum, og svo vill til að þar er ritstjórinn einmitt fyrrverandi bankastjóri S.Í. 

Það fer eins og allir bjuggust við allt samfélagið á hvolf.  Formaðurinn tekinn á teppið, bankastjórinn tekinn á teppið í Kastljósinu, svo éta allir hver upp eftir öðrum. 

Formaðurinn staðfestir að Má hafi verið lofað þessu og stólnum.  Már talar um að þetta sé í raun og veru kauplækkun, sennilega miðað við hvað búið var að lofa honum. 

Jóhanna og Steingrímur segjast hvergi hafa komið nálægt málinu. 

Þá er aðalspurningin; Hver lofaði því að Már fengi stöðuna og launin?  Er enginn nógu forvitinn til að finna út úr því?  Ég get alveg ímyndað mér að hvar annarsstaðar í heiminum hefðu blaðamenn ekki unnt sér friðar fyrr en búið var að stinga á þessu graftrarkýli.

Hver gat og hafði authority til að lofa svona?   Í mínum huga eru bara tveir sem koma til greina, sem Lára V. Júlíusdóttir hefði tekið mark á, en það er annað hvort forsætisráðherran eða fjármálaráðherran. 

Ætla þau að sitja undir þessu ef þau eru saklaus?  Aðallega auðvitað Jóhanna.  Fólkið í landinu er ekki fífl.  Það tekur sig enginn upp af götunni og skipar bankastjórn Seðlabankans að hækka laun bankastjórans, hvað þá lofa honum stöðunni fyrirfram. 

Þetta er vandræðamál fyrir forsætisráðherrann hvernig sem á málin er litið.  Annað hvort lýgur hún eða hefur látið plata sig.  Mér finnst skipta máli hvort heldur er.  Og ég sá svipinn á Formanninum þegar hún var spurð um loforðið, svipur hennar var aumakvunarverður.   Og afsakandi sagði hún að auðvitað myndi hún draga tillöguna til baka.  Hún er að vernda einhvern og ég vil vita hvern?

Hér finnst mér þurfa innra eftirlit með stjórnsýslunni, einskonar rannsóknarnefnd, sem gæti kallað til fólk þegar svona kemur fyrir og fengið svörin sem þurfa að koma. 

Það þýðir ekki að stofna bara enn eina nefndina, á nefnd ofan, hvar starfa margar nefndir og ráð á vegum ríkisins, hverjar eru virkar og hvað kosta þær allar.  Ég vil frá svör við því.

Þetta hlýtur að vera ærinn kostnaður að borga fólki laun fyrir að sitja einhversstaðar og fá borgað jafnvel þó ekki sé fundur eða menn mæta ekki.  Og flest af þessu fólki hefur verið skipað af samherjum í pólitíkinni sem bitling.  Þarna má örugglega skera heilmikið niður.

Það er grundvallaratriði, ef maður á að geta treyst fólki að vita sannleikann.  En það virðist því miður ekki vera neinn áhugi á því meðal stjórnmálamanna fjórflokksins.  Sannleikurinn er sennilega of ógnvekjandi til að fara að draga hann upp á borðið.  Þess vegna er betra að bregða lyginni fyrir sig, flækja málin, stofna nefnd eða láta sig hverfa.

Ég held samt að barátta þeirra sé töpuð, ef brot af því sem maður heyrir kring um sig er á rökum reist þá er fólk búið að fá algjörlega nóg af þessu svínaríi og samheldni ráðamanna.

Annað sem mér finnst skrýtið er að þegar morðingjar, dópsalar og nauðgarar eru handteknir, þá eru annað hvort andlitin bluðruð eða þeir með hettur eða eitthvað til að felast og með handjárn um úlnliðin.  Þegar útrásarvíkingar eru handteknir ganga þeir eins og fínir menn, en engin tilraun gerð til að fela andlit þeirra.  Skil ekki alveg af hverju þetta er svona.

Finnst bara þegar fólk er að tala um að það sé dónaskapur að standa fyrir utan heimili fólks, þó það sé gert í þögn til að leggja áherslu á óskir um að menn axli ábyrgð, þá finnst mér að það mætti líka taka tilliti til barna, foreldra og aðstandenda þessara manna.  Þau hafa væntanlega ekki brotið neitt af sér.   Mér fanns satt að segja ég vera kominn inn í Ameríska hasarmynd, löggann lagði hönd á kollinn á hinum handteknu og ljósmyndarar og myndavélar á lofti.  Vona bara að börnunum hafi verið hlíft við sjónvarpinu það kvöldið. 

Vonandi er þetta samt bara byrjunin á því að taka á fjárglæframönnum. 

Ég legg til að fíklar verði teknir út úr Litla Hrauni og settir í lokaða meðferð einhversstaðar út í sveit og þá losna heilmörg pláss þar til að taka við glæpamönnum.  Fíklar eiga nefnilega ekki heima í fangelsi, heldur lokuðum meðferðarheimilum, þar sem þeim er hjálpað til að vinna á sjúkdómi sínum og hjálpa þeim út í lífið aftur. 

En þetta er nú bara mín skoðun.  Og mér finnst að allir eigi að vera jafnir fyrir réttvísinni. 

Eigið góðan dag, og við skulum muna að aðgát skal höfð í nærveru sálar.

Athugasemdir

[Kidda, 7.5.2010 kl. 12:50]

Sammála þér með allt en sérstaklega með fangana á Litla Hrauni. Þeir sem sitja inni fyrir fíkniefnaneyslu og minni brot (ekki smyglið) ættu að fara á lokaða meðferðarstofnun út í sveit.

Knús í blómakúlu

[Dísa (IP-tala skráð) 7.5.2010 kl. 16:16]

[Ásthildur Cesil Þórðardóttir, 7.5.2010 kl. 16:55]

Ég get allavega ekki kvartað yfir viðbrögðunum við spurningum mínum. 

http://eyjan.is/blog/2010/05/07/nefndir-rikisins-kosta-halfan-milljard-a-ari-vel-yfir-thusund-nefndir-starfraektar/

http://www.ruv.is/frett/itrekar-ad-hun-hafi-engu-lofad

Jæja, ég vil nú samt fá fakts en ekki fullyrðingar frú Jóhanna.

[Sigurbjörg Eiríksdóttir, 7.5.2010 kl. 18:08]

Sammála..Þetta er ólíðandi framkoma við þjóðina..

[Jens Guð, 7.5.2010 kl. 18:17]

  Það hlýtur að vera hægt fyrir ötulan rannsóknarblaðamann að ganga á röðina af þeim sem koma til greina um að hafa lofað Má þessum launum,  ganga á röðina og fá þá sem til greina koma til að neita eða játa.  Jóhanna sver þetta af sér.  Steingrímur líka.  Már og Lára V.  hljóta að verða að upplýsa málið ef blaðamenn láta ekki deigan síga.

[Ásthildur Cesil Þórðardóttir, 7.5.2010 kl. 18:24]

Jens það er lykilatriði eins og Jóhanna segir gjarnan að fá upplýsingar um HVER LOFAÐI ÞESSU?. 

Sigurborg já því miður er þolinmæði okkar allra á þrotum.

[Guðmundur Júlíusson, 7.5.2010 kl. 20:00]

Það hlýtur að vera hægt að fá úr því skorið hvort Jóhanna hafi vitað af þessu?? einhverstaðar hljóta að vera minnismiðar sem bendla hana við þetta.

[Þórarinn Baldursson, 7.5.2010 kl. 22:08]

Vitið þið það að þetta launabull er við það að sofna,það virðist enginn hafa áhuga á að brjóta það til mergjar.Mér sýnist að það eigi að svæfa þetta,það er málið. Þakka þér svo enn og aftur fyrir frábæra pistla og magnaðar myndir af litlu barnabörnunum þínum,og lífinu almennt þarna vestra.

[Helga Kristjánsdóttir, 7.5.2010 kl. 23:20]

 Sæl mín kæra! Við erum að vakna,leyfum ekki stjórnvöldum að komast upp með nein ósannindi,eða leynimakk. Það er þó breyting á. Trúi að það sé rétt,sem Jens Guð heldur fram að,einhversstaðar sé blaðamaður,sem finnur köllun hjá sér,að upplýsa málið. Að öðru,  hvað þessir túnfíflar geta verið fallegir,sumir kalla þá illgresi hér í litlu skikunum við húsin. 

[Ásthildur Cesil Þórðardóttir, 8.5.2010 kl. 10:21]

Já Guðmundur það vantar forvitna rannsóknarblaðamenn.

Takk fyrir  mig Þórarinn, já ég er viss um að þetta mál átti að svæfa eins fljótt og hægt var.

Einmitt Helga mín, við erum sennilega að vakna upp við vondan draum.  Já fíflarnir eru fallegir á þessum tíma.  Þeir eru líka tákn okkar kjósenda, uns við förum að breyta til og þora að kjósa eitthvað annað en fjórflokkinn.

[Sigurður Þórðarson, 8.5.2010 kl. 18:39]

Ég er búin að þekkja Láru V Júlíusdóttur frá því að við vorum 8 ára. Við vorum í sama bekk í barnaskóla til 14 ára aldurs og áttum heima í sömu götu. Við erum í sitt hvorum flokknum hún var alltaf í gamla Alþýðuflokknum og síðar í Samfylkingunni. Auðvitað er ég hlutdrægur.

Ég hef aldrei þekkt Láru af öðru en samviskusemi og heiðarleik. Jóhanna var hennar átrúnaðargoð. Mikið held ég að hún hafi valdið Láru miklum vonbrigðum. 

Svona er pólitíkin.

[Ásthildur Cesil Þórðardóttir, 9.5.2010 kl. 19:04]

Já einmitt Sigurður, svona er pólitíkin rotin inn að beini.  Ég trúi því alveg að Lára  sé heiðarleg manneskja og að Jóhanna sé að ljúga, nú skal tjalda öllu til, til að halda völdum.