Aldrei fór ég suður.

Ég er að hlusta á Aldrei fór ég suður í tölvunni.  En brá mér aðeins á tónleikana áðan, nú eru Ingó og veðurguðirnir að syngja; erum að spila í kvöld á Ísafirði!!!

Hér er hann og hann er að segja Halló Úlfur, svona bara fyrir mig.  Og Úlfinn, er að bíða eftir að koma fram.

En ég er gift kóngulóarmanninum hehehehe

Og þetta er auglýsing fyrir Murr kattarmat frá Súðavík, alíslensk framleiðsla.

Það var algjörlega stappað við skemmuna hjá HNK í kvöld.

Allt opið og svo vinalegt, ókeypis inn og þannig á það bara að vera.

Stappa af fólki.

Ótrúleg stemning.

Dáni slikk sonur Laufeyjar og stjórinn hér.

Hér er fólk á öllum aldri.

Þetta er svona listræn mynd ehheh í þessum skrifuðu orðum er hljómsveitin Reykjavík að spila sem er að mestu ísfirsk.

Hér erum við búin að pota okkur baksviðs, þar sem hljómlistamennirnir eru.

Flottir.

Mugipapa og fleiri

Og hér eru þeir sem eru að bíða eftir að komast inn á sviðið.

Þessi er algjört krútt!!

Set þessa inn aftur því hér er ekki bara Ingó heldur líka Smári Karls frændi minn og Valdimar Jóhannsson sem er í mörgum hljómsveitum m.a. Reykjavík. Og rétt í þessu er verið að syngja afmælissöngin fyrir Smára því hann afmæli í dag til hamingju með daginn Smári minn!

Og þegar ég fór heim, var enn að streyma að fólk úr öllum áttum.

Ungir glaðir krakkar en sennilega fjölskyldufólkið að fara heim með börnin. 

Þetta er bara yndi. 

 

Athugasemdir

[Sigrún Aðalsteinsdóttir, 2.4.2010 kl. 23:37]

Var þetta Úlfur þinn í fréttunum í kvöld. Allavega fannst mér þeir ekki ólíkir strákranir og báðir jafn efnilegir. Mannlífið er alltaf líflegra í smábæjum úti á landi.  Ég eyddi deginum í að þrífa og elda svo geggjaðan mat, en e.t.v. eru allir svo uppteknir af sínu, svo hér sit ég ein að blogga - reyndar mjög sátt.

[Jóna Kolbrún Garðarsdóttir, 3.4.2010 kl. 01:05]

Ekki vilja mínar 3 kisur smakka þennan íslenska kattarmat.  Ég kaupi hann samt, það er það besta sem hundurinn minn fær.  Murr kattarmatur og Urr hundamatur

[Jóhann Elíasson, 3.4.2010 kl. 04:34]

Ekki að furða þótt það sé ókeypis inn því stemmingin er alveg ÓBORGANLEG (var þetta ekki spaklega mælt?? )  Elli fær mitt atkvæði fyrir frumlegheit og skemmtun.  Væru allir jafn ungir í anda og hann er væri margt betra en það er.

[Guðrún Emilía Guðnadóttir, 3.4.2010 kl. 09:19]

Hæ elskan, nú er ég komin heim og fer beint að skoða hjá þér, gaman að þessum myndum og þessi skemmtun er bara einstök.

Minn hundur fær alltaf URR og þykir hann góður.

Knús til þín ljúfust
Milla

[Ragna Birgisdóttir (IP-tala skráð) 3.4.2010 kl. 10:37]

Fagrar kveðjur í bæinn þinn fallega

[Ásdís Sigurðardóttir, 3.4.2010 kl. 12:50]

Skemmtilegar myndir, hann Ingó er Selfyssingur eins og þú örugglega veist og mikill gæðadrengur.  Þetta er flott hátíð hjá ykkur.  Kær kveðja vestur og njótið páskanna.

[Ásthildur Cesil Þórðardóttir, 3.4.2010 kl. 13:02]

Takk öll fyrir innlitið. 

Sigrún mín ég held að hann hafi ekki verið í viðtali, hann hefði sagt mér frá því.  Það er gott stundum að vera einn með sjálfum sér, gott fyrir sálina. 

Já Jóna Kolbrún mín það er gaman að þessum dýrum.  Mínir eru báðir vitlausir í Murrið, en ég á ekki hund svo ég veit ekki um Urrið

Hehehe Jóhann jú þetta var mjög spaklega mælt

Takk Milla mín, þetta hefur verið aldeilis ferðalag á þér kona mín. 

Sömuleiðis Ragna mín.

Já ég man það þegar þú segir það Ásdís mín, man eftir honum úr Idolinu.  Þetta er myndarpiltur. Takk sömuleiðis.