Smákúlublogg.

Það er greinilega komið vor í bæði mannskap og dýr hér fyrir vestan.  Lóan er komin líka. 

Það eru líka falleg bros sem ylja.

Og framtíðin fríð.

Snúðar og snældur.

Ungviði sem leikur sér.

Hvar er hún/hann???

Amma ég er hrædd við kisu, svona í návígi.

Snúður er mjög gáfaður köttur, hann er búinn að læra að ef hann situr svona stilltur og rólegur og skyggir ekki á skjáinn fær hann að vera í friði.  Það er bara svo skemmtilegt að eltast við músina á skjánum að hann gleymir sér, og þá er hann settur niður á gólf.

Og pabbi er farin að geta komið í kaffi, það er líka vorboði.

Honum finnst gaman að hitta barnabarnabörnin sín.

Þetta litla skott er fiktrass, hún er fljót að fara í stigan.  Þá þarf að kenna henni bæði að fara upp og niður, svona eins og gengur.

Skemmtilegt að sjá fjöllin í dag, með svona hvíta rönd um sig miðja.

Það er engu líkara en skapanornirnar hafi brugðið á leik með hvítan tússlit.

Ótrúlegt en satt.  Og þetta er 17. marz 2010.

Knús og notalegheit elskurnar.  Svona á að hafa það. 

Athugasemdir

[Kidda, 17.3.2010 kl. 22:27]

Vorið er að koma en heldurðu að það snjói nokkuð fyrir skíðavikuna og Aldrei fór ég suður?

[Ásdís Sigurðardóttir, 17.3.2010 kl. 22:34]

Yndislegt, hér er líka vor

[Sigrún Jónsdóttir, 18.3.2010 kl. 00:06]

Takk fyrir að fá að koma í Kúluhús  Alltaf jafn indælt

[, 18.3.2010 kl. 00:21]

Sannarlega vorstemning hjá ykkur

[Jóna Kolbrún Garðarsdóttir, 18.3.2010 kl. 01:08]

[Ragna Birgisdóttir (IP-tala skráð) 18.3.2010 kl. 07:34]

Knús í kúluhús

[Ásthildur Cesil Þórðardóttir, 18.3.2010 kl. 08:13]

Takk elskurnar.  Hehe Kidda mín ég hef lofað að biðja ekki um snjó fyrir skíðavikuna.  Vona bara að það verði nóg á skíðasvæðinu.  Eigið góðan dag allar.

[Jónína Dúadóttir, 18.3.2010 kl. 10:05]

Takk fyrir þetta og eigðu góðan og blessaðan dag

[Dísa (IP-tala skráð) 18.3.2010 kl. 18:26]

Já, það er yndislegt að finna vorið koma. Þegar ég kom út í morgun klukkan átta skein sólin milli skýja og mér leið æðislega að sjá og finna birtuna. Skemmtileg hjá þér skjámyndin, bara sú yngsta sem ég þekki ekki en hún er eflaust yndisleg eins og þið hinar.

[Sigrún Aðalsteinsdóttir, 20.3.2010 kl. 00:54]

Hnaut um orðið fiktrass , er það ekki bara annað orð yfir tætirófu , ungabörn sem dagmamman hennar Sigrúnar Evu kallar svo diplomatískt afburða iðnar vinnukonur og vinnumenn .

Til hamingju með vorið.  Það er líka að gera sér dælt við okkur hér fyrir sunnan.  Notalegt að fara í góða göngutúra með Zenjórinn á svona dögum.

[Ásthildur Cesil Þórðardóttir, 22.3.2010 kl. 15:25]

Sigrún mín jú þetta er örugglega sama hugtakið  Þetta seinna er afskaplega vel við hæfi, afburða iðnar vinnukonur og menn.  Já hann er eitthvað að blása upp núna og hrella okkur, en ætli það sé ekki páskahretið.

Dísa mín, þessi yngsta er Júlíana Lind Skaftadóttir, þetta eru fjórir ættliðir, en ekki alveg í beinan kvenlegg.  Því Bára mín var ekki orðin móðir. 

Takk sömuleiðis Jónína mín.