Samfélagið okkar litla og viðkvæma er ein ormagryfja.

Dv mun ef til vill heyra sögunni til, ef fer sem horfir.  Nema Reyni Trausta takist að fá með sér fólk af götunni til að halda úti blaðinu.  Hrægammarnir liggja allstaðar í leyni að því að sagt er, Vilja komast yfir blaðið, annað hvort til að halda úti sínum áróðri eða leggja það niður.

 

 

En DV hefur tekið á ýmsum þörfum málum undanfarið og örugglega komið við mörg kaun.  Þeir sem reyna að þagga raddir eins og DV ættu að gera sér grein fyrir að þeir geta ekki þaggað niður umræðurnar. Þær færast bara inn á blogginn og spjallþræðina.  Æran er ekki lengur fyrir hendi, svo það er ekki hægt að falla dýpra, það er einungis hversu langt menn hafa gengið í óþokkaskap en ekki hvort þeir séu óþokkar og glæpamenn.  Það er vitað nú þegar.

 

 

En ég var að fletta síðasta Helgarblaðinu, og það sést svo vel hvernig þjóðfélagið er samansett við lestur þess að mann setur hljóðan.

 

 

Sævar gjaldþrota... en hann skrifaði allt á konuna, og svo kemur frétt um að þau séu að byggja sér 500 m2 höll á stað sem heitir Mosprýði.

 

Í sömu opnu er fyrirsögn, ekkjan skal borga.  Kona nýorðin ekkja með þrjú börn fær ekki fyrirgreiðslu, sem hún var þó búin að reikna vel út og taldi sig geta staðið við. Nei það var ekki hægt, hún skyldi punga út eða vera borin út.

 

 

Sólón fékk 200 milljónir fyrir að hætta.  Hvað innibert slíkt?

 

 

Þúsundir þiggja mat, og þá er verið að tala um þúsund fjölskyldur, og fer sífellt stækkandi hópurinn sá.

 

 

Fékk hundrað milljónir frá FL group, Jón Sigurðsson.  Ætli þeim peningum hafi ekki verið betur varið í eitthvað annað?

 

 

Tryggingastofnun aðstoðar ekki við fermingu einhverfs drengs, pabbi hans er dáinn svo stofnunin neitar að greiða.  Vá ég hélt að þetta væri jafaðarmanna flokkar og velferðarstjórn.

 

 

Björgúlfur situr heima í sínu húsi, og hugsar sig um, meðan verið er að vinna í hans málum. Hvað ætli mikið af fénu sé á Tortola? Ég er nokkuð viss um að “fátækt” hans felst fyrst og fremst í því að geta ekki gengið um eins og kóngur og spreðað með peninga. Hann hefur vel fyrir sig og sína.

 

 

En þegar við lesum svona, þá hlýtur hugurinn að reika um íslenskt samfélag og hvernig það er samansett.

 

Við hljótum að sjá að í rúmlega 300.000 manna samfélagi þá er þetta enganveginn hvorki réttlátt né líðandi.

 

 

Féð sem verið er að bruðla svona með eru peningar sem íslenskur almenningur vann í sveita síns andlitis, og treysti svo öðrum fyrir þeim til ávöxtunar. 

 

Þeir sem eru að eyða peningunum hafa ekki unnið fyrir þeim, heldur eignast þá með klækjum.  Og það versta við þetta allt saman, er að ríkisstjórnin segist ekkert geta né vilja gera til að taka þetta föstum tökum og skila illa fengnu fé til fólksins aftur. 

Þau frekar vilja borga meira, og taka endanlega á okkar bök skuldbindingar sem þessir glæpamenn lögðu á okkur börnin okkar og barnabörn.  Þeir vilja endilega samþykkja að við borgum allt upp í topp.  Og sagt er vegna þess að innganga í ESB er svo spennandi kostur fyrir Samfylkinguna.

 

 

Jæja ég get sagt þeim sem þar eru að meiri hluti íslendinga vilja ekki fara þar inn. 

 

Við viljum frekar sjá ykkur fara að taka á spillingunni, reisa skjaldborgina og koma á réttlætinu, öllu þessu var okkur lofað fyrir kosningarnar.  Það þýðir ekki lengur að koma og segja að þið séuð á kafi í að vinna að málunum.  Þegar ekkert kemur út úr þeirri vinnu sem sjáanlegt er. 

 

Það vill ykkur til að við erum svo barnaleg íslendingar að við sitjum hér í ormagryfjunni hvar þið hafið kastað til okkar dúsum og rífumst um hverjum þetta sé mest að kenna, og að við viljum ekki að þessi fari því þá komi hinn. 

Svona er hægt að halda okkur nokkurnveginn passlega niðri til að þið getið haldið áfram að gera ekki neitt, og láta alla spillinguna og viðbjóðinn blómstra áfram.  Því það var alltaf meiningin ekki satt. Þið sitjið nefnilega öll í spillingarsúpunni við kjötkatlan og gulltryggið hvort annað. Og það væri algjör bjánagangur að fara að rokka þeim báti.  Peningarnir eru og verða þar sem þeir eru, og þið njótið góðs af því.

 

 

En það gæti farið svo að það syði upp úr.  Það eru nefnilega nokkrir aðilar sem hafa markvisst reynt að opna augu fólksins fyrir því að þetta er ekki að gera sig, og hér er enginn björgunarleiðangur í augsýn frá Alþingi. 

Allir bíða í ofvæni eftir skýrslunni sem er á leiðinni.  Og það er alveg morgunljóst að ef hún verður eitthvert húmbúkk og yfirklór þá verður allt brjálað.  Ég veit það með sjálfa mig ég er orðin ansi reið, og ég heimta réttlæti. Ég heimta að því sé skilað sem af okkur var tekið og að þjófarnir verði settir inn. 

 

Ég vil nýtt fólk og nýtt blóð í forystu á Íslandi.  Burt með spillinguna, valdníðsluna og asnaganginn.  Þetta er komið nóg.

Ætli okkur takist nokkurntíman að hrinda af okkur þessu oki óréttlætisins og byggt upp Nýtt Ísland?  Allavega ekki með því að vera pikkföst hvert í sínu hjólfari og trúa öllu sem minn maður segir og allt hitt er bara bull.  Það er spilað á okkur eins og hljóðfæri, þess gætt að við séum nógu ómstríð til að við finnum ekki samhljóminn, því hann er öllum þeim afar hættulegur sem er einungis að hugsa um sig og sitt, á kostnað okkar hinna.

Við höfum nefnilega í örfáum tilvikum fundið hann og þá hefur eitthvað gerst sem styrkir almenning í landinu og færir hann saman.

Athugasemdir

[Helga Kristjánsdóttir, 17.3.2010 kl. 13:01]

Þú kemur inn á þátt ríkisstjórnar í þessu öllu(óréttlætinu),sem er, hún hvorki vill ná getur. Í viðtali í sjónvarpi sagði Jóhanna það verk skilanefndanna og bankanna að ákveða niðurfellingu skulda (þeirra stóru) ,ríkisstjórn skypti sér ekki af því.   En félagsmálaráðherra er greinilega inni í bönkum að hirta þá fyrir, slælega framgöngu í lagfæringu á  myntkörfulánum,sem tengast bílakaupum. Kanski ekki nákvæmlega þetta í öllum tilfellum,en aðalmálið er að það undirstrikar að þau hafa vald til þess,enda ríkisbankar.

[Ásdís Sigurðardóttir, 17.3.2010 kl. 14:30]

Þetta er allt svo satt og rétt hjá þér. Manni svíður að horfa upp á þenna viðbjóð sem þeir bjóða okkur uppá með bros á vör.  Veit ekki hvað hægt er að gera því hér finnst ekki lengur ærlegur maður sem bíður sig fram til að hjálpa landi og þjóð. Mig hryllir við þessu öllu.

[Vendetta, 17.3.2010 kl. 14:41]

Ertu þá hlynnt þí að DV haldi áfram að birta vísvitandi lygar og rógburð gegn fólki sem baðasnápar sorpsnepilsins hafa útséð sem auðvelda bráð af því að þeir geta hvort eð er ekki borið hönd fyrir höfuð sér? (Ég er ekki tala um fjárglæframenn). Því að það er þetta sem Reynir Traustason og Co. stunda án afláts. Svo ekki sé talað um að leggja orð í munn fólks, sem hefur neitað að tala við blaðið af augljósum ástæðum.

Nei, ritstjóri og blaðasnápar DV eru smánarblettir á blaðamannastéttinni. Ég vildi óska þess, að ábyrgir aðilar og alvöru blaðamenn sem hafa ekki upplognar æsifregnir að leiðarljósi, taki við blaðinu. Reynir Traustason og allt hans lið gætu svo fengið vinnu við eitthvað annað sem engu máli skiptir. 

[Ásthildur Cesil Þórðardóttir, 17.3.2010 kl. 19:38]

Nei Vendetta ég er ekki að tala um slíkt.  það sem ég benti hins vegar á úr helgarblaðinu voru allt upplýsingar, sem ekki sjást víða annarsstaðar.  Ég hef undir höndum annað blað DV um fanga og fangelsi, og jafnvel   þar sem brotið á föngum, sem ég hef heldur ekki séð mjög víða í fjölmiðlum. 

Það er ekki gott mál ef fólk verður saklaust fyrir árásum af slíku tagi, en því skrýtnara er þá að slíkt sé ekki kært eða leiðrétt.  Ég hef ekki séð mikið til slíks hjá DV undanfarið. 

Mér finnst leitt ef þessi rödd þagnar, því það er svo sannarlega þörf á að opna augu fólks fyrir margvíslegu óréttlæti sem það er beitt, og leitt ef enginn verður eftir sem þorir að tala máli þeirra.  Bendi til dæmis á nýlegt dæmi um blandaða fjölskyldu þar sem stóð til að senda móðurina og börnin úr landi.  Það er margt óréttlætið sem viðgengst og oft er eina ráðið fyrir fólk að vekja athygli fjölmiðla á málum.  Þar hefur Dv oftar en ekki verið aðilinn sem þorir.

Ég segi nú bara hvar eru alvöru blaðamenn og fjölmiðlamenn á Íslandi, hvar er rannsóknarmennskan og viljinn til að segja sannleikann?

Sorrý ég hef ekki orðið mikið vör við slíkt, frekar að fjölmiðlamenn hafi dansað eftir þeim pípum sem ráða mestu í það og það skiptið.  Þess vegna eru menn líka að hamast við að kaupa upp þá fjölmiðla sem eru á söluskrá. 

[Vendetta, 17.3.2010 kl. 20:43]

Vandamálið er að það þýðir ekkert að hringja í DV og heimta að þeir leiðrétti vísvitandi lygar, því að þeir neita að birta leiðréttingu og síðan halda þeir áfram að skálda. En lygarnar koma ýmsum vel, þ.á.m. lögreglunni.

Auðvitað er hægt að kæra þetta helv.... pakk, en það er alls ekki víst að það virki neitt. Sú sem gerði það síðast og vann málið að hluta varð að borga allan sakarkostnað. Ef það á að koma dagblað sem er rödd fólksins þá verður það að vera eins ólíkt DV og hugsazt getur, því að aðeins óháð rannsóknarblaðamennska þar sem blaðamenn skrifa sannleikann dugir. Ef DV á að halda áfram undir nýjum eigendum, þá þarf ekki bara að reka Reynir Traustason, heldur stóran hluta blaðasnápanna sem þar vinna.

[Anna Sigríður Guðmundsdóttir, 17.3.2010 kl. 22:37]

Áshildur Cesil. Sumir hræðast greinilega sannleikann meir en svikin. falsið og lygina? Það þykir mér nokkuð skammsýnt.

Gott að horfa til þess hvert svikin og lygin hefur nú þegar leitt okkur! Og læra af því í staðinn fyrir að afneita staðreyndum áfram! Sumir telja kanski að hægt sé að kaupa sér svika-heim endalaust? M.b.kv. Anna

[Árni Gunnarsson, 18.3.2010 kl. 00:18]

Landsfundur Frjálslynda flokksins verður að takast með þeim krafti og sóma sem samfélagið skortir í dag. Við þurfum að ganga til verka með endurnýjaða von á styrk okkar og gera samfélaginu það skiljanlegt að við erum mætt til leiks ákveðin í að verða baráttutæki fólksins sem biður um réttlæti og heiðarleika.

Það var aldrei ágreiningur um málefni innan okkar raða. Sá ágreiningur sem varð flokknum til tjóns var ágreiningur um menn og ágreiningur milli manna.

Enginn mun geta borið fulltrúum okkar á Alþingi það á brýn að þeir hafi brugðist stefnu sinni og umbjóðendum.

Áfram nú!

[Ásthildur Cesil Þórðardóttir, 18.3.2010 kl. 08:52]

Venedetta lygar geta aldrei orðið lögreglunni til einhvers.  Mér dettur ekki í hug annað en að þú þekkir til slíkra vinnubragða, ég ætla ekki fólki að ljúga um slíkt.  En það á enginn að láta neinn komast upp með slíkt. 

Ég ítreka að ég vil að Dv haldi áfram, þó eflaust geti þeir alltaf gert betur, og þúrfa svo sannarlega að hugsa sinn gang ef þú hefur rétt fyrir þér.  En það er svo margt annað sem þeir hafa bent á og opnað augu fólks fyrir. 

Anna Sigríður, já það er alltaf auðvelt að fela sig í lyginni.  En gagnvart sannleikanum stendur maður nakinn.  Enda verður honum hver sárreiðastur ef menn hafa eitthvað að fela.

Alveg sammála þér með þetta Árni.  Málefnasamningur Frjálslyndaflokksins er að mínu mati eitt best unna handrit að verklagi ríkisstjórnar sem til er hér á landi.  Og leiðarljósið er manneskjan og réttur lífríkisins og náttúrnnar.   Ég hvet fólk til að fara inn á XF.is og lesa sér til.

Við skulum gera okkar allavega til að koma fólki upp úr hjólförum vanans og leita annara leiða, þar verður Frjálslyndi flokkurinn að koma sterkur út.