.........Og lífið heldur... - asthildurcesil.blog.is

14.3.2010 | 12:03

.........Og lífið heldur áfram.......

Ungi maðurinn okkar hélt veislu á föstudaginn, hér voru u.þ.b. 20 flottir krakkar, æska þessa lands lofar svo sannarlega góðu. Þau sáu sjálf um allan undirbúning og tóku svona það mesta eftir sig, eftir veisluna. Við hjónin brugðum okkur í næsta hús, svona til að leyfa þeim að vera í friði. Vissum jú að hávaðinn var mikill.

Undirbúningur í fullum gangi.

Vissuð þið að strákar geta líka staujað? Ef það þarf að gera sko! Tounge

Og það er svo auðvitað hjálpast að.

Og það er ekki bara Páll Óskar sem hefur svona flotta JD veislu. Þetta var allt saman tekið í alvöru, og dansgólfið af markað, og sjónvarp og magnari við dansgólfið.

Allt að verða klárt, og Snúður fylgist með af athygli.

Tinna frænka bakaði fullt af pizzum, og svo var gos snakk og nammi.

Flottur, hann er orðin táningur.

Tinna mín dugleg, hér er hún að prjóna peysu milli þess sem hún bíður eftir að deigið hefi sig.

Og litla bjarta Sólveig Hulda var með mömmu.

Dugleg lítil stúlka. Heart

Og hér er Birta mætt í afmælisveisluna. Svo voruekki teknar fleiri myndir, þvi við þurftum að vera farin þegar gestirnir kæmu. LoL

Snúður er mikill leikköttur.

Og hann er að verða svo stór.

Það má sjá af myndum að mikið hefur tekið upp af snjó hér, enda hitinn fyrir ofan frostmark í marga daga, 4 - 7 ° ekki amalegt, heitara en í Vín, sýnist mér á tölum úr veðurfregnum.

Já þessar eru fyrir fjallafólkið mitt og gömlu ísfirðingana.

Svo vil ég þakka ykkur öllum innilega fyrir innleggin ykkar hér fyrir neðan, ég las þau oft yfir og þau glöddu mig mjög mikið. Heart

Ég sá svo fallega sögu hér á einu blogginu, sem mig langar að setja hér inn.

Bloggarinn heitir Anna. Og hér er þessi falllega saga, sem á svo mikið erindi til okkar í dag.

Faðirinn og dóttir hans föðmuðust innilega á flugvelinum. Bæði vissu að þetta væru þeirra síðustu samfundir - hann var háaldraður og veikburða, hún bjó í fjarlægu landi. Loks urðu þau að skilja þar sem síðustu farþegarnir voru kallaðir um borð.

-Ég elska þig. Ég óska þér þess sem nægir, sagði faðirinn við dóttur sína. -Ég elska þig líka pabbi. Ég óska þér þess sem nægir, sagði dóttirin. Farþegi sem stóð þar hjá stóðst ekki mátið að spyrja við hvað þau ættu með þessari ósk.

-Þetta er ósk sem gengið hefur frá kynslóð til kynslóðar í fjölskyldu okkar, sagði gamli maðurinn. Hún merkir:

Ég óska þér nægilegs sólskins til að líf þitt verði bjart.

Ég óska þér nægilegs regns til að þú kunnir að meta sólskinið.

Ég óska þér nægrar hamingju til að þú varðveitir lífsgleðina.

Ég óska þér nægilegrar sorgar til að þú gleðjist yfir litlu.

Ég óska þér nægilegs ávinnings til að þú fáir það sem þú þarfnast.

Ég óska þér nægilegra ósigra svo að þú metir það sem þú átt.

Ég óska þér að þú finnir þig nógu velkomna til að geta afborið hinstu kveðjustundina.

(Þessi saga birtist t.d. í bæklingi sem heitir Æðruleysi, kjarkur, vit - orð til uppörvunar á erfiðum tímum í samantekt Hr. Karls Sigurbjörnssonar. Skálholtsútgáfan gefur út).

http://blossom.blog.is/blog/blossom/#entry-1030259

Megið þið eiga góðan og yndælan dag öll mín kæru og aftur og innilega takk fyrir mig. Heart

Flokkur: Bloggar | Facebook

Athugasemdir

Megir þú líka eiga indælan dag mín kæra og þakka þér fyrir að leyfa mér að kíkja inn hjá þér

Jónína Dúadóttir, 14.3.2010 kl. 12:18

Ætíð hlýnar manni um hjartaræturnar er maður lítur inn hjá þér ljúfust mín
Kærleik í kúlu

Guðrún Emilía Guðnadóttir, 14.3.2010 kl. 12:33

Njóttu dagsins elsku Ía mín, fallegur drengur Úlfurinn ykkar, það hefur verið gaman í veislunni. Yndisleg sagan, takk fyrir mig

Ásdís Sigurðardóttir, 14.3.2010 kl. 12:48

er að prufa nýja tölvu,sendi þér kveðju

Helga Kristjánsdóttir, 14.3.2010 kl. 15:08

Falleg saga. Eigum við ekki stundum að staldra við og njóta lífsins og alls þess sem við höfum? Þetta hefur verið flott veisla hjá honum Úlfi. Ég var að kenna fyrir nokkrum árum í framhaldsskóla og get sagt það án þess að blikna að krakkarnir voru hvert öðru frábærara og með þá vissu að þau sjái um mig þegar ég verð gamall verð ég alveg áhyggjulaus, ég hefði áhyggjur ef lið eins og Heilög Jóhanna og Steingrímur Júdas myndu sjá um mig.

Jóhann Elíasson, 14.3.2010 kl. 15:43

Takk fyrir þetta Ásthildur.Lífið er fallegt í unglingunum okkar.Unglingar eru besta fólk.

Ragna Birgisdóttir (IP-tala skráð) 14.3.2010 kl. 15:56

Takk öll sömul. Þetta var virkilega fallegur dagur, og gefandi á margan hátt. ég fór upp í gróðurhús og fjölgaði pelargoníum, sáði dverghvítþini með fræjum úr garðinum hjá mér og ætlaði að heimsækja pabba á sjúkrahúsið þar sem hann dvelur nú, en hann hafði þá skroppið með mági mínum í íbúðina sína á Hlíf og var þar alsæll, vildi ekki í bíltúr. bara njóta þess að vera heima hjá sér smástund. Svon erum erum við. Viljum bara njóta augnabliksins, þannig á það að vera. Kjötið mallar í ofninum og ég bíð eftir að sonur minn og fjölskylda komi í mat. Þau elska lærið hennar mömmu og sérstaklega sósuna. Svona er lífið. það er bara það sem við sjálf gerum úr því, ekkert flóknara en það.