Menningarhátíð ungmenna á vestfjörðum.

Jæja þá er ég komin heim frá Ítalíu, það var skemmtileg og afar fróðleg ferð.  Ég hef hugsað mér að bjóða ykkur í ferðalag.  En hef ekki tíma núna, því nú þarf að vinna upp "tapaðan" tíma, sem ekki var tapaður því ég er algjörlega endurnærð eftir frábæra ferð með frábærufólki. 

 

 

 

 

 

 

 

 

 

 

 

Karlakórinn Ernir tekur lagið.  

 

En ég vil benda fólki á menningarhátíðina L.Ú.R.  Sem stendur yfir á Ísafirði núna.  Eins og segir í bækling sem unglingarnir gefa út:

"Verkefnið LÚR hófst fyrir ári síðan þegar nokkur ungmenni hittust í Menningarmiðstöðinni Edinborg.

Fundar var reglulega yfir veturinn þar sem við fundum 9. manna hópa frá Rúmeníu og Finnlandi og sóttum um styrk til Evrópu unga fólksins á mettíma sem  var afar lærdómsríkt.  

Við erum ótrúlega glöð því við fengum styrkinn og þess vegna eru ungmenninn að koma til Íslands 8. júní. og eru í heimsókn hérna til 16. júní.  Þau taka þátt í listasmiðjum  með áherslu á tabú ásamt vestfirskum ungmennum og verður afraksturinn af þeim sýndur á hátíðinni.  

LÚR-festival".

Þetta er frábært framtak þessara ungmenna, og hafa þau lagt mikið í hátíðina, unnið þetta allt sjálf.  Það er sannarlega fjársjóður í ungmennunum okkar.

Endilega sýnið þessu áhuga og látið þau vita hve frábær þau eru.