Suðureyri á fallegum degi og hörkutól sem ekki kalla allt ömmu sína....

Nema þá sem var einmitt í sundlauginni með þeim.  En ég fór á Suðureyri seinni partinn til að ná í prinsessuna mína, og við fórum í sund í leiðinni.  Þar voru tvö hörkutól sem sýndu svo ekki varð um villst að þeir eru karlar í krapinu.

Flottir ekki satt ?

Gaman í snjónum.  Þetta kalla ég hörkukarla.

Og komnir ofan í hlýjuna aftur.

Vatn er náttúrulega bara vatn, í hvaða formi sem það er ekki satt ?

Þessi mynd er sérstaklega fyrir Sigrúnu, annars var erfitt að finna rétta húsið, þar sem húsnúmerin eru eitthvað á reiki.

Svo ég tók nokkur hús til viðbótar svona til öryggis.

En þetta var sérdeilis fallegur dagur.

Og mikill snjór á Suðureyri.

Þetta er aðalgatan gegnum þorpið.

Hér erum við að koma úr sundi, hið nýja íþróttahús tengist sundlauginni, með þessum skemmtilega gangi.

Svo að lokum mynd af Kubbanum.  Takið eftir birtunni í ljósaskiptunum.  Við fórum á Thai Koon og fengum okkur Thai mat að borða, sem er hið mesta hnossgæti. 

Ný og spennandi könnun.

Siggi Þórðar bloggvinur minn er með nýja spennandi könnun á síðunni sinni, endilega takið þátt í henni hér; http://siggith.blog.is/blog/ginseng/   Allir að vera með.   

Skúbb.

Ég hef það eftir áreiðanlegum heimildum að Mugison hafi samið fallegt kórlag fyrir Karlakórinn Erni, hér á Ísafirði.  Og að lagið verði frumflutt í fluttningi kórsins á hátíðinni Aldrei fór ég suður, einni stærstu tónlistarhátíð á Íslandi.  En kórinn fer til Ungverjalands í sumar.  Og þá verður lagið örugglega á dagskránni. 

Áfram Mugison og áfram Karlakórinn Ernir.

Hið daglega veður, og fyrsta sólarglætan á Suðureyri.

Nokkrar myndir frá Ísafirði og Suðureyri.

Birtan einhvernvegin svo bleik þennan morguninn.

Bleik og blá eiginlega.

Þegar litla prinsessan kom á leikskólan í morgunn, þá sátu börnin og sungu Sól Sól skín á mig, ský ský burt með þig, gott er í sólinni að gleðia sig, sól sól skín á mig.  Ég hef alltaf haft mikla trú á krafti þessa lags, og viti menn meðan börnin sungu, gægðist sólin fram á Suðureyri í fyrsta skiptið þetta árið.  Og allir urðu svo glaðir.  Það var ákveðið að baka vöfflur í tilefni þessa. 

Til hamingju með sólina Súgfirðingar.

Sól skín á fjöllin, og alveg niður í þorpið.

Og Gölturinn tignarlegur baðaður sól.

Leikur að ljósi og skugga.

Fallegur Súgandafjörðurinn, svona fannhvítur.

Og bak við öll fjöllin kúrir lítið þorp, svo fullt af lífi og gleði.  Og Gullkista hafsins rétt við túnfótinn.

Og sólin er að gægjast fram líka á Ísafirði.