Ef ísfirðingar fara ekki til útlanda.....

Kemur útlandið til Ísafjarðar...... eða þannig.

 

En fyrst fjölskyldan.  Hér eru Cesiljarnar mínar báðar tvær.  Þær verða báðar skírðar núna á helginni, önnur á sunnudaginn og hin á mánudaginn, og amma fær heiðurinn af því að halda þeim báðum undir skírn.

 

Svo eru það skyldustörfin, hænurnar þeim gefið að borða og síðan egginn sótt.  Hér er fullt af eggjum hjá stubbnum og litlu Hönnu Sólinni hennar ömmu.

Svo er rætt um landsins gagn og nauðsynjar eins og gengur.

 

Og svo auðvitað vaskað upp  hehehe.....

Það þarf að passa litlu börnin líka.

Baka köku, auðvitað úr öllum þessum eggjum.  Hanna Sól var að baka með frænkum sínum Möttu og Sóley Ebbu. Það er bara eftir að setja kremið á.  Nammi namm.

Falleg kvöldmynd síðan í gær.

En í morgun sáust skipakomur, eins og ég sagði ef að ísfirðingar fara ekki til útlanda, sem við gerum auðvitað ekki þegar veðrið leikur svona við okkur......

Þá koma útlöndin bara til okkar.

Enginn smádallur þetta.

Eða þessi.  Höfnin er full. 

Það verður nóg að gera á Ísafirði í dag, eins gott að sólin skín og veðrið er glimrandi gott.

Ein smá saga í lokin.  Tvö barnanna minna bjuggu nokkur ár út í Danmörku, þau voru að koma heim, og krakkarnir sem bjuggu hér heima, höfðu skreytt húsið að utan í tilefni af komu þeirra, skrifuðu heilmikil spjöld sem stóð á velkomin og slíkt, og hengdu það utan á anddyrið.  En það voru aðrir gestir að koma í heimsókn, þýskt skemmtiferðaskip.  Og fólkið sem gekk fram hjá húsinu og sá þessi skilti komu auðvitað öll til að skoða hvað væri um að vera hehehe... það var gestagangur í lagi.  Annars koma hingað margir, og fá að kíkja inn um skáladyrnar.