Mömmó og meira,

Ég fór á fund í kvöld, stubburinn er að fara á Taikwando mót á næstu helgi í Keflavík.   Hann ávann sér rétt til að taka þátt með því að standast prófið um daginn.  Og nú er litla fjölskyldan á fullu að undirbúa förina suður.  Amma ætlar með stubbnum sínum, það væri nú annað hvort.  Það var sem sagt fundur í kvöld með foreldrum, og ég fór og minn elskulegi sá um börnin á meðan.  Ekki fyrir mig, það var þá þegar mín voru lítil.  Nei nú er þetta sameiginlegt.  Hér áður og fyrr, þá gætti hann barnanna fyrir mig hehehehe svona getur tíðarandinn breyst líka meðal okkar sem eldri erum, og guð láti gott á vita. 

En ég tók nokkrar myndir í dag, Veðrið var náttúrulega unaðslegt, og við hjónin ákváðum að fara í sund á Suðureyri, þegar við sæktum þær á leikskólann, sem við og gerðum.  Sú litla er alveg að ná þessu, og nýtur þess að fara í sund í dag.  Hætt að vera hrædd við vatnið.

Gat ekki stillt mig í morgun að munda myndavélina, þetta er eitthvað svo saklaust og yndislegt í ömmuholu.

Og stubbur á leið í skólann smellir kossi á litlu "systur"

Afar bregða líka á leik stundum á morgnanna.  Það er bara fjör.

Sagði ykkur það, veðrið er unaðslegt.

Skólalóðin á besta leikskóla í heimi að koma undan snjónum. 

Þetta þýðir að þessar tvær eru eftir á leikskólanum, hinir allir farnir.

Ef þetta er ekki alþjóðavæðing þá veit ég ekki hvað

Nýkomnar úr sundi.  Hanna Sól varð eftir með Júlla frænda sínum og Sigurjóni Dag og Ólöf Dagmar, en þau ætluðu einmitt að taka stelpurnar eftir leikskóla í dag.  Þessi fór samt heim með ömmu og afa.

Jamm. það er ýmislegt borið upp í munnin á sér, á þessum síðustu og verstu.

Og rússurnar smakkast alltaf vel, það finnst risaeðlum líka.

Flísteppið er líka algjört must hér.

Svo rabbar maður í símann við mömmu sína og alles.

Kvöldið er fagurt sól er sest og sefur fugl á grein.  Og klukkan að verða átta.

Ísafjarðarlognið í algleymingi.  En þannig er þetta bara.  Knús á ykkur öll inn í nóttina.  Og ég segi bara góða nótt, sofið rótt, og knús.

Vor í kúlu, mömmublogg og sitthvað fleira.

Ég lofaði vormyndum úr kúlunni.  Hér koma nokkrar þannig:

Zakúran í fullum blóma.

Kirsuberin verða mörg í ár.

Flott ekki satt.

Ef til vill fæ ég líka perur.

Veðrið á laugardaginn var hreint glæsilegt, við fórum með stelpurnar í sund á Suðureyri, Ásthildur er öll að koma til í barnalauginni.  Farin að sleppa ömmu sinni og labba um sjálf.  Svo komst hún upp á lag með að fara uppúr og til afa í stóru lauginni, og fara ofan í hana.  Það var mikið sport.  Su stóra er eins og fiskur í vatni. 

Það er rosalegt fjör hjá mínum stundum.

Og maður vill líka hafa blóm í hárinu.  Matta klippti þær báðar reyndar eftir þetta, þær fóru í pössun til Möttu og Inga, þau tóku þær yfir nótt, og það var bara mjög notalegt. 

Veðrið var ekkert síðra á sunnudeginum. 

Hænurnar eru líka ánægðar að fá að fara út.

Æ pabbi snjórinn er svo kaldur.

Aha þetta er betra.

Yess amma hehehehe...

Þá er best að fara út að hjóla... og sona.

Eða leika við Ásthildi.

Sumir verða stundum fúlir, ef það er eitthvað sem ekki má. 

Og auðvitað þarf litla dýrið að vita hvað er að.  Þessi blái litur í hárinu er maskari sem stóra systir fann í snyrtitöskunni hennar ömmu.  Áreiðanlega betur komin þarna. 

en ólundin stendur stutt yfir, það er nefnilega allt svo skemmtlegt.

Það finnst Ásthildi líka.  Ævintýrin, Nemo litli, trunt trunt og tröllin í fjöllunum, og englablues.

 

Börn, vatn og blóm eiga sérlega vel saman.

Felumynd af lítilli stúlku.

Nýklippt með blóm í hári.  Svo fín.

Maður þarf nú líka að passa litlu systur stundum.

Það var svo hlýtt úti í gærdag.  Eins og sjá má.

Hún ætlar að standa undir nafni, sú stutta, hér er örugglega verið að umpotta plöntum.

Og meðan stóru börnin fóru í pottinn.....

Fannst minni bara betra að fara í balann inni í garðskála.

Reyndar þótti fleirum gott að fara ofan í balann

Hér má sjá að stelpurnar halda báðar á dúkkum en drengurinn með bíl ? hér er ekki verið að innprenta neitt, þetta bara er svona. Eða hvað ? það skyldi þó aldrei vera að við gerðum það ósjálfrátt að halda bílum að drengjum og dúkkum að stúlkum. 

mmm hvað þetta er notalegt.

Og Hanna Sól ræðir við Hjördísi sína í símann.  En Hjördís var aupair út í Vín og gætti telpnanna.

Flottar pæjur alveg eins þær skáfrænkurnar í nýjum fötum.

Og afi í mat eins og venjulega á sunnudögum. Og blessuð börnin.

Hér er ein flott mynd af þeim Sigurjóni Dag og Hönnu Sól, en þau eru svoooo góðir vinir.

Og svo er þessi blómlega mynd líka, rósamandlan mín í forgrunni.

En við erum sennilega búin að fá óperu, hún er að vísu karlkyns, og kemur frá Litháen.  En við sjáum til með hvernig það gengur.  Stórir strákar gráta ekki.... eða hvað ?

Svo er hér komin gula röndin á beltið.  Næst ætla ég að reyna við appelsínugula beltið segir snáðinn minn.

Þeir karlmennirnir á heimilinu ræða um landsins gagn og nauðsynjar eins og gengur

Eigið góðan dag öll sömul.

Héraðsdýralæknum fækkað um helming eða meira - hvar eru mótmælin ?

Ég er dálítið hissa hvað lítið heyrist í dýralæknum og bændum í sambandi við fyrirhugað frumvarp svokallaðs sjávar- og landbúnaðarráðherra, þá á ég við þann hluta að kútta héraðsdýralæknum úr 16 niður í 6, eða var það 8 ?  Allavega niður um helming eða meira.  Á sama tíma og hann er að boða innflutning á hráu hormónakjöti erlendis frá, þá fækkar hann eftirlitsaðilum.  Eða maður hefði haldið að dýralæknar væru best til þess fallnir að fylgjast með heilbrigði kjötsins.

 Það heyrist ekkert í Vestfirðingum, en eftir því sem ég hef heyrt, þá á að leggja niður embætti dýralæknis á Vestfjörðum, hann verður sum sé staðsettur í Borgarnesi.  Mjög svo viturleg ákvörðun eða þannig. 

Það veruð gaman fyrir bónda á Tröð í Önundarfirði, þegar kind verður í erfiðleikum með burð.  Hann hringir náttúrlega til Borgarness; geturðu komið og aðstoðað mig ? Ég er með kind sem á í erfiðleikum að bera. 

Nei ég get ekki komið, segir Dýralæknirinn, enda er það ekki mitt verk, ég á bara að vera yfir svæðinu.

Nú segir bóndinn, hvert á ég þá að leita ?

Nú ég held að það sé kona þarna fyrir vestan sem er dýralæknir, hún var þarna allavega.

Já en hún flutti auðvitað í burtu, þegar embætti hennar var lagt niður.

Nú hverslags er þetta eiginlega, gat hún ekki bara verið kyrr, og praktiserað ?

Praktiserað ? spyr bóndinn dolfallinn, heldur þú virkilega að hér séu svo mörg gæludýr að það sé viðurværi fyrir dýralækni ?  Nei hér er enginn á svæðinu til að aðstoða okkur.

Þú verður bara að lóga kindinni segir dýralæknirinn.

 

Hverslags bölvar rugl er þetta eiginlega.  Það er ekki nóg með að þessi mannvera hafi átt sinn stóra þátt í að rústa landsbyggðinni með því að skera niður þoskveiðiheimildir, heldur ætlar hann núna að ganga á milli bols og höfuðs á bændum líka. 

Mér er spurn, ætla bændur á Vestfjörðum að láta þetta yfir sig ganga mótþróalaust.  Er virkilega búið að draga allar tennur úr Vestfirðingum, svo þeir geta ekki hreyft sig meir ?

Maður var að vona að átakið frá Haga til maga, eða eins og sagt var frá Hafi og Haga til Maga, myndi skjóta styrkari stoðum undir bændur í strjálbýli og einnig auka vægi dýralækna.  En nei, það á að drepa það allt saman niður líka.  Landráðamaður er sá sem þannig hagar sér, að hann neyðir fólk til að flosna upp og fara.  Vei þeim sem veldur slíku.  Hann á ekki að fá leyfi til að fara með þau völd sem hann hefur.  Svona menn á að refsa grimmilega ef ekki fyrr þá í kosningum. 

Bændur það er ykkar að standa með dýralæknum í þessari baráttu, og láta ekki fara svona með landnúnaðinn.  Þetta frumvarp á að fá að deyja drottni sínum. 

Eða það er líka hægt að taka upp vopnin og berjast með okkur fyrir frjálsum Vestfjörðum.  Loka okkur af frá Íslandi og vera sjálfstæð.  Það er líka möguleiki.  Og sennilega sá raunhæfasti miðað við hvernig stjórnvöld fara með fjórðunginn.  Eða ætla menn endalaust að kyssa á vöndinn og láta taka sig ósmurt ?

Enginn aðstoð meira við kúabændur, þeir verða bara að lóga kúnni, því ekki kemur dýri alla leið frá Borgarnesi, enda hefur hann þá í nógu að snúast.  Eða ætla menn virkilega að ráða aðstoðardýralækna á fámennari staðina ?  Eða jafnvel bara einhvern bóndann í sveitinni, sem þykir liðtækur að hjálpa, þegar enginn lærður dýralæknir vill vinna í hjáverkum við að aðstoða. 

Eða hafa ráðamenn ef til vill EKKERT HUGSAÐ UM ÞAÐ HVERNIG ÞETTA ER Í PRAXIS, kæmi mér ekkert á óvart miðað við stjórnarhættina sem þeir viðhafa núna.   Svei því bara. 

Vor í Vín.

Fékk þessar myndir sendar frá Báru dóttur minni, vorið er svo sannarlega komið í Vín, en það er líka komið í Kúlunni, þið fáið að sjá þær myndir seinna í dag, eða í kvöld.

En hér er sýnishorn frá Vín.

Ég held að þetta sé örugglega Zakúra eins og mitt. Sem einmitt er líka í blóma.

Þetta er bara svín, en þau dýralæknanemendurnir hafa lifandi dýr til að vinna með, og læra á sjúkdómana.  Dýralæknaskólinn er dýragarður í leiðinni lítið þorp, eða ekki lítið um 100.000 manna þorp hehehe.. þar sem eru skurðstofur fyrir stórgripi og smádýr og allt þar á milli rannsóknar stofur, röntgen myndastaðir fyrir mismunandi stærð dýra.  og bara að nefna það, þarna eru margar tekundir hestakyns, írskur póný, þýskir og austurrískir hestar íslenski hesturinn áramt arabagæðinum.  Og margar fleiri. Bára mín er í sérhæfri deild fyrir hesta. 

En sumsé mér sýnist vorið í Vín vera um það bil það sama og vorið í Kúlusúk.... eða þannig. 

Að sigra.

Stubburinn kom heim með spjald í dag sem stóð á;

Þórður Alexander Úlfur Júlíusson Thomassen Kristján, (nafn sem hann hefur örugglega gefið upp, og notar við hátíðleg tækifæri ) hefur staðist próf fyrir 10.geup.  SSANGYONFTAEKWON.  Undirritað af meistara og kennara.  Hann er komin með gula rönd á beltið.  Var að vonast eftir gulu belti, en ég tek það bara næst segir, hann eða jafnvel appelsínugula beltið.  Mikið er ég stolt af stubbnum mínum. 

 

Til lukku elsku stubburinn minn.  Þú ert flottastur.

Vor vor og vor, og yndæl stund með fjölskyldunni.

Dagurinn í dag var dýrðardagur, ekki bara veðrið sem var hreint dásamlegt, heldur var mikið líf og fjör í kúlunni. 

Vorið er komið, hér suðuðu minnst fjórar bíflugnadrottningar, nú kemur sá tími að ég þarf að fara að veiða þær upp úr tjörninni, þær vilja hrata niður í tjörnina blessaðar, og ekki vil ég að þær drukkni.  En þær eru sem sagt komnar í garðskálann minn.

Í morgun hringdi í mig kollegi minn,  hann Samson; Ásthildur, hvar ert þú, ég er staddur hér upp í garðplöntustöðinni þinni, er hér á Ísafirði og langar að hitta þig. 

Ég kem bara sagði ég.

Það er gaman að hitta fólk úr garðyrkjunni.  Við drukkum saman kaffi, og spjölluðum, hann sagði mér að hann væri með teikningu af Austurvelli, sem er systurgarður Hallargarðsins Reykvíska, einnig teiknaður af Jóni H. Björnssyni, hann var með eintak sem hann hafði litað og prentað út.  Hann vildi líka gefa bæjaryfirvöldum eintak.  Ég hringdi í Halldor Halldórsson bæjarstjóra, og hann bauð okkur að koma og tala við sig rétt fyrir hádegið.  Við áttum gott spjall saman öll þrjú, og Halldór fullyrti við okkur að það væri ljóst að Austurvöllur yrði áfram skrúðgarður.  Enda eru þessir fjórir garðar sem eru hér á þessu svæði, þ.e. Skrúður, Simsonsgarður, Jónsgarður og Austurvöllur, einstakir hér á landi.  Að eiga fjóra skrúðgarða, gerist ekki betra. 

En eins óg sjá má, var veðrið dýrðin ein.

Og fegurðin eftir því.

Já vorið er komið, ekki satt ?

Jólarósin mín svolítið á eftir að blómstra, en það gerir ekkert til, hún er dásamlega flott.

Og trén byrjuð að bruma.

allt á fullu í gróðurhúsinu, við Júlli prilkuðum um 1400 silfurkamba og 1100 skrautnálar í dag, auk þess um 300 flauelisblóm.  Allt þarf þetta að vera klárt fyrir söluna í vor.

Ég er búin að fá tvo pólverja í vinnu við að gera við gróðurhúsin sem skemmdust í vetur.

Og hænurnar fengu að fara út, svona aðeins.

af mold ertu komin og að moldu skaltu aftur verða hehehehe.

Og stubbur hjálpar líka til.

Rósamandlan mín er rosalega flott.

Stubburinn fer í beltapróf á morgun í ThaiKvan Do, ef hann stenst, þá fer hann í keppnisferð til Keflavíkur i enda mánaðarins.  Hann er rosalega duglegur, hér er hann að æfa sig.

 

Jamm flottur.

Börn hafa mjög gott af svona sjálfsvarnaríþróttum.

Bæði upp á sjálfsöryggið

En líka upp á ögunina

Og að skilja sjálfan sig.

Sigrast á vanmætti.

Standa keikur og hress.

Sem betur fer er stubburinn með frábæran kennara, og svo hefur hann bara svo mikinn áhuga á þessu.  Vonandi gengur honum vel á morgun.

En það gerðist dálítið sem var bara surning um ekki hvort heldur hvenær, Ásthildur datt í tjörnina.

Júlli var rosalega snöggur að hlaupa  til og kippa henni upp úr.  Flest hafa þau dottið í tjörnina, má segja að það sé einskonar kúluvíxla hehehehe....

Aðrir voru bara í skaftaslag.

Og aðrið létu sé fátt um finnast.

Það var nóg af stubbum í kúlunni í dag, vegna þess að við ákáðum að grilla saman fjölskyldan.

 

Jamm það er vissara bara að leika sér á stéttinni.

En það var nóg um að vera.  Eins og vanalega.

Stubbar eru og verða stubbar, þessir ætluðu í smáferðalag.

Hér má sjá yfirgrillarann Júlíus.  Stóð sig rosalega vel.

Jamm það entist ekki lengi varkárnin við tjörnina.

Maturinn var góður.

Nei hún datt ekki, hún er að vera fyndin

en það eru fleiri, þetta er hann Trausti.

Ójá, sumir héldu sig til hlés

Og hvað er betra en stubbaknús.

Nema er vera skyldi Tjarnarblúes hehehe

Sumir eru þó bara prinsessur. 

Jamm sullumbull og bullum sull.

Aðrir eru einfaldlega í Rambóleik.

Kúlulíf, daglegt brauð.. eða þannig.

Hanna Sól fékk fullt af fallegum fötum frá Tinnu frænku sinni.

Amma í kúlu, nú er komið að þér að setja inn mynd sko!!!

Þetta gæti verið felumynd af krökkum.  Ég hef ekki tölu á hvað hér voru margir í dag, enda skiptir það ekki máli.  Þau eru yndæl öll sömul.

Álfur og Huldumaður................................. eða þannig.

Þetta er svona maraþon myndakvöld.  en það bara gerðist svo margt skemmtilegt í dag. Svoleiðis er það stundum.

En á morgun er laugardagur, og þá getur maður slakað á aðeins, á sig sjálfur eða þannig.  Eða ef til vill á maður sig aldrei sjálfur, sérstaklega þegar lítil börn eru annars vegar, þau krefja mann um allan þann tíma sem maður hefur og svo miklu meira í ofanálag, en þau gefa manni það líka tífalt til baka. 

Til hamingju með afmælið Bjössi minn.

Skásonur minn hann Arnbjörn Elvar á merkisafmæli í dag.  Innilega til hamingju með daginn elsku Bjössi minn.  Vona að þið litla fjölskyldan eigið góðan dag saman.  Með bestu kveðjum  knúsi og krami frá skámömmu.

 

Allt er fertugum fært

fátt þeir eiga ólært.

 Gakktu með glans út í daginn.

og Gangi þér allt best í haginn. 

Knús

 

Smá mömmublogg og krúttfærsla, og svo hið daglega veður.

Þá koma hinar daglegu myndir. 

Maður fær sér morgunmat, fyrir leikskólann.

Hanna Sólin búin að borra og má ég aðeins fara í tölvuna þína amma ?

Morgunin lofar góðu.

Hæ amma mín.

Þá er það vinnan sem kallar.

Uhu amma, ég vil fara aftur heim !

Jey! Hanna Sól er komin.

Kubbinn alltaf glæsilegur.

en eins og sést er snjórinn farinn úr miðbænum, enda var sól og heilmikill hiti í dag.

Og páskaliljurnar að stinga sér upp úr moldinni.

MMM mér finnst tómatar góðir.

Ingi frændi er nú flottur.

Og Zakúrakirsuberin flott.

Það eru þessir jeppagaurar, þeir eru óforbetranlegir.

Hér eru bræðurnir - rauðhausarnir - nýkomnir úr fjöruferð með pabba sínum.

Já það vantar ekki ungviðið hér á þessari kúlu.

Evíta litla.

Og Ásthildur ansi vígalegar báðar tvær.

Aron Máni vill nú hjálpa til.

Maður verður nú að sulla smá.....

Og svo er aðalatriðið að vera vel skóaður

Evíta getur nú sullað líka, svo sem.

Þessi tvö eru vatnakettir algjörir, ég get svarið það.

ég leita reglulega að sundfitum á þessari pæju. 

Amma mín ég fann álf !!!

Og ég segi bara góða nótt.

Af hverju hið daglega veður.

Jamm, hér hefur verið í gegnum tíðina unnin hryðjuverk á fréttum af veðri á Vestfjörðum, vonandi af hugsunarleysi en ekki vitandi vits.  Það er alltaf tíundað ef veðrið er vont, en þagað um þegar hér er hlýjast.

Ég hef oft ergt mig á þessu.  Einu sinni var tekið veður hér af lögreglumönnum inn í bænum, líkt og mér skilst að sé gert á Akureyri,  þá voru hitatölur oft hærri hér en á Akureyri og Egilstöðum.  En bæjarstjóri sem hér sat,´sá ofsjónum yfir greiðslu sem lögreglan fékk, þeir notuðu þann pening í sjóð sem þeir höfðu sameiginlegan, ég held að þetta hafi verið um 120 þús. kr. á mánuði. Svo þetta var aflagt, og hætt að tíunda hitastigið hér, en sagt frá hitastigi í Bolungarvík í staðin, sem er nyrst og við opið haf, og oft munar einni til tveimur gráðum á hitastigi. 

Muna einhverjir eftir því að sagt var gjarnan að Austfirðingar og Akureyringar ættu góða veðrið.  Og það var vendilega þagað um það þegar veðrið var betra hér en annarsstaðar.

Til dæmis var í þætti hjá Jóhönnu Harðardóttur einhverju sinni tíundað hitastigið á Akureyri hitabylgja um man ekki hvað eitthvað um 20 ° en hér var tveimur stigum hærri tala, ég hringdi og vildi láta segja frá að hér væri hærra hitastig. það kom aldrei fram.  Þetta er bara eitt einstakt dæmi.  Annað dæmi sem ég upplifði var þegar hafði verið svarta þoka daginn áður, og þegar ég fer í vinnuna morguninn eftir, heyri ég í útvarpinu að það er sagt ófært að fljúga á Ísafjörð og Vestmannaeyjar vegna þoku.  Ég hringi í fréttastofuna og segi að mér finnist þetta undarlegt, þar sem hér sé ekki skýhnoðri á himni og blankalogn. 

Við höfum þessar upplýsingar sagði sá sem svaraði.

Ég skil það nú ekki alveg sagði ég, því ég horfi hér upp í heiðbláan himininn og það hreyfist ekki hár á höfði. Hvaðan koma þessar upplýsingar ?

Nú úr símsvaranum á flugstöðinni, var svarið.

Já en þetta eru skilaboð frá því í gær, hlýtur að vera svaraði ég.

Getur þú staðfest að það sé hægt að fljúga, spurði röddinn óþolinmóðlega.

Nei sagði ég, ég er bara kerling út í bæ, en eitt get ég sagt þér, að það væri stórfrétt ef ekki er flogið í svona veðri, eða veðurleysi.

En ég hef tekið eftir því að þið reynið alltaf að segja veðrið hér verra en það er, og nú tekur steininn úr, sagði ég.

Þú heldur kannski að við sitjum hér á kaffistofunni og ákveðum að tala illa um veðrið á Ísafirði, sagði maðurinn með þjósti.

Já svei mér þá, sagði ég, ég held að það sé einmitt það sem þið gerið.

Það kom reyndar á manninn við þetta svar.

Ég vil bara að þið segið frá því að hér sé glampandi sól og logn, en ekki ófært vegna þoku, næst þegar til segið frá veðrinu í fréttunum.

Svo hringdi ég inn á flugvöll og tilkynnti þeim hvaða hremmingum ég hefði lent í. sagði þeim að þeir yrðu að leiðrétta þessa frétt.

Í tíu fréttum kom svo sama rullan um að ófært væri að fljúga á Ísafjörð og Vestmannaeyjar vegna þoku.

Svona hefur þetta ævinlega verið, og fólk var farið að tala um að hér væri ekki byggilegt vegna slæms veðurs, sem er hið mesta rugl.  Meira að segja neituðu sumir foreldrar að senda börnin sín hingað að spila fótbolta eitt árið, af því að þau voru hrædd við snjóflóð..... í miðjan JÚNÍ.

Svo ég ákvað þegar ég byrjaði að blogga að reyna að slá á þessa mítu um vonda veðrið á Ísafirði og Vestfjörðum.  Ég hef núna því sem næst daglega sett inn veðrið og sett inn myndir sem hafa verið teknar samdægurs.  Eins og þið hafið séð, þá er veðrið langt í frá eins slæmt og var búið að telja fólki trú um. 

Þess vegna er HIÐ DAGLEGA VEÐUR Á ÍSAFIRÐI.  Myndir ljúga nefnilega ekki.

Hið daglega veður, vor og vorboðar.

Jamm þá er best að ræða aðeins um veðrið.

Hér er Súgandafjörður með sólbrá á sjó.

Kubbinn sterki og fallegi líka.

Já birtan er falleg.

Sól að morgni.

Vildi að ég gæti sett fuglasönginn hér inn með myndinni, þá væri þessi morgun fullkomin sem hann reyndar var.

Og þessi birta sem er svo einstök.

Þegar vorið kemur fara stubbar á kreik, sjónvarpið gleymt, en náttúran heillar.

Jamm það  ER komið vor.

Það segir Kameliufrúin undirleit...

Og brosir svo sínu bliðasta.

Og kirsuberin blómstra líka til samlætis.

Og lítil stúlka slakar á eftir daginn í nýjum sokkabuxum frá Tinnu frænku.

Góða nótt