Óbeisluð fegurð í Ísafjarðarbíói.

Óbeisluð fegurð sýnd í Ísafjarðarbíói

þriðjudagurinn 23. október, 2007

Heimildarmyndin um Óbeislaða Fegurð verður sýnd í Ísafjarðarbíói núna í lok október. Sýningar á myndinni sem er 56 mín löng verða tvær. Hrafnhildur Gunnarsdóttir leikstjóri myndarinnar verður viðstödd frumsýninguna og mun hún spjalla við kvikmyndagesti og svara fyrirspurnum eftir myndina.

Föstudaginn 26. október kl. 21:00
Sunnudaginn 28. október kl. 17:00
Miðaverð er kr. 1000

Allur ágóði af sýningunum rennur til Sólstafa og er það von skipuleggenda að sjá sem flesta. Myndin hefur fegnið góða dóma og er mjög skemmtileg. Fjallað var um hana í Kastljósi 8. október og í þættinum 07/08 á RÚV. Viðtalið við Hrafnhildi er aðgengilegt á vef Þorsteins Joð .

Forsala aðgöngumiða hefst miðvikudaginn 24.oktober 2007 á Langa Manga og í verslun Office One á Ísafirði. Einnig er hægt að senda póst á netfangið [e-mail].

Halló !

Ég hvet vestfirðinga til að koma og sjá þessa bráðskemmilegu mynd, atburðurinn var á heimsmælikvarða, og það er mikil eftirspurn eftir myndinni víða um heiminn.  Og það skemmtilega er, að þetta gerðist hérna heima hjá okkur.  Þið ættuð ekki að missa af þessari skemmtun.  Myndin verður bara sýnd tvisvar, á föstudaginn kl. 20.00 og sunnudaginn kl. 17.00.

Góður fundur með Guðjóni Arnari og Kristni H. Gunnarssyni.

Ég var á mjög flottum fundi hjá frjálslyndum í gærkveldi.  Framsögumenn voru Guðjón Arnar og Kristinn H. Gunnarsson.  Mjög fjölmennt var á fundinum, og margir sem lögðu fram fyrirspurnir.  Þar kom fram að Frjálslyndi flokkurinn hefur lagt fram um 13 frumvörp til laga síðan Alþingi kom saman, þar af nýju sem komin eru í umræðu.  Þetta er Frumvarp til laga um almannatrggingar og um málefni aldraðra.  einnig frumvarp til laga um að  sjúkratryggingar greiði tannlæknaþjónustu aldraðra og öryrkja, og þeirra sem yngri eru en 25 ára.  Breytingu á lögum um tekjuskatt, um hækkun persónuafsláttar.  Tillaga um skipan lánamála og sambærileg lánakjör einstaklinga hér á landi og annarsstaðar á Norðurlöndum.  Frumvarp til laga um breytingu um stjórn fiskveiða. Hækka veiðiheimildir upp í 170 þúsund tonn.  Um leyfi til krókaveiða á eiginbát við annan mann, með 4 handfærarúllur.   Frumvarp um Háskóla á Ísafirði og fleira.  

Sem sagt mörg góð mál, sem lögð hafa verið fram að mínu fólki.  Það verður gerð betri skil á þeim seinna.  En það er margt sem er ekki réttlátt í okkar samtryggingu í dag, eins og til dæmis viðbótarlífeyrissparnaðurinn, sem er eiginlega sparnaður fyrir ríkið en ekki einstaklinginn sem safnar, ef hann tekur hann ekki út á réttum tíma.  Um aðhlynningu aldraðra og Alsheimer sjúklinga, að það sé ekki nauðsynlegt að hafa sama heimilisfang og viðkomandi, og að greiðsla til heimahjúkrunar hækki upp í 95.000 krónur á mánuði.  Þetta mun þýða að fólk getur verið lengur heima hjá sér, og þar með sparað heilmikla peninga, sem það kostar að vista fólk á stofnunum.

Fiskveiðilöggjöfin er kominn alveg út úr kú, og er þjóðfélagslega mjög óhagkvæm, því það eru ekki réttar forsendur sem Hafró setur til grundvallar.  Það væri nær að minnka loðnuveiði, þar sem loðna í mjöl gefur einungis 5% hagnað á þjóðarvísu meðan Þoskurinn gefur um 30%.  Og það er sannað mál að því minni sem loðnustofninn er, því horaðri og minni er þorskurinn.  Loðnan er aðalfæða þorsksins. 

Félag smábátasjómanna samþykkti á landsfundi sínum að fá hlutlausa rannsókn til hliðar við niðurstöður Hafrannsóknarstofnunnar, sem ég tel að sýni best hve ótrúverðugar þær niðurstöður eru. 

En sum sé, góður fundur vel mætt, og mikill hugur í fólki.  Það er gaman að fara á fund þar sem er jafnmikill áhugi á málefnum flokksins og sýndi sig í gær.  Og sýnilegt að við erum ekki eins máls flokkur.  Heldur látum okkur varða allar hliðar mannlífsins. 

 Einnig réttindi og aðstöðu þess fólks sem hingað kýs að koma og dvelja, til lengri eða skemmri tíma.  Það er skylda ríkisins að sjá til þess að ekki séu á þeim brotinn mannréttindi, og að menn fái greidd þau laun sem þeim ber.  Undirboð og svik við vinnandi fólk á ekki að líða.  það þarf að taka hart á brotamönnum, sem nóta bene eru íslendingar, sem þannig haga sér af græðgi.  Og þetta lækkar líka laun íslenskra verka- og iðnaðarmanna, það hefur sýnt sig.  En einnig er sú staða komin upp að íslensk veiðiskip, eru í auknum mæli mönnuð erlendum sjómönnum, og þeim greitt minna fyrir en íslenskum sjómönnum.  Slíkt býður hættunni heim.  Allt gert til að hámarka eigin hagnað.  Þessi græðgisvæðing er að verða óþolandi.  Og þeir menn sem enskis svífast til að hámarka gróða sinn, þurfa að sæta refsingum.

Hvað með Reykjavík ?

Nei við mótmælum engu.  Erum dofin og tilfinningalaus.  En ef til vill er þýðingarlaust að mótmæla, heimurinn virðist ætla að láta herforingjana í Burma komast upp með þjóðarmorð, spillingu og að fara sínu fram, hvað sem tautar og raular.  Einhverjar máttleysislegar umræður um viðsskiptaþvinganir eða refsiaðgerðir skipta þá nákvæmlega engu máli, því þeir maka krókinn á viðskiptum við þau lönd sem þeim hentar, af því þeir hafa eitthvað þjóðarauð landsins á sínu valdi, og aðrir eru æstir í að selja þeim hvað sem er.  Það er svo mikil hræsni og óréttlæti í þessu, að það er með ólíkindum. 

Mér verður hugsað til Davíðs, þegar hann upplýsti okkur í sjónvarpsviðtali að stöðva bæri Saddam Hússein vegna þess hve mikill harðstjóri hann væri.  Það réttlætti innrás fullkomlega.  Nú þegar það er vitað að nokkrir einstaklingar herforingjaklíka eru með öll ráð heillar þjóðar í hendi sér, og heimurinn veit að fólki vill losna undan þeim, þá er bara malað í fínum matarboðum um "hertar refsiaðgerðir".  Ráðamenn Þjóða heims þar með talin íslensk SKAMMIST ÞIÐ YKKAR. 

Tólf ára stofufangelsi mótmælt í dag

Og svo er það veðrið, blessað veðrið.

það er búið að vera allskonar veður hér í dag.  Gott veður, rigning, rok og allt þar á  milli.  En hér koma nokkrar myndir, því gallerí himin var galopinn í dag.

 

Þessir hvítu blettir eru rigningardropar. 

Svei mér ef bangsinn er ekki þarna ennþá til í smáknús.

Jamm svona getur þetta litið út

Smá birta svona hér og þar. 

gróðurhúsin mín. 

Hér sést gamla sjúkrahúsið, mjög margir ísfirðingar eru einmitt fæddir.

Jamm skemmtilegt sjónarspil. Dyr ævintýraheima.

Kallar á smáleiksýningu eða hvað ?

Duló ekki satt ? Auga alheimsins blasir hér við, ef einhver heldur að þetta sé eitthvað annað, þá er það misskilningur

Það eru hér sem ævintýrin gerast. þar sem dagurinn mætir nóttinni, mannheimar dulheimum, og draumurinn mætir veruleikanum.  Þetta eru landamæri raunveruleikans og draumsins.  Maður les sig upp eftir þessari ljóskeilu upp í himinhvolfið, og getur upplifað ævintýrin.  Munið bara að það er ekki hægt að fara nema maður trúi því sjálfur að maður komist alla leið.  Góða ferð  Og munið líka að þið verðið sjálf að skapa ykkar eigin ævintýr.  Þannig virkar lögmálið. 

 

Umhverfismengun.

Ég hef svona verið að spá í allar auglýsingarnar um blettaeyðina fyrir þvottinn, það liggur við að hann eyði flíkunum líka, svo sterkar eru lýsingarnar.  Svo eru þvottaefni sem hreinsa allt, og allt verður tandur hreint og hvítt, það sem á að vera hvítt auðvitað.  Síðan eru það uppþvottavélasápann, það þarf varla að þvo, því um leið og maður lokar vélinni, þá hrynja blettirnir sjálfkrafa af.  Hreingerningaefnið, sem strýkur alla erfiðu blettina af, allt hverfur fita, óhreinindi og nefnið það bara.  Allt hreinlega hverfur.   Það er sko ekki vandamál með bletti eða óhreinindi þessa dagana.

Það sem ég er að spá í hins vegar, hvað verður um allt þetta frábæra hreinsidót.  Hvað innihalda svona hreinsilegir sem bókstaflega eyða öllu ?  Og það sem meira virði er, hvað verður um þetta þegar það hverfur niður um niðurföllinn hjá okkur, út í sjó, eða ár eða læki ?

Hefur einhver leitt hugan að því, þvílíkt skaðræðisefni gæti verið hér á ferð ? Hvað verður um lífverurnar sem verða á vegin þeirra ? bæði á leiðinni til sjávar, og svo það sem við tekur í sjónum.  Þetta er nú enginn smáskammtur sem fer daglega frá venjulegu húsi.  Flestir eiga uppþvottavél, eða allavega vaska upp í höndum, a.m.k. einu sinni á dag, sumir tvisvar, eða þrisvar, eða þvottavélin, sumir þvo allt eftir eins dags notkun, eða jafnvel minna.

Ég held að við mættum stundum fylgja þessum efnum eftir í huganum og hugleiða, hvort við getum ekki minnkað þessa notkun aðeins.  Þvegið sjaldnar eða bara hugsað um ráð til að draga úr notkun. Sumir fara í bað einu sinni á dag, og nota allskonar sápu.  Allt þetta mengar meira og minna.  Ef við viljum nota vistvænar vörur, þá er um að gera að leita eftir umhverfismerkjunum, en ekki bara lesa skrumið utan á umbúðunum.  Því þær geta verið blöff. 

Þetta er nú bara svona til umhugsunar um hvað við sjálf getum gert til að betrumbæta umhverfið.  Það er nefnilega ekki bara í hinu stóra eins og útblæstri bíla, eða álvera, sem skiptir máli.  Við sjálf erum örugglega stórir áhættuhópar í mengun með öllu þessu fjandans hreinlæti.  Sem nóta bene er ekki einu sinni holt, því á misjöfnu þrýfast börnin best.  Og það held ég nú. 

Myndir frá Hnífsdal og fl.

Datt í hug í morgun að skreppa með myndavélina út í Hnífsdal fyrir hana Þórdísi bloggvinkonu mína. 

Það var ágætis veður í morgun, en núna er komin rigning og rok, og ég búin að vera úti að raða niður runnum til gróðursetningar.  Úff það var frekar  ....................................................... blautt

 

Þetta hús hér fremst er gamla kaupfélagshúsið, þegar Hnífsdalur var alvöru þorp.  Húsið við hliðna var hús sem Einar Steindórssón átti heima í, og uppi á bakkanum eru heimabæjarhúsin.  Þetta með rauða þakinu er friðað. Þar utan við eru hesthús, sem bærinn hefur nú keypt upp, því þar kemur vegurinn frá Bolungarvík gegnum gönginn.

Alveg er ég viss um að hér hafa margir átt gleðistund, og jafnvel stofnað til hjúskapar, nú eða afkvæmis.  Félagsheimilið í Hnífsdal.

Horft yfir ána, að byggðinni. Vildi ekki taka myndir af Ólafsauðninni hinu meginn.  Það var Leifur Pálsson sá heiðursmaður sem gaf svæðinu það nafn á sínum tíma.

Hreggnasinn.  Blokkin þarna er kölluð Vindheimar, það er svolítið vindasamt þarna á háhæðinni.

Svo horfir maður út á Djúpið og hér nær er Snæfjallaströndinn og fjær er Grænahlíðin.

Arnarnesið.

Og þetta venjulega sjónarhorn sem ykkur er boðið upp á.  Nema núna rennur snjórinn í fjallinu saman við skýin.

Lognið á undan storminum hehe..

Naustahvilftin þar dansa Dísir. 

Horft yfir miðbæinn.

Þessar myndir eru allar teknar í dag, fyrripartinn, áður en byrjaði að hvessa og rigna.

Eins og náttúrlega sjá má.  Eigiði góðan dag, og ekki hætta ykkur úr í þetta leiðindaveður nema þið eigið brýnt erindi.

 

Æ Æ Æ ...

Vesalings dúllurnar.  Það er ekki andskotalaust að vera svona vinsæll og frægur.  Geri í stöðugri hugleiðslu Hari Kristna ?? , Mel B flugþreytt, ætti ef til vill að skoða hamstraflugþreytumeðalið Viagra , Mel C rosa óþolinmóð og Emma grét.  Jésús Pétur, hvað ég vorkenni þeim, enda er það mjög erfitt að vera svona frægur og feimus. 

Þá er nú betra að vera bara nobody og haft það eins og maður vill. 

Ýmislegt gekk á við upptökur á Kryddstúlkumyndbandi

Leitað eftir Vinkonu.

Bloggvinkona mín Anna Benkovic er týnd, ég vil endilega fá hana hingað aftur.  Elsku Anna mín hvar heldur þú þig, í ævintýralandinu góða.  Eða hefurðu verið brottnumin af geimverum.  Þarf ég að fara að leggja í langan leiðangur til að bjarga þér úr háska.  Jafnvel geimferð ? 

Vil bara láta þig vita að ég sakna þín og skrifanna þinna.

Risaknús til þín ljúfust. 

Veðrið í dag.

Veðrið í dag hefur verið margbreytilegt, en skemmtilegt og áhugavert i alla staði. 

Sjáið birtuna á sjónum.

Bara að snúa myndavélinni aðeins, þá er þetta svona.

Og svona lítur út yfirsýn yfir djúpið.

Jamm það er alltaf eitthvað óreiknanlegt við veðrið hér á okkar ísakalda landi, ekki svona lognmolla í fleiri daga ........................ eða þannig.

Þvílíkt sjónarspil.

er nema von að við viljum helst tala um veðrið af öllu.

Ekki vantar litadýrðina.

Yndislegt alveg.

Og svo ekkert minna en risaknús til ykkar allra.

Dagurinn í gær.

Það var heilmikið að gera hjá mér í gær, ljúka við að gróðursetja á leiksvæðið í Hnífsdal.  Það var ekki beinlínis kræsilegt að sullast í moldinni, rennandi blautri og gljúpri, sem betur fer var ég með aðstoðarmenn, Pólverja og Portúgala.

Harðduglegir menn, sem hingað eru komnir til að vinna.  Þeir eru múrarar aðallega, en létu sig hafa það að fara í gróðursetningu.

Sullum bull og bullum sull.

Svo var mér boðið á fund. Reynir Traustason hringdi í mig og bauð mér að koma á fund sem DV hélt, þeir eru að fara af stað með fundarherferð um landið.  Þessi fundur fór ágætlega fram.  Þeir gáfu fólki kost á að spyrja þá um málefni.  Og fengu margar óvægilegar spurningar, sem þeir svöruðu bara ansi vel.

Síðan færði Reynir Björgunarsveit Ísafjarðar peningagjöf frá Hreini Loftssyni, sem er ísfirðingur, og missi afa sinn í sjóslysi, sú peningagjöf hljóðaði upp á eina og hálfa milljón.  Má segja að sama hvaðan gott kemur, þessum aurum er allavega vel varið.

Formaður björgunarsveitarinnar tekur hér við peningunum. 

Smellti af einni mynd af Reyni og fjölskyldunni hans.

Sigurjón á tali við ljósmyndara BB.

Á þessum fundi voru mætt allir lykilmenn Dv. báðir ristjórarnir, fjármálastjórinn og framkvæmdastjórinn og fleiri.  Ungt og elskulegt fólk. 

Þarna var líka Sherlock Hólmes, svona til að undirstrika væntanlega rannsóknarblaðamennsku.

En ég gerði meira, ég skrapp á Langa Manga bæði fyrir fund og eftir.  Þar var hljómlistamaðurinn Guðmundur við áttum ágætt spjall. Ræddum m.a. júróvísjónkeppnina sem hann tekur þátt í núna.

Hann er alvarlegur þarna af því aðhann er að syngja rosalega rómó lag.

Hér er hann kominn með áheyrendur. 

Frú Matthildur alltaf jafn sæt, og Halli vinur minn.

Jamm sú gamla á djamminu í góðum félagsskap.  

Úlala  ein óbeisluð.

Það var margt um manninn á Langa Manga eins og venjulega, hér eru glöð ungmenni, þau eru frá ýmsum löndum.

Þetta eru samt allt saman ísfirskar kjarnakonur. 

Sæt saman, hann er ítalskur þessi sjarmör. Og stúlka sem mér þykir alltaf vænt um.

Nú er maður orðin eins og Séð og Heyrt hehehehe... Sæt saman,

Hér er önnur stúlka sem mér þykir vænt um líka.

Það eru ekki drykkjulætin eða hamagangurinn eða ólætin í þessu fallega og prúða unga fólki sem var að skemmta sér á Langa Manga, þó var klukkan orðin þrjú.

Við Matthildur enduðum svo í eldhúsinu hjá bróður mínum.  Og getiði bara um hvað þau eru að ræða  Feminisma ?? jamm einmitt.