Var þetta eingöngu til að ná atkvæðum Frjálslyndra?

Ég er mjög hissa á þessu.  Hélt satt að segja að fólk skrökvaði ekki svona blygðunarlaust.  Hvað er þá sem breyttist? 

Það þarf ekki að bylta neinu, heldur færa þjóðinni það sem hún á með réttu.  Og þetta er einmitt tíminn til þess.  Þegar ríkið á nánast allan kvótann.  Þ.e. Hann er veðsettur upp í topp í bönkunum ekki satt?

Það er synd og skömm að ríkisstjórnin vilji ekki stoppa upp í fjárlagagatið með öllum tiltækum ráðum og nýta auðlindirnar til þess, en kjósa þess í stað að hrófla ekki við hagsmunaaðiljum sem aldrei áttu að fá yfirráðin yfir auðlindinni.  Nú varð ég fyrir verulegum vonbrigðum.  Hversu margir af okkar fólki ákvað að veita þeim atkvæði sitt einmitt út af stefnu þeirra í sjávarútvegsmálunum.  Við þá kjósendur er þetta fyrstu gráðu svik og ekkert annað. 

Kvótakerfi ekki umbylt

Athugasemdir

[Ragnar Gunnlaugsson, 6.5.2009 kl. 09:57]

Ætlaði þú að kaupa kvóta af ríkinu.?

[Ásthildur Cesil Þórðardóttir, 6.5.2009 kl. 10:05]

Nei ég ætla ekki að kaupa neinn kvóta.  Ég tel að ríkið eigi að eignast kvótann og leigja hann út á sanngjörnu verði.  Það eiga allir sem vilja að eiga aðgang að auðlindinni en ekki örfáir útvaldir.  Það er ekki verið að tala um að taka eignarnámi samkvæmt stefnu Frjáslynda flokksins, heldur auka veiðar og opna þannig fyrir nýliðun.  Taka hóflegt gjald fyrir og nota þá peninga til að kaupa sífellt meiri kvóta af þeim sem hafa lagt peninga í kvótakaup.  Svo á að herða á veiðiskyldu.  TIlgangurinn er að allur kvóti verði loksins í eigu ríkisins og okkar allra. 

[Óskar (IP-tala skráð) 6.5.2009 kl. 11:46]

Einni spurningu er alltaf ósvarað af ykkur sem vilja innkalla kótann.

Hvernig á að úthlutanum kótanum aftur? sb.togari, frystitogari, netabátur, línubáttur, smábátur, dragnótabátur, uppsjáfarskip, milli landshluta, jón jónsson kaupir bát hvað fær hann mikinn kóta?

Það verður fróðlegt að sjá þegar búið verður að etja þessum hópum saman um baráttu um kílóin sem ríkið ætlar að úthluta aftur með sanngjörnum hætti milli þessara hópa,,,,

[Ásdís Sigurðardóttir, 6.5.2009 kl. 11:58]

Það er engum treystandi nú orðið.

[Ásdís Jónsdóttir (IP-tala skráð) 6.5.2009 kl. 12:19]

Tek heilshugar undir þetta Ásthildur, það er einfaldlega réttlætismál sem löngu er tímabært að leiðrétta að færa þjóðinni aðgang að sameiginlegri eign sinni, fiskinum í sjónum. Nú er tækifærið að taka kvótann af með einu pennastriki og gefa fleirum kost á að starfa í þessari grein en ekki fæla ungt fólk frá að reyna fyrir sér í þessari atvinnugrein. Auk þess hefur þetta valdið byggðaröskun og eignarupptöku hjá íbúum landsbyggðarinnar sem aldrei verður bætt og engum hefur reyndar dottið í hug að ætti að bæta því miður.

KVÓTAN BURT OG ÞAÐ STRAX ég get ekki séð að þetta sé velrekin grein sem er skuldsett upp fyrir siglutoppa eftir einokun í 24 ár, úreldingar, hagræðingar og allskyns æfingar eða að fiskistofnarnir hafi tekið við sér, reyndar er ekkert mark takandi á þessum fiskifræðingum þeir vita minna í dag en í gær, ekkert staðist sem þeir segja. Báknið bólgnar út í kringum eftirlitsstofnanir sem komið hefur verið upp á kostnað borgarana hér, fiskistofa kostar litlar 800 millj. mætti byrja að spara þar og hjálpa heimilunum í landinu eitthvað fyrir það, en það er nú önnur saga.

[Róbert Tómasson, 6.5.2009 kl. 16:06]

Nú hafa úlfarnir greinilega kastað sauðagærunum og hið rétta gervi kemur í ljós.  Það verður gaman að fylgjast með í framhaldinu hversu mikið þau skötuhjú Jóhanna og Steingrímur koma til með að éta ofan í sig af kosningaloforðum og hvort þau fari í Detox til Jónínu þegar þau eru orðin full af skít.

Óskar kvótanum verður ekki úthlutað heldur verður hann leigður, og það má gjarnan benda á að nú þegar er stór hluti hans leigður út, ekki af ríkinu heldur kóngum sem fengu hann á silfurfati frá Dabba og Halldóri forðum.  Það var aldrei ætlunin að menn högnuðust á kvótanum án þess að hafa fyrir því að veiða hann sjálfir.

[Tryggvi Helgason, 6.5.2009 kl. 16:13]

Mig langar til þess að setja hér inn smá athugasemdir.

Að mínu mati þá er engin hætta á ofveiði þótt veiðar verði frjálsar, - það verða auðvitað settar reglur þar um, svo sem að togveiðar verði einungis leyfðar utan vissrar línu umhverfis landið.

Með því að afnema kvótakerfið þá er ekki verið að "taka af þeim aflaheimildir" sem hafa haft kvótaréttindi. Þeir hætta að sjálfsögðu ekki að gera út og veiða fisk, heldur verða þeir frjálsir eins og aðrir, - og til viðbótar því að veiða "einungis" samkvæmt þeim "kvóta" sem þeir höfðu áður, þá hafa þeir (rétt eins og allir aðrir), jafnframt öðlast frelsi til þess að veiða miklum mun meira en nokkru sinni fyrr.

Þá er það svo að með frelsi þá er ekki verið að "innkalla" neina kvóta, og það verður ekki heldur "úthlutað" neinum kvótum. Frelsi er ekki úthlutað.

Með frelsi til fiskiveiða þá eru, öllum þeim sem skulda, jafnframt gefnir auknir og stórbættir möguleikar til þess að greiða upp sínar skuldir.

[Dísa (IP-tala skráð) 6.5.2009 kl. 17:36]

Smáframhald frá í gær, annar sonur Ingvars sem var með saltfiskverkun á Stakkanesinu hét Elí og var alltaf auknefndur pung, ég held af því að hann var blindur eða hálfblindur á öðru auga og dró það alltaf í pung, en hinn var kallaður Tóti. Ég held ég hafi aldrei vitað hvað hann hét. Hann lét meira yfir sér en Elí og stjórnaði oft á reitunum og í fiskbúðinni í Fjarðarstræti.

[Ásthildur Cesil Þórðardóttir, 6.5.2009 kl. 18:20]

Óskar það er talað um að hólfa niður, þannig að hvert hólf fái sinn kvóta.  innan við ákveðin mörk eru krókaveiðar og handfæraveiðar.  Krókaveiðar frálsar, en hömlur á rúllur per bát.  Síðan eru línubátar þar aðeins utar og svo framvegis.  Þannig að til dæmis togari eða netabátar eru ekki að harka upp í landsteinum.  Ég hef séð netabát næstum alveg upp í fjöru inn á fjörðum á viðkvæmum stöðum.  Það þurfa alls ekki að vera neinir árekstrar, þetta er svona í Færeyjum.  Þú lætur ekki kvóta milli hólfa.  Smábátar verða að skipta þeim kvóta milli sín sem tilheyrir þeirri deildinni. Trúðu mér það verður meiri sátt um svona en sá óskapnaður sem nú viðgengst.

Tryggvi það er ljóst að það þarf að hafa kvóta á veiddan fisk.  En það á ekki að vera eign nokkurs manns, eða framseljanlegt til annara.  Það þarf auðvitað fiskifræðilegar rannsóknir, þá er ég ekki að tala um það sem nú viðgengst, með Hafró sem er í raun og veru stjórnað af LÍÚ, þar sem þeir eru í meirihluta í stjórn Hafrannsóknarstofnunar.  M.a. var framkvæmdastjóri Granda formaður nefndarinnar ef ég hef tekið rétt eftir.  Og þar af leiðandi var ekki lokað svæðum á Faxaflóa í uppeldisstöðvum, vegna þess að þar þurfti fyrirtækið að veiða.  En ef þetta er ekki rétt, vona ég að einhver beri það til baka.

Nei Hafró er ekki hlutlaus rannsóknarstofnun.  Heldur hagsmunasamtök stórútgerðarmanna með hlutleysis og eftirlitskápu á herðunum alias úlfur í sauðagæru.  Frú Ingibjörg Sólrún áttaði sig ekki á þessu þegar hún gaf út og lagði traust sitt á L.Í.Ú.  Vegna þess að hún er í órafjarlægð frá hinum dreyfðu byggðum landsins eins og svo margir í Samfylkingunni. 

En ég er alveg sammála þér í því að það á að gefa krókaveiðar frjálsar, hver sem á bát og getur farið á sjó, á að fá að veiða eins og hann getur þó með takmörkunum á veiðarfærum.  Sjómenn segja mér að allir firðir og flóar séu fullir af fiski.  Og það er raunar sárgrætilegt að vita af þessum hafsins auði þegar landið er í bullandi niðursveiflu og mega ekki nýta þá auðlind. 

Dísa mín Yngvar var þá feiti karlinn með skeggið ? ekki satt.  Hehehehe.... Man ekkert eftir þessum Tóta. 

Takk fyrir innlitið öll.

[Dísa (IP-tala skráð) 6.5.2009 kl. 20:08]

Þú ert líklega að tala um Tóta, ég gáði í Íslendingabók, hann hét Þórarinn, en Ingvar gamli dó þegar við vorum bara átta ára. Ég man samt eftir þÁ skrifaði hann honum þegar ég elti Óðin og Ellu og fór að vinna á reitunum bara sex ára, þá skrifaði hann niður alla sem mættu og tímann til að fylgjast með. Ég man enn hvað ég var hneyksluð yfir að fá nokkrum aurum minna í laun en Ella þótt við héldum sín í hvorn endann á sömu börum, af því ég var yngri. En þó við værum lítil var þetta engin þrælkun, því ég man enn þegar sá gamli sagði að ef við settum fleiri en tvo fiska á börurnar í einu færum við heim. En hugsaðu þér, mismunandi taxti fyrir sex, sjö og átta ára.

[Ásthildur Cesil Þórðardóttir, 6.5.2009 kl. 20:32]

Hehehe svo er verið að tala um jöfnuðinn enn þann dag í dag, það er auðvitað von.  En Dísa manstu hvað börurnar voru þungar?

[Rósa Aðalsteinsdóttir, 6.5.2009 kl. 21:06]

Sæl Ásthildur mín.

Geir og Ingibjörg Sólrún áttu að hirða kvótann eins og bankanna í október.

Mér sýnist Jóhanna vera búin að ná taki á Steingrími og hann verður örugglega tryggur kjölturakki.

Guð veri með þér og þínum

Kær kveðja/Rósa