Stöndum saman íslendingar.

Já það er málið.  Þetta er eins og í þorskastríðinu og baráttunni við dani á sínum tíma.  Loksins tekur þjóðin sjálf af skarið og dregur mörkin.  Og nákvæmlega á þeim tímapunkti sem þráinn Bertelsson segir að stór hluti þjóðarinnar sé fífl.

Ég hef stundum sagt að við séum kjánar og kunnum ekki fótum okkar forráð.  En núna er ég stolt af mínu fólki.  Loksins göngum við í takt og erum sem þjóð, stöndum upp og segjum hvað okkur finnst, við gerum það ekki endilega á Austurvelli, við gerum það heima við tölvuna.  Við gerum það í kaupféllaginu, við gerum það í saumaklúbbunum, og við gerum það á söngæfingum og í saunaklefanum. 

En við erum að komast að samkomulagi um að nú sé eiginlega nóg komið.  Reyndar vorkenni ég dálítið Jóhönnu og Steingrími, ég held að þau hafi viljað vel.  En einhversstaðar á leiðinni misstu þau af lestinni og misstu af þjóðinni.  Aðrir í stjórninni hafa bara ekki komið neinstaðaðar nálægt nema Össur svona smá, sem sendi hvuttana sína til að tala við BNA, og hafði gleymt að hann hafði sjálfur móðgað þá alveg rosalega með afturköllun á orðu, sem hann hefur reyndar aldrei útskýrt af hverju hann gerði.

En áfram íslenska þjóð.

 

Öxar við ána, árdax í ljóma,
upp rísi þjóðlið og skipist í sveit.
Skjótum upp fána, skært lúðrar hljóma,
skundum á þingvöll og treystum vor heit.
Fram, fram, aldrei að víkja.
Fram, fram, bæði menn og fljóð.
Tengjumst tryggðarböndum,
tökum saman höndum,
stríðum, vinnum vorri þjóð.

 

 

Sama aðferð og í þorskastríðunum

Athugasemdir

[Kidda, 2.3.2010 kl. 18:05]

Og nú kemur sendinefndin heim á morgunn, ekkert gefið upp hvað hún kemur með. 

En við stöndum saman þó svo að við séum eða alla vega ég fábjáni samkvæmt Þránni.

[Ásthildur Cesil Þórðardóttir, 2.3.2010 kl. 18:15]

Jamm ég líka.

[Ásthildur Cesil Þórðardóttir, 2.3.2010 kl. 18:45]

Ég vil vara stjórnvöld við því að reyna að fresta þessari atkvæðagreiðslu, eða gera lítið úr vilja fólks.  Það er óðs manns  æði.

[Ragna Birgisdóttir (IP-tala skráð) 2.3.2010 kl. 19:02]

I'M An Idiot

[Kidda, 2.3.2010 kl. 19:22]

Lá við að ég færi að hlægja þegar ég las að sendinefndin væri á leiðinni heim og  engir fundir á næstunni, miða við hvað JS var viss um að það tækist að landa svoooooo góðum samningi í dag eða á morgunn.

Við verðum að fá að kjósa því kosningin snýst um ríkisábyrgðina og hvort við séum tilbúin að borga fyrir einkabanka.

[Jóhann Elíasson, 2.3.2010 kl. 20:12]

Þvílíkur hringlandaháttur í þess liði og þessu drullupakki er treyst til að fara með stjórnartaumana í þessu landi.

[Ásthildur Cesil Þórðardóttir, 2.3.2010 kl. 20:24]

já þetta er alveg með ólíkindum.  Og að þau skuli láta sér detta í hug að fresta atkvæðagreiðslunni, þegar fullt af blaðmönnun og heimspressunni er þegar komið til landsins, er algjörlega út í hött.  Þau eru bara eins og alkar í sjáflsafneitun.

[Jóna Kolbrún Garðarsdóttir, 2.3.2010 kl. 20:26]

Heyr, heyr.

[Helga (IP-tala skráð) 3.3.2010 kl. 01:36]

Stöndum einu sinni saman sem þjóð og kjósum það sem er okkur fyrir bestu,höldum vörð um sjálfstæði okkar til að skapa og vera sjálfbær.Almenningur út um allan heim stendur með okkur,við erum fordæmi og það eru pólítíkurnar hræddar við.Við borgum ekki lán sem við tókum ekki.Afhverju var ekki þjóðarathvæðisgreiðsla um útrásina og ábyrgð þjóðarinnar á öllu ruglinu?

[Dagga (IP-tala skráð) 3.3.2010 kl. 07:24]

Ertu að meina orðuna sem Carol sendiherra átti að fá? Ég hef heyrt að Össur hafi haft eitthvað með það að gera.

[Ásthildur Cesil Þórðardóttir, 3.3.2010 kl. 09:09]

Já einmitt, hann dró til baka afhendinguna, þegar sendiherran var á leið til Bessastaða.  ef það er ekki móðgun við erlenda þjóð, þá veit ég ekki hvað.  Hann hefur reyndar aldrei skýrt frá því af hverju það var gert, og ekki hafa fjölmiðlamenn spurt hann um það svo ég viti.  Skrýtið?

[Dagga (IP-tala skráð) 3.3.2010 kl. 09:39]

Mér finnst þetta mjög undarlegt mál. Því hefur verið haldið fram að Ólafur Ragnar hafi gleymt að láta orðunefnd samþykkja veitinguna. Ég skil ekki upp né niður í þessu. Þetta er svo klúðurslegt mál og óskiljanlegt af hverju fjölmiðlamenn hafa ekki athugað hvernig þetta er innréttað. Hvernig líst þér á að senda áskorun á fjölmiðla um að grafast fyrir um sannleikann í málinu? Ég er ekki með bloggsíðu þannig að ég get ekki komið því á framfæri, en myndi svo sannarlega skrifa undir áskorun.

[Ásthildur Cesil Þórðardóttir, 3.3.2010 kl. 16:21]

Góð hugmynd, ætla að skoða það mál betur.  Get líka sett það inn á facebook, ég nota hana að vísu ekki mikið, en þar fer þetta víða.