Fornaldarflokkur par exellence.

Það er auðvitað enginn spurning um að þetta félag Mjólkursamsalan er að misnota aðstöðu sína að því er virðist með aðstoð Framsóknarflokksins og kaupfélagsstjórans í Skagafirði, sem ætti auðvitað að vera fyrir löngu búið að koma frá ef miðað er við bæði opinberar tölur og það sem kvisast út. Þess vegna þarf svo sannarlega að lostna við Framsóknarflokkinn af flokksjötunni og það verður ekki gert nema að koma þeim niður fyrir þolmörg þess að komast að kjötkötlunum.  Enda virðist allt benda til þess að svo sé í farvatninu.  Og eitthvað er að, þegar bæði Vigdís og Frosti kjósa að bakka út.  Þetta er bara flokkur sem á ekki heima í nútímasamfélagi, ekkert frekar en SÍS á sínum tíma.   Lýðræðið þolir ekki að svona forneskjulegt fyrirbæri hafi einhver völd til að ráðskast og stjórna.  Þannig er það bara.  

Ólafur hyggst leita réttar síns

Til hamingju Ísland.

Ég get ekki hælt mér af því að hafa stutt fótboltalið okkar, né að hafa horft á leikina og því síður að hafa farið með himinskautum með velgengni þeirra, hvað þá að æða til Frakklands til að vera á staðnum.

Fylgdist samt með í kvöld þegar þeir komu heim.  Glæsilegir drengir og flottum jakkafötum og greinilega hrærðir yfir öllu tilstandinu.  

En það er annað sem ég skynja, það er þetta með þjóðarsálina stoltið yfir því sem vel er gert, og sameining fólks þegar það á við.  Þetta er fallegt og er sennilega skýringin á því að við erum hér ennþá sem þjóð í rúmlega þúsund ár.  

Bæði landsliðið aðstandendur og ekki síst fólkið sem fór og tók þátt, stóð sig með sóma svo eftir var tekið eiga heiður skilinn.  Þau eiga það svo sannarlega fyrir að bera hróður landsins um alla heimsbyggðina.  

 

 

 

 

 

 

 

 

 

 

 

Auðvitað eru ekki til betri fyrirmyndir barna en landslið kvenna og karla, heilbrigðar sálir í heilbrigðum líkömum.  Og nú má alveg búast við því að áhugi barna vakni á íþróttum og það er vel, meðan það fer ekki út í öfgar, því allt er best í hófi.

 

 

 

 

 

 

 

 

 

 

 Ég get alveg unnt þessum frábæru drengjum að njóta sigursins og allra þeirra sem tóku þátt í ævintýrinu líka.  Þess vegna hef ég ekki kvartað mikið yfir endalausum fótbolta í öllum þáttum og rásum útvarps, öllum blöðum og bara allstaðar.  'Eg hef þagað og nagað og hugsað með mér að þolinmæðin þrautir vinni allar 

Ef þetta skilar sáttari þjóð, meiri samstöðu og friði í íslenskri þjóðarsál, þá er allt þetta vel þess virði.  

Eins og ég sagði það er eitthvað bara svo fallegt við allt þetta, hreinn tónn og gleði sem nærir allt og alla.  

Því segi ég velkomnir heim drengir og til hamingju íslenska þjóð.  Við getum staðið saman þegar við viljum og þegar við áttum okkur á því að við getum það.  

 

„Líður eins og ég sé kominn heim“