Á leið til Oslóar en nauðlendir á Gardemoen ?

Skrýtið, þegar ég flýg til Oslóar þá lendi ég á Gardemoen.  Þetta getur því tæpast verið nauðlending.... eða hvað?

Nauðlenti á Gardermoen

Svei því bara.

Já já rífist endielega um keisarans skegg meðan Sýrland brennur. Það er sorglegra en tárum takið að heimskir eiginhagsmunaseggir hafi völd til að deila og drottna meða fólk er myrt og þeim nauðgr og allt þaðan af verra.  Ef þetta væri nær þeim sjálfum þessum andskotum og það væru þeirra eigin konur og dætur sem væru í húfi, getið tvísvar hvort þeir sætu endalaust á einhverjum þrætufundum.  Fjandinn hirði þetta pakk og það sem mestu skiptir morðhundana sem skapa þessi vandamál. Fyrirgefið orðbragðið.  En ég get ekki meir. 

Sundrung á meðal leiðtoga heimsins

Smá hugvekja.

Í gær var viðburður sem margir urðu vitni að það var fullur máni sem varð rauður og óvenulega nálæt jörðu.   Ég sá fram á að ég myndi ekki getað fylgst með þar sem húðrigndi eldi og brennisteini, en einhverra hluta vegna vaknaði ég upp við skært ljós og vissi að þar var máninn á ferð, ég klæddi mig og fór út í dyr á garðskálanum mínum.  Læðan Lotta var alveg jafn áhugasöm og ég að fylgjast með, hún var að vísu ekki alveg með á hreinu hvað vakti áhuga minn, en hún fylgdist samt með, gæti verið eitthvað gómsætt þar á ferð, eins og fugl eða mús.

 

 

 

 

 

 

 

 

 

 

 

 

 

Það verður að segjast alveg eins og er  að myndavélin mín er svona frekar biluð, en ég reyndi að taka myndir af þessum viðburði, tunglið var bjart en það voru ský allstaðar í kring.

 

Spennan var hvort það næðist að horfa á allt sjóvið til enda, ég var búin að klæða mig upp í peysu og morgunslopp, Lotta var í pelsinum sínum, og þarna sátum við og góndum upp í himininn, og svo fór að færast fjör í leikinn það fór að sjást skuggi á gamla góða mánanum, og ég var að ímynda mér að þetta væri jörðin sem skyggði á hann frá sólinni, þetta var mögnuð tilfinning.  En það sem var aðallega spennan hjá mér var hvort karlinn í tunglinu myndi ná að sýna þessa frumsýningu áður en skýjabakkinn sem þarna var myndi vaða yfir hann. 

 

 

 

 

 

 

 

 

 

 

 

 

en málið er að auðvitað unnu skýin, og þegar hér var komið sögu tóku þau yfir og huldu karlangann, svo það sást ekki meir.  Ég verð eiginlega að viðurkenna að ég var svo sem ekkert ósátt, vegna þess að þá gat ég með góðir samvisku lagst á koddann og farið að sofa, ég var samt allaf að kíkja út um gluggan hvort ég sæi hann koma fram.  En svona er lífð.  Það má kalla þetta vonbrigði, en það er bara ef við viljum fara í þann farveginn. 

 

 

 

 

 

 

 

 

 

 

 

 

Það er líka hægt að fara í fantasíuna og láta sig dreyma. 

En málið er hvernig við tæklum málin elskurnar.  Við getum lagst í sorg og sút yfir málum, og tekið allt það neikvæða og kvartað og kveinað, eða við getum tekið það jákvæða og þakkað okkar sæla fyrir að geta það.  Því þegar við erum jákvæð og í jafnvægi andlega þá er líkaminn það líka, og ég tala ekki um ef við förum yfir hann með ljósi og kærleika og látum okkur þykja vænt um sjálf okkur.

Nú er minn elskulegi maður enn og aftur í Noregi og við Lotta erum einar heima, því Úlfurinn er á heimavist MÍ.  Okkur líður afskaplega vel erum á feisbókinni og netinu og svona, hún malar en ég urra, því hún vill helst vera fyrir framan skjáinn svo ég sé ekki neitt.  Og stundum klóar hún aðeins í mig ef henni finnst hún ekki fá næga athygli. Í þessu sambandi er ég innilega þakklát fyrir að minn elskulegi eiginmaður hringir í mig á hverjum degi, hann saknar mín eins og ég sakna hans og það er ást og kærleikur sem hefur staðið í 45 ár og enginn lát á því.  

Hvert er þetta eiginlega að leiða mig? Jú málið er að við verðum að vera jákvæð og láta okkur þykja vænt um þá sem kring  um okkur eru, jafnvel þó það séu kettir, hundar eða aðrir.  Kærleikurinn á sér enginn takmörk.

Ég er búin að vera að vinna mikið í lóðinni minni undanfarið og er alveg að verða sátt við hann eftir allt sem á undan hefur gengið.

En það kemur seinna. 

Ég er eiginlega hætt að horfa á fréttir, það hefur gerst gegnum tíðina að athurðir verða svo sorglegir að ég get hreinlega ekki horfst í augu við það sem er að gerast, og þess vegna er betra að fara frekar út í garð og ræða við blómin.   

Mikið vildi ég óska að manneskjan svona í heild sinni væri manneskjulegri en nú virðist rauninn.  Allir þeir eiginleikar sem voru í hávegum hafðir þegar ég var barn eru eiginlega orðnir undir í baráttunni.  Allt það góða er eiginlega gleymt, að því sem mér finnst og alltof margir reyna að telja okkur trú um að einkaframtakið sé framtíðin og þeir sem vilja græða sem mest sé einmitt fólkið sem við eigum að hlusta á.  Þetta er fólkið sem á og rekur fjölmiðlana og á peningana til áróðurs.  Einmitt þess vegna verðum við sem þjóð að vera á verði.  Hugsa um gömul gildi og manneskjulegheit. Hvað er það sem gefur lífinu gildi?  Er það ekki einmitt samstaða, samhyggð og náungakærleikur?  'Eg bara spyr. 

 

 

 

 

 

 

 

 

 

 

 

 

Og svo innilega til hamingju með daginn þinn Þorskur. 

 

 

......

Auðvitað á að halda áfram með málið og klára það.

Ég vona sannarlega að borgarstjórnarmeirihlutinn haldi áfram með þetta mál, undirbúi það betur og kom fram með nýja og ýtarlegri tillögu.  Ef þeir gera það ekki erum þeir mýs en ekki menn.  Skríða ofan í holu við minnsta mótbyr.  Bara þetta upphlaup Ísraela sýnir að kvikan í þeim er stutt og þeir vita upp á sig skömmina.  

„Borgarstjórn má ekki sópa þessu undir teppið“

Ísrael versus Palestína.

Vegna harðra viðbragða bloggheima, stjórnmálamanna þá aðallega Sjálfstæðismanna og Framsóknar, langar mig að setja hér inn skrif frá vísindavefnum.  Og mig langar til að fólk lesi þetta fordómalaust og skilji hvað er hér á seiði Þetta er langt en þess virði að lesa vel. Þeir hatursfullu fordómar sem hafa komið hér fram, bæði hjá biblíuelskandi fólki og síðan fólki sem af einhverjum ástæðum fer hér með rakalausar staðhæfingar um hina vondu Palestínumenn og hina "góðu" Ísraelsmenn er ágætt að lesa þetta.  Auðvitað eru alltaf til innanum vont fólk, en líka gott fólk, bæði í Ísrael og meðal araba, það er bara svo sorglegt þegar fólk er dregið í dilka eins og rollur eftir merkingum.  Það er bara sorglegt að fólk skuli virkilega geta dregið svona ályktanir og það er ekki svoleiðis oftast að það hafi nokkuð fyrir sér í því, nema í einhverri ævintýrabók, afsakið mig þið biblíuunnendur, en ég get ekki annað en litið á þá bók sem ævintýri. 

Fyrir utan að ég hef tekið eftir því af myndum af flóttafólkinu sem nú steymir til vesturlanda að það eru sárafáir sem eru með slæður og því færri með búrkur, svo þetta er bara fólk sem sættir sig ekki við ástandið eins og það er í heimalandinu, fólk eins og ég og þú, sem eiga fjölskyldu börn, móður og föður sem það elskar meira en þær aðstæður sem það hefur búið við.  

Og hver erum við að setja okkur á háan hest, af því að við erum svo frábær og svo góð og svo menningarleg að við verðum að halda þessu fólki frá.  Segi og skrifa, ég fyrirverð mig fyrir sumt að því fólki sem hefur tjáð sig um málin, og allt í krafti ævintýrarits, sem þau telja sig geta notað til að hefja sjálfa sig upp til skýjanna.  En sagði ekki Kristur, Það sem þér gjörið mínum minnsta bróður það gerið þið mér?  Ég bara spyr?

 

Hvaða yfirráðarétt hefur Ísrael á hernumdum svæðum Palestínu?

 

hefur alþjóðasamfélagið tjáð sig um þessi yfirráð?

Spurningunni er í raun fljótsvarað því að Ísraelsmenn hafa nákvæmlega engan rétt til yfirráða á hernámssvæðunum í Palestínu.

Til þess að skilja betur um hvað málið snýst er hins vegar nauðsynlegt að líta nokkuð aftur í tímann.

 Ísraelsmenn lögðu svæðin undir sig í stríði sem þeir hófu gegn nágrannaríkjum sínum árið 1967. Þótt Ísraelsmenn hafi verið árásaraðilar í því stríði er rétt að hafa í huga að nágrannaríki Ísraels höfðu haft í alvarlegum hótunum gegn ríkinu um langt skeið.

 

 

 

 

 

 

 

 

 

 

 

 

 

 

Herseta Ísraelsmanna á herteknu svæðunum brýtur hins vegar greinilega í bága við alþjóðalög. Hersetan er einnig í trássi við ályktanir öryggisráðs Sameinuðu þjóðanna eins og nánar verður vikið að hér á eftir. Fyrst er hins vegar rétt að líta enn lengra aftur í tímann.

Ísraelsríki varð til eftir að Sameinuðu þjóðirnar undir forustu Bandaríkjanna, Sovétríkjanna og Breta skiptu Palestínu, sem áður var undir stjórn Breta, milli Gyðinga og Palestínumanna árið 1947.

Hvor aðilinn um sig fékk um helming landsins. Palestínumenn sættu sig ekki við þessa niðurstöðu enda voru þeir í miklum meirihluta í landinu og voru afkomendur fólks sem hafði búið þar um aldir og árþúsundir.

Fáum áratugum áður höfðu Gyðingar líka verið aðeins örlítill minnihluti í landinu en með ofsóknum og fjöldamorðum nasista á Gyðingum í Evrópu fluttu stórir hópar þeirra frá Evrópu, einkum til Bandaríkjanna og Ísraels.

Land í eigu Gyðinga í Palestínu var á þessum tíma um það bil 7% alls lands.

Ríki Palestínumanna var ekki stofnað á sama tíma og Ísraelsríki þar sem Palestínumen sættu sig ekki við þau málalok að halda aðeins helmingi lands síns.

 

Í stríði sem braust út náðu Gyðingar hins vegar undir sig helmingi þess lands sem Palestínumönnum hafði verið úthlutað og réðu eftir það 78% af Palestínu.

Það sem á vantaði var Vesturbakki Jórdanárinnar og Gazaströndin. Þau svæði lögðu Ísraelsmenn síðan undir sig árið 1967 og réðu þá allri Palestínu.

Það eru einungis þessi síðast herteknu 22% af Palestínu sem nú eru nefnd herteknu svæðin, þótt stór hluti Ísraelsríkis standi í reynd á herteknum svæðum frá 1948.

Vandi flóttamanna sem er einn erfiðasti hluti þessarar deilu snýr hins vegar beint að þessari fyrri stækkun Ísraels.

Nær ein milljón manna flúði af heimilum sínum við fæðingu og stækkun Ísraelsríkis 1947-1948.

Fólkið var ýmist flutt burt með nauðungarflutningum á vegum ísraelskra hersveita, eða þá hrakið af heimilum sínum með ógnunum.

Þar áttu ekki síst í hlut hryðjuverkasamtök Gyðinga undir stjórn Begins, fyrrum forsætisráðherra Ísraels, sem frömdu fjöldamorð í byggðum Palestínumanna og hótuðu fólki í þorpum og bæjum landsins áframhaldandi fjöldamorðum ef fólkið kæmi sér ekki á brott.

Þetta fólk og afkomendur þess búa nú í flóttamannabúðum.

Annars vegar er þar um að ræða flóttamannabúðir á herteknu svæðunum, sem komust mjög í fréttir á vordögum 2002, og hins vegar búðir flóttamanna í löndunum í kring.

 

 

 

 

 

 

 

 

 

 

 

 

 

 

Alls eru um það bil 5 milljónir Palestínumanna flóttamenn en Palestínumenn eru alls tæplega 8 milljónir talsins.

Samkvæmt alþjóðalögum og samþykktum hafa flóttamenn fullan rétt til þess að snúa aftur til heimkynna sinna.

Ákvæði þessa efnis er meðal annars að finna í Mannréttindayfirlýsingu Sameinuðu þjóðanna, í alþjóðasáttmálanum um borgaraleg og pólitísk réttindi, í Genfarsáttmálanum og í ítrekuðum ályktunum allsherjarþings Sameinuðu þjóðanna.

Einnig halda sumir því fram að sú stefna Ísraelsmanna að banna arabískum flóttamönnum að snúa til heimila sinna á sama tíma og Gyðingar frá öðrum heimsálfum eru hvattir til að flytja til landsins og setjast að á herteknum svæðum sé brot á alþjóðasáttmála um bann við kynþáttamisrétti.

Fyrsta ályktun öryggisráðsins um að Ísraelsmenn skuli hverfa af öllum herteknu svæðunum frá 1967, ályktun 242, var gerð árið 1967, en ályktanir öryggisráðsins eiga að vera bindandi fyrir ríki heims.

Að auki brýtur stefna og framferði Ísraelsmanna á herteknum svæðunum í bága við fjölda alþjóðalaga og alþjóðlegra samþykkta.

Þar má nefna Genfarsáttmálann en í 49. grein hans er bannað með skýrum hætti að þegnar hernámsveldis setjist að á herteknum svæðum. Um það bil 400 þúsund Ísraelsmenn hafa sest að í svokölluðum landnemabyggðum á herteknu svæðunum, um helmingur þeirra í kringum Jerúsalem en þá borg hafa Ísraelsmenn þanið út yfir hertekin landsvæði í trássi við ákvæði Genfarsáttmálans.

 

 

 

 

 

 

 

 

 

 

 

 

 

 

Flestar þessara ólöglegu byggða eru á Vesturbakkanum en þær eru þó einnig á Gazaströndinni þar sem 360 ferkílómetrum lands er skipt þannig að á einum þriðja búa fimm þúsund Ísraelsmenn en á tveimur þriðju ein milljón Palestínumanna.

Í 46. grein Haag-sáttmálans er eignaupptaka hernámsveldis á landi og öðru í einkaeign á hernumdum svæðum með öllu bönnuð.

Landnemabyggðirnar, eða byggðir landtökumanna eins og þær eru líka stundum kallaðar, eru þó margar reistar á landi sem Ísraelsmenn hafa beitt valdi til að gera upptækt.

Á hernámssvæðunum á Vesturbakkanum hafa Ísraelsmenn einnig lagt vegi á milli landnemabyggða á landi sem Ísraelsmenn hafa gert upptækt úr einkaeign Palestínumanna.

Vegirnir kljúfa byggðir Palestínumanna í sundur en Palestínumönnum er bannað að nota þá. Vegirnir eru beinlínis lagðir með það í huga að skipta landi Palestínumanna niður í tugi eða jafnvel hundruð einangraða skika eins og augljóst verður af athugunum á kortum að þessum svæðum, en bæði byggðirnar og framkvæmdir við vegina eru augljós brot á alþjóðasamþykktum.

Í ályktun öryggisráðs Sameinuðu þjóðanna númer 465 segir líka að flutningur Ísraelsmanna á eigin þegnum til hernámssvæðanna sé “alvarleg hindrun” í vegi friðar og í ályktuninni er þess krafist að Ísraelar hverfi frá landnemabyggðum á herteknu svæðunum.

Vatn er af skornum skammti í Palestínu og notkun Ísraelsmanna á vatni af svæðum Palestínumanna brýtur einnig í bága við alþjóðasamþykktir, enda er þarna um að ræða eignaupptöku á langmikilvægustu auðlind landsins.

Landtökumönnum mun vera úthlutaðar 1450 kúbikmetrum af vatni á mann á ári en Palestínumenn hafa einungis 83 kúbikmetra á mann til sinna umráða á ári hverju.

Allt athafnalíf og daglegt líf á svæðum Palestínumanna líður mjög fyrir vatnsskort.

Alþjóðasamfélagið hefur tjáð sig um þessi mál með ýmsum hætti. Það er annars auðvitað ekki eitt samstætt fyrirbæri og skoðanir innan þess eru skiptar á þessum málum sem og öllum öðrum.

Allar þær ályktanir sem nefndar eru hér á undan og þau alþjóðalög og alþjóðasamþykktir sem vitnað er til má þó líta á sem skýlausar yfirlýsingar umheimsins enda eru nær öll ríki heims aðilar að þeim.

Í tilviki öryggisráðsins hefur ekkert stórveldanna beitt neitunarvaldi gegn samþykktunum.

Mikilvægasti klofningurinn í afstöðu alþjóðasamfélagsins felst í sérstöðu Bandaríkjanna sem hafa oft verið nánast eina ríkið sem stendur við hlið Ísraels.

Meðal annars af þeirri ástæðu hafa Bandaríkin verið nánast ein um að hafa nokkur umtalsverð áhrif á stefnu Ísraelsríkis.

Bandaríkin hafa á síðustu áratugum veitt Ísraelsríki meiri efnhags- og hernaðaraðstoð en þau hafa samanlagt veitt til ríkja Afríku sunnan Sahara og til Suður-Ameríku, en þær heimsálfur eru byggðar milljarði fátækra manna.

Með þessum gífurlega stuðningi hafa Bandaríkin styrkt stórlega efnahags- og hernaðarstöðu Ísraelsríkis.

Ríki Evrópusambandsins hafa til þessa nánast engin áhrif haft á stefnu Ísraelsríkis sem hefur meðal annars falist í því að koma í veg fyrir að alþjóðlegir aðilar eins og Sameinuðu þjóðirnar og öll önnur ríki en Bandaríkin hafi veruleg afskipti af málinu.

Ríki Evrópusambandsins gætu hins vegar sennilega haft veruleg áhrif stefnu Ísraels, en þó líklega einungis með þeim hætti að beita eða hóta viðskiptaþvingunum, en um helmingur alls útflutnings Ísraels fer til Evrópusambandsins. Hugmyndir um slíkar viðskiptaþvinganir hafa nýlega komið fram innan ESB en mjög óljóst hvað úr þeim verður.

Mikill hluti ríkja heims hefur einnig með einum eða öðrum hætti mótmælt stefnu Ísraelsmanna og brotum þeirra á alþjóðalögum og alþjóðasamþykktum.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Þannig er nú það. Þess vegna er að í raun aumkvunarvert þegar fólk sem telur sig kristið og trúa á biblíuna og allt sem henni fylgir er dómharðasta fólkið fyrir utan pólitíkusuna sem sjá tækifæri til að koma höggi á andstæðinga sína.  Fólkið sem ætti að vera umburðalyndasta fólkið saman ber miskunsama samverjan. En er í raun þeir sem fordæma og eru alveg tilbúnir til að kasta fyrsta steininum.  Skömm er að því. 

En svona erum við, frekar ófullkomin og ég er svo sem ekkert betri, en ég á samvisku og réttlætiskennd, sem oft hafa komið mér illa, en ég er samt stolt af því að vera þannig. 

Vona að borgarstjórn haldi áfram með tillöguna og breyti henni til betri vegar.

Æ góða besta, ég er svo sem ekki hrifin af þessum borgarstjóra vegna annara mála, en hann hefur höndlað þetta mál afar vel og sýnt nýja takta sem þú og þinn flokkur myndi aldrei gera, það er að viðurkenna mistök og biðjast afsökunar.  Þú hefur sjálf gengið fram af fólki með þínum athugasemdum og ættir því einnig að íhuga hvort þú átt yfir höfum að vera í pólitík.  Ég er alveg fullkomlega sátt við það sem meirihlutinn í Reykjavík var að gera, og þó þau hafi gert mistök, þá hafa þau viðurkennt þau og munu breyta þessari samþykkt til þess sem það átti að vera.

Vona bara að þau hafi kjark og þor til að endurnýja tillöguna, því viðbrögð Ísraela er svo sannarlega umhugsunar verð og sá hroki og yfirgangur sem þetta fólk sýnir kemur ekki á óvart, en við eigum ekki að gugna á réttlætinu vegna þess.  Svei þessu fólki, segi og skrifa. 

Segir orð sín um borgarstjóra sjálfsögð

Starfshættir hins opinera lögmætir, en hvað með réttlætið?

Jamm Kristján og Guggan verður alltaf gul.  Þú ert ótrúlegur karakter, þér finnst allt í lagi að kona sem var smituð af lifrarbólgu C á sjúkrhúsi þurfi sjálf að axla þá ábyrgð.  Ég bara verð að segja það, alltaf lengist í sögunni þinni um Gugguna sem alltaf verður gul.  Þú munt aldrei geta þvegið að af þér, en að sífellt bæta á er ótrúlegt. Bara svo það sé á hreinu þá hef ég skömm á þér alla leið. 

Starfshættir hins opinbera lögmætir

Stormur í vatnsglasi - og aumingja væl.

Auðvitað þeir kunna þetta Ísraelarnir að drepa niður smáþjóðis sem geta varla borið hönd fyrir höfuð sér.  Ekkert nema því sem við varð að búast.  Vona að einhverntímann opni fólk augun fyrir því hverslags hryðuverkamenn þessir ráðamenn eru. 

Tek það fram að það er fullt af góðu fólki í Ísrael, ég á vinkonu sem bjó þar í 11 ár, og var hressilega heilaþvegin um ómerkilegheit araba, hún á yndislega dóttur þar sem er hálfur íslendingur.  

Ég á ættingja sem fór þarna til að heimsækja dóttur sína, og lenti í því í fyrsta lagi að verða að standa í biðröð meðan ísraelar voru teknir fram yfir hana, og lenda síðan í 3°yfirheyrslu m.e. um hvaða amælisdaga börnin hennar eiga. 

Ég þekki líka Ísraela sem er borin og barnfæddur í Telaviv en þurfti að hrekjast úr landi vegna afstöðu sinnar til Palestínumanna, sem hann vildi að ættu jafnræði við aðra íbúa. 

Að kalla þetta land lýðræðisríki er hlægilegt í ljósi framgöngu þeirra gagnvart Palestínu og hvernig þeir meðhöndla það fólk.  

Mér finnst bara gott hjá borgarstjórn að taka þessa afstöðu, og það þyrfti að koma miklu harðari og meira afgerandi höfnun á athöfnum þeirra.  Þessir ráðamenn hafa brotið öll alþjóðalög og svífast enskis gagnvart herteknu landsvæði sem þeir hafa "eignað" sér.  

Samt verð ég að segja að Björk Vilhelmsdóttir er ansi kjörkuð að taka þessa afstöðu og er á leiðinni til Palestíu, því hefnigarnari þjóð er varla hægt að finna en einmitt Ísraelska ráðamenn. Hún má aldeilis eiga von á góðu.  

Og að tala um guðsútvalda þjóð og vitna í biblíuna segi ég nú bara, verið áfram úti á túni og étið gras með kúnum, þið eruð best geymd þar.  Segi og skrifa. Bið kýrnar afsökunar á þessum ummælum mínum, því þær eru velgefin og verðmæt dýr. 

Hér er ekkert gyðingahatur, heldur blákaldar staðreyndir um menn sem svívirða réttlætið, jafnréttlætið og miskunsemina.  

Og svo að lokum segir í þessari ævintýrabók sem svo margir hafa fyrir sína lífsstefnu; það sem þér gjörið mínum minnsta bróður, það gjörið þið mér.  Og HANA NÚ. 

Íslenskar vörur teknar úr hillum

Svo mikið sammála þessu.

Mikið óskaplega er ég sammála þessu.  Ætti reyndar að vera löngu komið til framkvæmda.  Það má ef til vill ganga lengra og taka eignarnámi þær jarðir sem eru í einkaeigu en er ekki búið á.  Það er óþolandi að auðmenn geti keypt upp heilu dalina til að leika sér í með hlunnindi eins og veiði.  

Það  er komin tími til þess að sveitirnar lifni við aftur.  Ég er viss um að það eru margir sem vilja koma sér úr stress margmennis og una sér við búskap.  Þarf ekki endilega að vera með bústofn, það má líka hugsa sér berjarækt, og gróðurhús þar sem hægt er að framleiða margt af því sem nú er flutt inn.  Við eigum hitann á mörgum stöðum og auðvitað á að niðurgreiða rafmagn og aðra orku til garðyrkjubænda rétt eins og til stórðiju.  En í stað þess að allur gróðin færi úr landi, þá myndum við auka arðsemi landsins og minnka innflutning á bæði grænmeti og ávöxtum. 

Ríkisjarðir verði teknar í notkun

Farið það grábölvað á hreinni íslensku.

Þvílík andskotans vitleysa og draumórar.  Eigum við ekki fyrst að byggja sjúkrahúsið, hækka laun til aldraðra og öryrkja og útrýma heimilislausum og fátækt áður en við förum í svona prjál?

Höfum við ekkert lært?  Alltaf sama snobbið og bruðlið hjá þjóðinni.  Verð að segja að ég á ekki orð, og hvað svo um fjandans stöðugleikann þar sem ekki má hrófla við launum fólks, til að viðhalda stöðugleika? Halda menn virkilega að það þurfi ekki að borga þessa vitleysu?

Nú er mér algjörlega nóg boðið.  

Já vitleysan ríður ekki við einteyming.  Ég skora á stjórnvöld að hunsa þessa vitleysu og hugsa um "stöðugleikan" og gera betur við heimilislausa, öryrkja og aldraðra og minnka biðlistana inn á sjúkrastofnanir áður en hafist er handa við svona bruðl.  ÉG verð bara reið þegar ég les svona andskotans vitleysu. 

Þjóðarleikvangur vel á veg kominn