Hvaða skyldur hefur höfuðborg lands, gagnvart landsbyggðinni?

Ætli þetta blessaða fólk hafi vit á flugi?  En Svona er þetta bara, ef flugið fer frá Reykjavík, verður hún ekki lengur höfuðborg landsins.  Það er bara svo einfalt.  Ef höfuðborgin getur ekki látið land af hendi undir flug til alls landsins, þá má hún bara eiga sig og við veljum aðra höfuðborg. 

Hvassahraun kemur best út

Þriggja landa afmæli.

þann 17. júní áttu tvær kærar konur afmæli, og svo maðurinn minn hann Elli þann 18.   Af því að þýska vinkona mín Birgit er einmitt stödd hér á landi á afmælisdaginn sinn og Sú frá El Salvador býr hérna, ákváðum við að halda sameiginlegan afmælisdag þeirra allra.  Og maturinn átti að vera þjóðlegur frá hverju landi fyrir sig.

 

 

 

 

 

 

 

 

 

 

 

 

Veðrið var gott svo við ákváðum að borða úti.  Hér er Isobel að undirbúa bubusas, eina af mínum uppáhaldsréttum.  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Beðið eftir gestunum, og Lotta liggur í skugganum

 

 

 

 

 

 

 

 

 

 

 

 

Krakkarnir spenntir líka.  

 

 

 

 

 

 

 

 

 

 

 

 

Elli fylgist með fullur áhuga. 

 

 

 

 

 

 

 

 

 

 

 

 

Fjölskylsusamkoma.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Fyrstu kökurnar komnar á mútakapönnuna.  Þetta er kaka úr maís og inn í hana er sett kjöt og svo borðað með saladi sem hún gerir svo vel.  namminamm.

 

 

 

 

 

 

 

 

 

 

 

 

Hér er Birgit komin líka með kartöflusaladið sitt.  Það var líka æðislega gott. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Elli grillar svo kótiletturnar, ég lét þær liggja í kryddlegi í nokkra daga og þær voru lunga mjúkar og góðar. Pablo stendur þarna hjá honum.  Þeir ræða saman á einhverskonar blöndu af íslensku og spænsku 

 

 

 

 

 

 

 

 

 

 

 

 

Það var glaumur og gaman í þessu alþjóðlega afmæli.  

 

 

 

 

 

 

 

 

 

 

 

 

 

 

 

Hér eru svo afmælisbörnin öll þrjú.  

 

 

 

 

 

 

 

 

 

 

 

 

 

Nokkur systkini mín litu svo við.  

 

 

 

 

 

 

 

 

 

 

 

 

En krakkarnir kósuðu sig inni.  

 

 

 

 

 

 

 

 

 

 

 

 

 

 

 

Birgit bakaði þessa fínu ostaköku og hjörtun þrjú voru afmælisbörnin. 

 

 

 

 

 

 

 

 

 

 

 

 

Yndislegur dagur og góð skemmtun. 

 

 

 

 

 

 

 

 

 

 

 

 

Skál fyrir vinum og vandamálum. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Og Lotta fékk líka sína athygli. 

 

 

 

 

 

 

 

 

 

 

 

 

 

 

 

 

 

Og barnabörnin eru orðin svo stór.  Vaxin mér upp fyrir höfuð.

 

 

 

 

 

 

 

 

 

 

 

 

Sum þeirra orðin 18 ára og þar með í tölu fullorðina, en ennþá sömu unglingarnir og þau hafa alltaf verið.

Innilega takk fyrir þennan frábæra dag öll. 

 

 

 

 

 

 

 

 

 

 

 

 

 

 

Og ekki er það verra að hafa tvo verðlaunaða sérfræðinga sér til aðstoðar, Birgit arkitekt og Stefan sólarorkusérfræðingur.  En nú var mælt og spáð og teiknað.  Takk elskurnar mínar 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Og nú stendur kirsuberjatréð mitt í fullum skrúða.  Ótrúleg seigla eftir svona vont vor.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Hvítþynurinn minn er líka afskaplega myndarlegur.  

 

En sem sagt alþjóðlegt afmæli á 17. júní, sem sýnir að við erum bara öll eins hvaðan sem við komum og hver sem við erum.  

 

Eigið góðan dag elskurnar.  

....

Mótmæli á Austurvelli.

Ég sé ekkert að því að mótmæla stjórnvöldum á 17. júní og einmitt á Austurvelli.  Og þetta er ekki skríll þetta er fólk eins og ég og þú.  Reitt fólk sem telur sig beitt ranglæti og með réttu.  

Þetta ástand er komið að suðupunkti og einhversstaðar gýs upp úr.  Ég vorkenni sannarlega stjórnvöldum því ástandið er að verða óviðráðanlegt.  Þeir geta ekki gengið að kröfum hjúkrunarfræðinga og annara án þess að sprengja allt kerfið upp, og verðbólga fer upp úr öllu. Já þeim er sannarlega vorkunn að verða að takast á við þetta ástand.

Vonandi verður þetta til þess að þeir taka sig saman og sjá að það gengur ekki að ætla að halda áfram að gefa L.Í.Ú. kvótann og þar á ofan stofna eins og Makrílinn.  Það gengur heldur ekki að afnema skatt á álver og lækka veiðigjöldinn.  Þetta er svo arfa vitlaust að einungis kjánum dettur í hug að þeir komist upp með það. 

En þetta er hluti af gamla kerfinu sem þessi kynslóð þingmanna hefur alist upp við, þeir halda að þeir séu eyland og komist upp með hvað sem er.  Halda að ennþá sé hægt að þagga niður óþægilegar raddir og látið verk sín "hverfa" milli þúfna svo þau sjáist ekki.  Halda að við séum ennþá með gullfiskaminni og munum kjósa alltaf aftur og aftur.  

Og ég er ekki bara að tala um ríkisstjórnina, því svo sannarlega hafa hinir flokkarnir róið undir sem mest þeir mega, og reita fólk til reiði, benda á gallana í stað þess að reyna að róa fólk og finna sameiginlegar lausnir.  

Að vísu verð ég að segja að það hefði verið áhrifaríkara fyrir mótmælendurna að hafa hægt um sig meðan þjóðsöngurinn var sunginn og Jón Sigurðsson hylltur.  Jafnvel sýnt Sigmundi Davíð kurteisi. 

En aðalmálið er að kurteisi hrekkur ekki til eins og málin eru í dag.  Einungis sterkar mótbárur geta fengið þetta fólk til að hugsa sig um.  Ef ekki þá er illa komið. 

Ég vil ekki endilega þessa ríkisstjórn frá, fyrr en ég veit hvað við fáum í staðinn.  Ekki vil ég fá Samfylkingu og Vinstri Græn að stjórnborðinu.  Við eigum að krefjast utanþingsstjórnar, krefjast þess að fólk sem hefur enginn tengsl við verkalýðssamtökin og atvinnurekendur verði ráðnir til að stjórna landinu úr þeirri kreppu sem það er í í dag.  

Það er augljóst að þessi Gordonshnútur er óleysanlegur, það er ekkert traust eftir, enginn virðing og samhugur um hvernig á að leysa málin. 

Sjálfur Jón Sigurðsson var sennilega sá fyrsti til að mótmæla "Vér mótmælum allir" og stóð upp fyrir þjóð sína gegn ofurvaldi konungs. 

Einmitt þess vegna er við hæfi að mótmæla nú á þessum hátíðardegi okkar, hann er nefnilega ekki eitthvað gluggaskraut, hann er til að minna okkur á að við erum fyrst og fremst frjáls þjóð í frjálsu landi og við viljum réttlæti handa okkur öllum.  

Stjórnmálastéttin hefur svo sannarlega brugðist fólkinu í landinu og uppákomur á þingi undanfarið er það sem er til STÓRSKAMMAR bæði fyrir land og þjóð. 

Þetta fólk á að fara frá öll sem eitt úr gamla fjórflokknum, þau eru öll orðin gegnum sýrð af spillingu og mikið að þau átta sig ekki á því sjálf, og það er hættulegt.  Með fagmenn við stjórnvölin næstu árin, og svo leyfa nýju fólki að byggja sig upp til að taka við er sennilega eina skynsamlega úrræðið.  Auk þess þarf að hreinsa andrúmsloftið í alþingishúsinu, því það er gjörmengað af illsku og fláræði.  Mannskemmandi vinnustaður.  Rétt eins og mygla og pödduplágur. 

Að þessu sögðu vil ég óska íslendingum öllum nær og fjær og íslandsvinum gleðilegs 17. júní. 

Eigið góðan dag. 

 

 

 

 

 

 

 

 

 

 

 

 

 

 

 

 

 

 

 

 

Púað á Sigmund Davíð

Mikið var þetta falleg stund.

Engin getur sett sig í annara spor nema hafa upplifað svipað.  Þetta var falleg stund í kvöld á Grímunni og þessi kjarkmikla konar geislaði af fjöri og kátínu meðan sonur hennar las upp bréfið.  

Svo sannarlega hefur Edda Heiðrún Backmann gefið okkur bæði gleði og sorg gegnum leiklist sína, en ekki síður gegnum lífsferli sitt.  Æðruleysi og þrautsegja koma upp í hugann.  Hún átti allt sem hægt var að eiga, glæsileika, fegurð, leikni, upphefð og hvað sem nöfnum tjáir að nefna.  Og svo allt í einu þarf hún að takast á við sjúkdóm sem er versti óvinur allra, erfiðasti og ósanngjarnasti óvinur sem læðist að manni eins og þjófur að nóttu.  En hún gefst ekki upp, hún finnur sé stað til að takast á við það sem að höndum ber.  

Hún er svo sannarlega okkur öllum gott fordæmi um hvernig við getum brugðist við því sem við þurfum að upplifa.  Kennir okkur að taka einfaldleikann kjarkinn og andlegan styrk á málið.  Hún Edda er leiðarljós ein af mörgum sem varðar okkar veg og við þurfum að meta og elska og taka mark á.  Því þessar hetjur sýna okkur svo sannarlega að lífið er ekki búið þó okkur finnist svo.  Við þurfum bara annað sjónaarmið og önnur viðmið til að mæta hamingjunni.

Innilega til hamingju með þessi verðlaun Edda mín og takk fyrir að vera til. 

Lítur á sjúkdóminn sem hlutverk

Verkföll og afleiðingar lagasetningar á þau.

Setti þetta inn sem svar við þessari grein. http://www.visir.is/pall-matthiasson--verkfallinu-vard-ad-ljuka/article/2015150619512?fb_action_ids=10206910210222932&fb_action_types=og.comments

 

 

ÉG er ekki að alveg að ná þessum vandræðagangi. Auðvitað þurfa allir að fá mannsæmandi laun. Veit ekki hvað ber í milli og hvort allt sé stál í stál. Ég tel að stjórnvöld hafi áhyggjur af skriðunni sem kemur ef þessir hópar ná til sín meira en þeir sem hafa þegar samið. Og hvað verður síðan um verðlagið og verðbólguna sem hlýtur að fara á fullt. Seðlabankastjóri strax farin að hækka vexti og hótar enn meiri hækkun í haust. Þetta er svo sannarlega erfitt viðfangs. En einhversstaðar þarf að taka til hendinni og leiðrétta þau laun sem hafa einhverra hluta vegna orðið útundan. Það er svakalegt að missa allt þetta góða starfsfólk úr landi, þá er ég að tala um hjúkrunarfólk. Lögfræðingar og slíkir fara sennilega ekki úr landi, þeir hafa það langbest hér heima. En nú þarf að vinda sér í að sætta þau sjónarmið sem eru uppi sennilega þarf að láta forystumenn fara og fá óvilhalla menn til að tala saman um kaup og kjör. Mér finnst eins og þessir forystumenn eins og Þórunn Sveinbjarnardóttir og kennarinn man ekki hvað hann heitir þau eru alltof herská og pólitísk til að taka á þessum málum. Æsa til ófriðar í stað þess að tala varlega og friðsamlega. Stjórnvöld verða svo að taka sig á og skilja reiðina sem ríkir hjá þeim sem hafa verið þvinguð til starfa í krafti laga. Það hlýtur að vera til lausn sem hægt er að sætta sig við. Það þarf bara að setjast niður og finna hana. Það er ekki íslenskum almenningi í hag að missa allt þetta góða fólk úr landi svo ég endurtaki nú sjálfa mig. Og það er ekki almenningi til hagsbóta á neinn hátt að hafa hatramma pólitíska andstæðinga ríkisstjórnarinnar í forystu fyrir svo vandmeðförnum samningum. Og það er heldur ekki íslenskum almenningi til hagsbóta að hafa menn við stjórnvölinn sem skilja ekki þjóðarsálina. Hér þarf að hugsa fyrst og fremst um þá sem eru veikastir og þurfa á hjúkrun að halda, og óttann og öruyggisleysið sem fólk býr við, meðan einhverjir eru að leika sér í stríði. 

 

Sammála Styrmi um að þetta mál þarf að leiða til lykta með skynsemi og varfærni.  Annað er bara ekki í boði. 

Nakinn maður og annar í kjólfötum.

Verð nú bara að segja hvurslags kjánagangur er í gangi. Við fæddumst öll nakinn og líkami okkar er bara eins og hann er sem við flest þekkjum.  Ég skil vel baráttu kvenna með free the nipple, og gott hjá þeim, en um leið vil ég bara segja af hverju mega karlar ekki Opinbera getnaðarlim sinn.  Og þá er ég komin að því sem ef til vill mestu skiptir.  Við konur erum í baráttu í því að veita kynfæri okkar viðurkenningu.  Það eru píkusögur, heilaðu píkuna og hvað sem er.  En málið er að við þurfum að finna upp nafn á þetta ágæta kynfæri okkar sem veitir þá virðingu sem þarf.  Það eru til ótal nöfn á þetta kynfæri, píka, pjása, pussa, kussa, láfa, kunta og ég veit ekki hvað, allt niðurlægjandi nöfn.  En svo höfum við jafn flott nafn á lim karlmanna sem er getnaðarlimur, það er einhvað svo flott og gott nafn.  Við þurfum að fá eitthvað svipað gefandi nafn á okkar flotta og glæsilega kynfæri.  Eitthvað sem skapar viðlíka virðingu og getnaðarlimur.  Fyrr getum við ekki endurheimt virðingu á okkar flottasta kynfæri.  Nöfn vinsamlegast vel þegin.  

Beraði kynfæri sín á Austurvelli

Við viljum samninga og ekker vesen. Segi og skrifa.

Málið er frú Þórunn Sveinbjarnadóttir er að við almúginn,alla vega ég treysti þér engan veginn til að var hlutlaus í þessu máli. Einhvern veginn finnst mér að allt sem þú kemur nálægt sé einvernveginn smurt af veseni.  Svo ég segi það hreint út þá máttu vita að þarna úti ef fullt af örvæntingafullu fólki sem þarf á meðhöndlun fræðimanna að halda.  Það hefur sáralítið með Samfylkinguna að gera eða framgang hennar.  Þannig að ef þú á einhvern hátt ert að gera að því skóna að hygla þínu fólki með þessu sem þú ert að gera þá mun það koma nákvæmlega fram í það sem það er. Þú og þitt lið eruð að dansa á línunni, og ég er ekki að afsaka samningsskort stjórnvalda á neinn hátt,við eitt dauðsfall af völdum verkfalls mun svo sannarlega verða til þess að öll samúð fólks mun hverfa.  Gerið ykkur bara grein fyrir því að  hér eru mannslíf í hættu og helvítis pólitíkinn hefur ekkert með það að gera.  Bara það að ég skuli hugsa svona segir ákveðna hluti um hvað fólk eins og ég er að hugsa um flokkinn þinn, sem er nánast kominn ofan í ruslakörfuna hjá mér. 

„Reyna að svelta okkur til hlýðni“

Árnaðaróskir til allra landsmanna.

Þetta eru sannarlega góðar fréttir og allir virðast vera ánægðir með útkomuna.  Nú ríður á að alþingismenn og ráðherrar taki sig saman og vinni hlið við hlið við að komast sem farsælast út úr þessu. 

Ég er viss um að tíminn undanfarið og harkan í umræðunni verður til þess að loksins læri alþingisþjónar okkar hvar þeirra tryggð á að liggja og það er hjá almenningi í landinu sem hefur ráðið þá til þessara mikilvægu starfa. 

Mér sýnist líka að hér hafi loksins fagmennskann ráðið úrslitum, ekki einhverjir flokkshestar og kunningjar eins og svo oft hefur borið við í okkar litla samfélagi. 

Það er líka frekar óþægilegt þegar menn fara að rífast um hverjir hafi nú náð þessu markmiði, það skiptir nefnilega engu máli.  Það sem skiptir öllu máli er að við fáum loksins grænt ljós til framtíðar, jafnvel að fá ástvini okkar aftur heim í tímans rás.  

Mér heyrist líka að Bjarni Benediktsson haldi haus og sjái hvað mikilvægast er að gera í framhaldinu.  Hann hefur komið vel út úr þessu máli yfirvegaður og rökfastur. 

Stjórnarandstaðan hefur líka getað glaðst, þó sumir geri það með tregðu. Það er okkur landsmönnum öllum mjög mikilvægt að ráðamenn leggi alla misklíð til hliðar og bretti upp ermar og standi saman um að byggja upp aftur það sem tapast hefur.  Það þarf að ljúka samningum við launafólk sem er í verkfalli.  Sjúkt fólk á mikið undir því að vel takist til, sumir jafnvel lífsvon sína.  

Ég sá ríka ástæðu til að óska okkur öllum til hamingju með þennan árangur og jafnvel nýtt upphaf og betri vinnubragða á alþingi.  

 

 

 

 

 

 

 

 

 

 

 

 

 

 

 

 

 

Eigið góðan dag elskurnar. 

 

 

 

Góð samstaða þingsins mikilvæg

Plús til Pírata.

Nákvæmlega Helgi Hrafn, þarna skilur að Pírata og fjór-fimmflokkinn, sem telja aðalmálið að ríkisstjórnin komist ekki upp með slíka sigra.  

Þetta er nefnilega aðalmálið, við erum öll í samab báti og þurfum að standa saman í þessu máli sem öðrum.  Hvað sem pólitíkinni vindur fram.  Það er vilji fólksins, almennings í þessu landi, sem er orðið langþreytt á helgreipum pólitíkusa sem standa sveittir hver í sínu horni og reyna að reka hnífasettið í bakið á pólitískum andstæðingum.  

Ég hef einmitt grun um að þannig sé málinu háttað hjá stjórnarandstöðunni, annara en pírata, að þvælast fyrir í kjarasamningum svo hægt sé að leggja stein í götu stjórnarinnar.  

Þetta er ekki mín óska stjórn, og vissulega hef ég miklar áhyggjur af ýmsum áherslum hennar, eins og sjávarútvegsmálunum, náttúruverndarmálunum og tilhneygingu til að hygla stórgrósserum og útvegsgreifum.  En heldur þetta fólk eiginlega að við séum búin að gleyma hinni norrænu velferðarstjórn?  Afhendingu Steingríms á bönkunum og sparisjóðunum?  Eða þrengingu þeirra og niðurskurði á öryrkja og aldraða? Eða stirfni Jóhönnu til að leita samráðs við stjórnarandstöðuna?

Nei, það er nákvæmlega þess vegna sem fylgið til fjór-fimm flokksins fer jafnmikið dvínandi og ríkisstjórnarflokkana, skýr krafa um eitthvað annað.  

Hlustaði á drottningar viðtal við Guðmund Steingrímsson í morgun og er ennþá með æluna upp í háls.  

Nei fólk vill breytingar og það held ég allavega að þær breytingar eru ekki með Viðreisn sama graut í sömu skál og Sjálfstæðisflokkurinn bara með smá ESB ívafi.  Ó nei.  Fólk vill sanngirni, lýðræði og jöfnuð.  Hvert það framboð sem lofar slíku og stendur við það mun hljóta brautargengi.  

Fólk er einfaldlega búið að fá nóg.  

Látum eins og fólk og leysum þann hnút sem verkfallið er og er að sliga sjúklinga sem eiga allt sitt undir því að fá meðferð sem eykur þeim lífslíkur.  Við erum nefnilega að gambla með líf og limi fólks sem á sér ekki aðra von en að fá meðferð.  Allt annað skiptir minna máli.  Þetta fólk er hetjur að mínu áliti og ég óska þess að þetta verkfall leysist sem fyrst svo fólkið sem virkilega þarf sárlega á aðstoð að halda fái hana.  

Í því sambandi verður plott Samfylkingarinnar um að koma þessari ríkisstjórn frá afskaplega lítilfjörleg og andstyggileg. 

„Við erum öll í sama bátnum“

Smá yfirlýsing frá mér til ykkar.

Kæru vinir og þið sem hafið verið viðskiptavinir mínir til margra ára.  Ég þarf að segja ykkur dáítið.  Það er erfitt og ég hef reynt að draga það eins og ég get.  En hjá því verður ekki komist.  

Ég hef átt erfiðan vetur og vor, margt hefur farið illa hjá mér, og lamað starfsþrek mitt.  Ég hef samt sem áður gert allt sem ég hef getað til að standa mig.  Brotist upp í gróðurhús í hvaða veðri sem er og þungum snjó til að gera mitt besta.  En það hefur gengið illa.  Bæði með plöntur sem ég hef yfirvetrað hingað til og viðhaldið þannig, meðan ég var úti fór rafmagnið af húsinu og þær plöntur sem áttu að vera til staðar í vor drápust.  Sáningin gekk sömuleiðis illa og margt annað sem ég nenni ekki að ræða. 

Þetta hefur legið ótrúlega þungt á mér í allt vor.  Þannig að ég tók sjálfa mig á eintal og sagði að þetta bara dygði ekki.  Ég þyrfti fyrst og fremst að hugsa um sjálfa mig og það sem mér væri fyrir bestu.  Og það varð úr að ég verð ekki með opna tíma í garðplöntusölunni eins og alltaf áður, ekki með það úrval sem ég þarf að hafa og ekki með úthaldið sem ég þarf á að halda.

 

 

 

 

 

 

 

 

 

 

 

 

Þess vegna mun ég ekki vera með séstaka opnunartíma uppfrá, heldur einbeita mér að því að vinna í garðinum mínum. 

Þið eruð eftir sem áður velkomin að koma og skoða það sem til er, eða leita ráða eins og verið hefur. Ég verð mestmegnir einhvarsstaðar á lóðinni, annars er síminn minn 6187751(reyni að muna að hafa hann á mér )

 

 

 

 

 

 

 

 

 

 

 

 

Þetta er ekki auðvelt fyrir mig að segja svona opinberlega.  En ég vil ekki þurfa að skammast mín fyrir að hafa ekki staðið mig sem skyldi, hverju sem það er að kenna, það skiptir heldur ekki máli. 

 

 

 

 

 

 

 

 

 

 

 

 

Ég vil bara eiga þetta sumar til að sleikja sárin og gera það sem mér lætur best að hlú að blómunum mínum og skila skömminni sem ég finn fyrir.  Hún á ekki heima í hjartanu mínu.  Ég tek bara á þessu eins vel og ég get.  

 

 

 

 

 

 

 

 

 

 

 

 

Vona að þið sýnið mér skilning í þessu.  Ég hef reyndar hengipetuníur, og stjúpur sem eru þó ekki nógu langt komnar eins og er.  Enda er varla komið vor ennþá. 

 

 

 

 

 

 

 

 

 

 

 

 

Já þetta er það sem ég ætlaði að segja og nú hef ég brotið odd af oflæti mínu og viðurkennt vanmátt minn.  En ég held að svona ítrekuð áföll lami mann smátt og smátt og geri allt erfiðara.  En ég er þannig manneskja að ég verð að fá að vera ég sjálf og segja hreint út hvernig málin eru.  Mér þykir vænt um ykkur öll sem hafið alltaf sýnt mér hlýhug og komið í garðplöntustöðina mína og spjallað og dáðst að bæði fjölbreytninni og fallegu blómunum mínum. 

Þetta eru enginn endalok, aðeins breyting meðan ég hugsa mitt ráð. 

 

 

 

 

 

 

 

 

 

 

 

 

 

 

 

 

 

Svo á ég líka von á að fá að hafa barnabörnin mín í sumar, jafnvel meira en verið hefur.  Þau eru það besta sem ég á.  <3

Eigið góðan dag elskurnar.