Já það er gott að geta farið í drottningaviðtöl.

Það er gott hjá þér að hleypa gleði inn í líf þitt og byrja upp á nýtt ágæta Þórey, og leiðinlegt að þetta skyldi koma upp á erfiðum tíma fyrir þig.  Það er samt eitthvað sem ekki passar fyrir minn smekk.  Þannig er að ef ég er með hreina samvisku þá á ég ekki í einhverju sálarstríði um mál sem sannarlega er ekki mitt mál.  Og að auki, ef þú varst svona viss um að Gísli var saklaus, af hverju að spyrja hann mörgum sinnum, (það á líka við um Hönnu Birnu)  þið  afneituðuð báðar tilvist skjalsins sem reyndist svo vera nákvæmlega inn í ráðuneytinu.  Það var reynt að klína sökinni á Rauðakrossinn og útlendingastofnum.  Ef þú varst svona náinn samstarfsmaður Hönnu Birnu hlýtur þú að hafa fylgst með því máli og vitað að skjalið fannst einmitt hjá ykkur ásamt lekanum.  Ég er með ákveðna kenningu um hvernig þetta mál æxlaðist, og þar kemur núverandi lögreglustjóri Reykjavíkur sterkt inn ásamt ykkur.  

 

Og þegar fyrrverandi innanríkisráðherra neitaði tilvist þessa skjals á alþingi hlýtur þú að hafa vitað að það var ekki sannleikanum samkvæmt.  Hvort sem þú vilt kannast við það eða ekki, þá liggur þetta fyrir, þvi miður fyrir þig og þinn fyrrverandi yfirmann.  Þetta hefur aldrei verið útskýrt nægjanlega.  

Og þegar þú fórst í mál við DV, með kröfu um hörðustu refsingu sem til væri, fórstu alveg með það að mínu mati, og ef einhver samúð hefði verið með þér, fauk út hún út í veður og vind. 

En sem sagt ég óska þér alls góðs í nýju lífi og megi þér farnast sem allra best.  En mundu bara að þó sannleikurinn muni aldrei koma upp, þá mun hann naga þá sem þekkja hann.  Og ef þér hefur liðið svona illa út af fólkinu sem lenti í lekanum, þá er það pínu skrýtið að þú skyldir ekki á neinn hátt bregðast við og sýna þeim samúð meðan á þessu stóð.  

Mundu líka að það eru ekki allir sem fá drottningaviðtöl í mest lesnu blöðum landsins til að réttlæta sjálfa sig og aðra.  Sumir eiga enga slíka að, og þegar reynt var að eyðileggja þann stuðning frá almenningi sem þetta blessað fólk var að fá með leka, þá var það bara andstyggilegt.  

Ákvað að hleypa gleði inn í lífið

Rifrildi, þras og merkilegheit hafa aldrei getað leitt til friðar.

Málið er að það er ekki hægt að kenna einum eða tveimur mönnum um þetta ástand.  Þetta er mál ykkar allra sem sitjið á þingi og eigið að vinna fyrir þjóð ykkar.  Það lagast ekkert með gífuryrðum eins og fyrirsögnin hér ber með sér.  Þau eru ekki til að bæta ástandið.  

Þú er líka fljótur að gleyma Steingrímur, eigum við nokkuð að fara að ryfja upp viðskilnað vinstristjórnarinnar?  Eða öll málin sem ekki fóru í gegn?

Það þýðir einfaldlega ekki að karpa svona og senda skeyti á milli, það er ykkur öllum til minnkunnar, ekki bara stjórnarliðum heldur líka minnihlutanum sem virðist vera að auka á vandann með allskonar pillum og hugsa sér til hreyfings með að komast nú að aftur. 

Ég vona að enginn ykkar gömlu fjórflokkana komist í þá aðstöðu að mynda meirihluta hvor með öðrum.  Þið eruð einfaldlega búið spil, þið eruð orðin svo samsoðin spillingunni og lélegum vinnubrögðum að við almenningur eða allavega eins og ég upplifi hann erum löngu orðin dauðleið á ykkur öllum, ekki bara sjálfstæðis- og framsókn.  

Nú hafið þið haft tækifæri til að setjast niður, allir flokkar og ræða saman af skilningi og taka ákvarðanir sem eru til hagsbóta fyrir þjóðina sem byggir þetta land, en ekki bara hugsa um ykkar eigin frama og hyglun vina og vandamanna.  

Einmitt þess vegna er svo grátlegt að horfa upp á þennan sandkassaleik ykkar, þar sem hver hönd er upp á móti annari, og enginn vill gefa neitt eftir.  Þið eruð eiginlega bara ekki í stöðu til þess að láta svona meðan landið og miðin brenna.  Meðan auðmönnum og sægreifum er hyglað á okkar kostnað.  

Ég á eiginlega ekki orð, oft hefur verið tekist á um málefni, en þetta sem við horfum upp á núna er svo fáránlegt að ég skammast mín fyrir að vita af ykkur sitjandi þarna í boði þjóðarinnar.

 

 

 

 

 

 

 

 

 

 

Ég get vel skilið að minnihlutinn sé reiður og sár, þar sem meirihlutinn sýnir ,margir hverjir,ótrúlega óbilgirni og þráa.  "Við eigum að ráða af því að við erum meirihlutinn"

Þetta er bara ekki spurning um það hverjir eiga að fá að ráða, þetta er spurning um skynsamlegar niðurstöður og samvinnu.  Ef þið alþingismenn getið ekki skilið það, eigið þið einfaldlega að fara frá borði og leyfa öðrum að spreyta sig á vandamálunum.  Þolinmæði þjóðarinnar er kominn að þolmörkum. 

 

 

 

 

 

 

 

 

 

 

 

 

 

Vona að mér fyrirgefist að taka þessa mynd traustataki. 

Ég veit að ekkert ykkar eru vondar manneskjur fjarri því, og sennilega viljið þið reyna að gera vel.  En þið eruð bara því miður orðin svo samdauna sjálfum ykkur og þeim anda sem svífur yfir alþingi, að þið eruð kominn út úr öllum takti við okkur hin.  Búin að gleyma hverjum þið eigið að þjóna.  Það er ykkar að setja réttlátar reglur sem samfélagið getur unnið út frá, þið eigið ekki að vera að vasast í að hygla fólki sem borgar vel undir borðið.  Þið eruð í vinnu hjá okkur öllum.  

Ef til vill ætti að taka hana Sólveigu Vögnu til fyrirmyndar og hreinsa andrúmsloftið í þessu forbannaða húsi ég held að það sé alveg rétt hjá henni að illir andar hafa lagt það undir sig og nærast eins og púkinn á fjósbitanum við hvert rifrildið og illskunnar sem frá ykkur kemur. 

 

 

 

 

 

 

 

 

 

 

Það er komin tími til að þið takið ykkur tak og farið að ræða saman af virðingu og sanngirni. Þetta er einfaldlega orðið full langt gengið í orðaskaki, hræsni og fíflaskap sem er ekki  samboðið fólki sem gerir sig út fyrir að vinna fyrir þjóð sína.  Ykkar er að setja reglur og lög til að fara eftir fyrir alla þjóðina, en ekki eitthvað sem einhverjir mútar ykkur til að gera, eins og stundum virðist vera.

Og allt þetta þegar fólk á ekki fyrir mat, fólk er að taka sitt eigið líf vegna örvæntingar um framtíðina.  Skammist ykkakr bara og farið að vinna vinnuna ykkar eins og fólk.  

 

„Krakki með bensínbrúsa og eldspýtur“

Kæru vinir, vandamenn, nördar og reiknishausar.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Þetta eru teikningar af kúlunni frá Einari Þorsteini Ásgeirssyni.

Við höfum ákveðið að byggja garðskálann upp aftur, þar sem ekki verður búandi í húsinu án hans.  Málið er að arkitekginn Einar Þorsteinn Ásgeirsson er ný látinn, blessuð sé minning hans, svo það er frekar erfitt að púsla þessu saman.  Reyndar vorum við svo óheppinn að maðurinn minn sagði upp tryggingunum í nóvember en óhappið gerðist svo í desember, en það er önnur saga. 

Mig langar til að spyrja hvort einhver sé þarna úti sem treystir sér til að hjálpa okkur með að púsla þessu rétt saman aftur.  Þetta er fimmdeiling og þríhyrningarnir misjafnlega stórir eftir því. Þá er ég að meina að finna réttu stærðirnar í þríhyrningunum og hvernig þeim er raðað saman. 

 

 

 

 

 

 

 

 

 

 

 

 

 

Þessi mynd er tekinn í fyrra sumar meðan allt var í lagi.  

 

 

 

 

 

 

 

 

 

 

 

 

Svona lítur þetta út núna.  

 

 

 

 

 

 

 

 

 

 

 

 

Eins og sést er þetta ekki mjög kræsilegt.  Svo ef einhver snillingur er þarna úti sem hafur gaman af að takast á við púsluspil, væri vel þegið að fá að heyra í slíkum.  síminn hans Ella míns er 6987751.  gmailið mitt er [e-mail].  

Vona að einhver svari þessu kalli mínu.  Eigið góðan dag. 

P.s. Hér eru tveir linkar á kúluhús. 

http://sci-toys.com/scitoys/scitoys/mathematics/dome/dome.html

 

https://www.google.com/search?client=opera&q=how+to+build+a+geodesic+dome&sourceid=opera&ie=UTF-8&oe=UTF-8

...

Kúk og piss í úttekt.

Dásamleg frétt 

Sérstaklega þetta: 

„Ef þú hrist­ir hann oft­ar en tvisvar ertu að fitla við hann.“

Hahaha elska svona úttektir á hegðum mannskepnunnar. 

Hvað veist þú um klósettfræði?

Heildstæð stefana um nýtingu auðlinda?

Vig­dís seg­ist binda mikl­ar von­ir við að þings­álykt­un­in verði samþykkt á kjör­tíma­bil­inu: „Ég bind mikl­ar von­ir við að þessi þings­álykt­un verði samþykkt í tíð nú­ver­andi rík­is­stjórn­ar því Fram­sókn­ar­flokk­ur­inn er auðlinda­flokk­ur sem skil­ur jafn­vægi milli um­hverf­is­vernd­ar og auðlinda­nýt­ing­ar.“

Ágæta Vigís málið er að ég held að fáir landsmenn treysti ykkur stjórnarliðum til að fara með réttláta auðlindastefnu.  Nú liggur fyrir frumvarp frá sjávarútvegsráðherra um að "klappa í stein" eignarhald L.Í.Ú á sjávarauðlindinni, og það eina sem getur stoppað það illvirki af er að forsetinn neiti að undirskrifa þau ólög, og nú liggja fyrir rúmlega 30.000 undirskriftir landsmanna um að hann gjöri slíkt.  Er það traustvekjandi?  Nei ég segi Nei.  Og Sjálfstæðismenn sem allt vilja virkja. Nei ykkur er ekki treystandi fyrir náttúruauðlindum landsins, og að þeim sé réttlátlega skipt og að þjóðin fái arðinn.  Þið eru aftur á móti vís með að deila til helminga milli Flokksins og flokksins gæðum landsins gegnum klíkuskap.  Það er ömurlegt að þurfa að segja það en þannig er málið bara.

 

 

 

 

 

 

 

 

 

 

 

 

 

 

 

 

 

Sorrý Stína, þið hafið einhversstaðar týnt trúverðugleikanum 

Flytur tillöguna í fimmta sinn

Verkfallsvarsla.

Einn af verkfallsvörðum í því verkfalli sem nú stendur yfir í dag og á morgun mæltist til þess við mig að ég hvetti fólk til þess að aðstoða við verkfallsvörslu hér fyrir vestan.  Ég geri það hér með.  

Þeir sem vilja hjálpa til endilega hafið sambandi við skrifstofu verkalýðsins í Pólgötu eða hringið í 456 5190.  Margar hendur vinna létt verk og því betur sem málin þokast því meiri líkur eru á því að það verði samið við fólkið á plani. 

Það er að skapast mikið öngþveiti um allt land vegna verkfallanna og ef svo heldur áfram sem horfir fer landið á hliðina, og það viljum við ekki.  

Bæði stjórnvöld og ekki síst samtök atvinnulífsins sýna ótrúlega afstöðu til lægstu launa, um leið og þeir skapa sjálfum sér milljarða í arðgreiðslur.  

Því betur sem þjóðin stendur saman því skammvinnara verða þessar verkfallsaðgerðir.  Það þarf að sýna ráðamönnum og auðmönnum hverjir það eru sem ráða í raun og veru.  

 

 

 

 

 

 

 

 

 

 

 

 

Samstaða er eina leiðin til að sigra þetta stríð.

Miklir menn erum vér!

Já miklir menn erum við Hreiðar minn.  Hvað ætli margir hafi þurft að vera innilokaðir í Hegningarhúsinu tímabundið? Ég skal segja þér svona í trúnaði að minn sonur reyndi að fremja sjálfsvíg þar inni.  Hann var ekki spurður, hann var bara dottin ofan í lífsbaráttu sem hann komst ekki uppúr fyrr en seinna, og fékk nokkur góð ár.  

En þið auðmennirnir tilheyrið víst ekki þessari þjóð nema að því að vera fæddir hér og uppaldir, en er það afsökun fyrir því að skilja allt samfélagið eftir í rúst? 

Í hvert skipti sem þið sláið um ykkur og segist vera "saklausir" með her lögfræðina á hælunum til að verja ykkar aumu sjálfmynd þá sláið þið blautri tusku framan í fullt af foreldrum og ættingjum ólánsmanna sem kerfið hefur malað undir sér, þangað til eina lausnin var að hverfa héðan og ekki til Noregs, því þeir voru gerðir að glæpamönnum fyrir að ánetjast fíkn og verða veikir.  

Ég skal bara segja þér að ég vorkenni þér ekki rassgat, og vona að menn beri gæfu til að láta þig ganga sama veg og aðra í dómskerfinu, því samkvæmt stjórnarskránni eiga allir menn að vera jafnir gagnvar réttarríkinu, þó það sé svo langt langt langt frá því að vera virt, því miður.  Þetta er svona enn einn naglinn í kistu sem verið er að smíða, svona örk sem við hljótum að vera að smíða með því að þráast við og sýna samstöðu í því sem verið er að arðræna okkur endalaust.  Bankar, sjávarútvegur og orkuver, allt reynt til að troða í ykkar vasa.  En við erum búin að fá nóg, allavega ég og mér sýnist á ástandinu í þjóðfélaginu í dag að ég sé ekki ein um það, eigðu samt góðan dag, og mundu að hafa með þér góða og uppbyggilega bók í Hegningarhúsið og svo krossgátur.  Gætir til dæmis byrjað á Falið Vald :) 

Neitað um flutninga í dómsal

Að andmæla frumvarpi um Makríl.

Þetta er með því gleðilegra sem ég hef heyrt í langan tíma. Loksins er þjóðin að rísa upp og vill láta til sín taka, og láta ekki traðka á réttindum sínum.  Ég hvet alla til að skrifa undir, því þetta skiptir okkur öll gríðarlega miklu máli, rétt eins og það að afnema kvótakerfið í þeirri mynd sem það er í dag. 

 

 

http://thjodareign.is

14.700 vilja makrílkvóta í þjóðaratkvæði

Skrauthúfur.

Alltaf finnst mér hallærislegt, eða bara hlægilegt að sjá hvernig mannskepnan klæðir sig í allskona skrípaklæði. 

 

 

 

 

 

 

 

 

 

Það eru dómarar með hárkollur, prestar í kjólum, hermenn með fáránlegar húfur, sérstaklega lífverðir kóngafólks, gæsagangur og ýmislegt sem er fyrir mér sprenghlægilegt.  

Það er eitthvað í mannskepnuni rétt eins og dýrunum sem hafa fengi allskonar skraut frá náttúrunnar hendi, til dæmis þessihérna: 

 

 

 

 

 

 

 

 

 

Nema þessi er ekta, og þarf ekki að klæða sig eins og fífl til að ganga í annara fugla augum.  

Víst er verið að halda í eldgamlar venjur og siði, en fyrir mér sýnir það bara að menn eru eitthvað hræddir við nýjungar, hræddir við að ef þeir fara að klæða sig eins og menn þá umhverfist allt.  Allt er þetta gert til að halda öðru fólki í hæfilegri fjarlægð.  Sem betur fer erum við frekar laus við svona fyrirbæri, en það er eflaust vegna þess að við erum eða vorum uppreisnarseggir sem sögðum Noregskonungi stríð á hendur og létum okkur hverfa þaðan.  Það væri samt gott ef eitthvað af þessum uppreisnaranda væri enn til staðar, kannske lifir neistinn enn og verður sterkari þannig að við náum að brjóta af okkur helsið og arðræningjana sem í augnablikinu virðast hafa yfirhöndina í þjóðfélaginu. 

Við eigum samt okkar stereótýpur, eins og pottlokin sem sumir listamenn ganga með, eða jafnvel kúluhatt til að vera ennþá svalari.  Lopapeysan fylgir gjarnan þeim sem eru að mótmæla og nota hana eins og einskonar hlífð.  Jakkafatablesarnir sem sennilega sofa í jakkafatanáttfötum til að fara ekki alveg á límingum efir að almenningur fór að sjá í gegnum þá.  

Þarna er farið eftir máltækinu "fötin skapa manninn".

Ég verð að segja það að það skiptir mig nákvæmlega engu hvernig fólk er klætt, ég finn fyrst og fremst fyrir framkomu manneskjunnar, Ég fer sjálf oft niður í bæ að versla í matinn með svartar moldarrendur undir nöglum af því að ég er að vinna í mold, í stígvélum og jú lopapeysu sem er gatslitinn.  Og ég verð að segja að ég verð aldrei vör við neinar augngotur eða hvísl um það.  Það er nefnilega rosalega gott að geta bara verið maður sjálfur og meðtekin í samfélaginu eins og maður er.  Það er eiginlega bráðnauðsynlegt upp á sálarlífið.  

Ég er mikil tilfinningavera og verð að finna kærleika í nærumhverfi mínu, þess vegna reyni ég að miðla af mér til annara, því ef maður hlúir ekki að þeim sem eru í kring um mann á einn eða annan hátt, þá gerist heldur ekki neitt.  Og allra síst hefur það neitt upp á sig að klæða sig í fáránlega búninga, eða búninga til að sýna samstöðu sína ef ekkert er þar til staðar nema búningurinn. 

Gleymdi ég nokkuð að tala um páfana og allt gullið og krullið í kring um þá?  

Eigið góðan dag. 

Konunglegi kallarinn tilkynnti fæðinguna