Bráðabirgða ökuskírteini?

Þegar ég tók bílpróf á sínum tíma, fór ég í einn ökutíma með elskulegum frænda mínum Jóhanni Júlíussyni, föðurbróðir mínum.  dómarinn var svo bílhræddur að hann ók í annari bifreið á eftir mér og kennaranum  Ég stóðst prófið og hef síðan ekið nánast áfallalaust í allavega 50 ár.  En nú bregður öðru við. 

Eitt barnabarnið mitt sagði mér um daginn að krakkar sem eru að taka bílpróf í dag, og það er dýrt spaug, ekki bara einn ökutími heldur allavega á annan tug tíma, með tilheyrandi kostnaði, aðallega fyrir foreldra. 

En sem sagt barnabarnið sagði mér að þau fengju próf aðeins í þrjú ár til að byrja með.  

 

"Samkvæmt reglunum þarf ökumaður, sem er með bráðabirgðaskírteini, að fara í akstursmat áður en hann fær fullnaðarskírteini.

Endurnýjun bráðabirgðaskírteinis - Útgáfa fullnaðarskírteinis Bráðabirgðaskírteini gildir í þrjú ár. Þann gildistíma má stytta.

Ökumaður getur fengið fullnaðarskírteini, hafi hann haft bráðabirgðaskírteini samfellt í 12 mánuði og ekki á þeim tíma fengið punkta í punktakerfi vegna umferðarlagabrota og farið í akstursmat.

Vilji ökumaðurinn ekki nýta sér þessa heimild eða fullnægi hann ekki skilyrðunum, gildir bráðabirgðaskírteinið áfram þar til það rennur út eftir þrjú ár frá útgáfudegi.

Að þeim tíma liðnum fær ökumaðurinn fullnaðarskírteini, fullnægi hann áður nefndum skilyrðum. Fullnægi hann þeim hins vegar ekki, fær hann útgefið bráðabirgðaskírteini á ný til þriggja ára.

Með því að heimila ökumönnum að fá fullnaðarskírteini eftir eitt ár í staðinn fyrir þrjú, eftir áfallalausan akstursferil og að undangengnu akstursmati, er verið að umbuna þeim sem hafa staðið sig vel í umferðinni.

Það hefur jafnframt þau hvetjandi áhrif á unga ökumenn að vanda sig við akstur.

Sá sem hagar sér vel í umferðinni og brýtur ekki af sér getur sem sagt fengið fullnaðarskírteini ári fyrr en ella. Akstursmat Í akstursmati felst að kannað er hvort mat ökumanns á eigin aksturshæfni, akstursháttum og öryggi í umferðinni er í samræmi við raunverulega getu hans.

Markmið akstursmats er að ökumaðurinn geri sér grein fyrir hæfni sinni og getu í umferðinni með tilliti til umferðaröryggis. Kostnaður Akstursmat tekið á eigin bíl kostar 8000 kr. Akstursmat tekið á ökukennslubíl 8500 kr."

Þetta er nú allt gott og blessað og frábært að verið sé að kenna ungum ökumönnum að bera ábyrgð.  En þarna hangir eitthvað skrýtið á spýtunni ef þetta ágæta barnabarn hefur rétt fyrir sér. Þarna er ekki stafkrókur um það sem barnabarnið sagði mér, sem sagt þetta hér:

Nefnilega að börn utan af landi, þurfi að fara til Reykjavíkur í þetta mat, og aka þar að vetrartíma í hálku og ófærð og það á að kosta 40.000. krónur, síðan að taka einn ökutíma hjá kennara í heimabyggð sem kostar a.m.k. 10.000 krónur. Og svo eru ferðir til Reykjavíkur fram og til baka. Ef þetta er rétt, sem ég veit ekki, en væri ágætt að fá upplýsingar um, þá er þetta algjörlega brot á jafnrétti fólks. 

Það væri ágætt að fá nánari upplýsingar um þetta, og hvort þetta er virkilega svona.  Því þá þarf að gera eitthvað í því. Í fyrsta lagi læra börn á landsbyggðinni alveg ágætlega að aka á vetrartíma heima hjá sér, bæði í hálku og ófærð.  Að skikka þau til að fara suður með tilheyrandi kostnaði er algjörlega fáheyrt og í raun örugglega kolólöglegt. 

Ef þetta er rétt, þá langar mig til að spyrja, hverjum datt þetta í hug?

Hverjir samþykktu þetta?

og síðan hefur fólk virkilega sætt sig við svona óhæfu?

Svör óskast.  Því þetta sætti ég mig ekki við. 

Trúmál að hætti Ásthildar.

Einkennilegt að þessir fáu múslimar í okkar samfélagi geti ekki setið á sátt manns höfði.  Saka hvorn annan um ósannsögli og ósamvinnubrögð.  Hvernig verður það þegar þessu fólki fjölgar, eigum við þá von á allskonar múslimskum trúfélögum, rétt eins og kristilegum samfélögum?  Þar sem allir ásaka alla um eitthvað trúarkennt?  

Við hin viljum bara lifa í friði fyrir þessum trúarbrögðum og tilreunum þeirra til að reyna að þvinga "sannleikanum" upp á okkur.  

Ég er farin að hafa miklar efasemdir um heiðarleika þessa Salmanns Tamini, sérstaklega eftir að hann gerði sína "hákarla"yfirtöku á félagi Múslima hér fyrir nokkru. Það var að mínu mati bæði ljótt og óheiðarlegt.  Og sagði sína sögu um hvernig trúarleiðtogar geta misnotað aðstöðu sína.  

Það færi reyndar best á því að öll trúarbrögð væru bönnuð og við fengjum að lifa okkar lífi algjörlega sjálf án þess að einhverjir siðapostular væru að reyna að móta okkur inn í einhverjar eldgamlar sögur og fullyrðingar sem standast enginn rök né sannanir. 

Hættum þessu fjandans trúarrugli og helgun á einhverjum ævintýrum sem aldrei hafa verið staðfestar, en halda fullt af fólki af öllum trúarbrögum á tánum af hræðslu yfir að fá ekki að eignast stað í himnaríki ef það gerir ekki þetta né hitt.  Og að það sé einhver refsiglaður guð sem hótar og framkvæmir allt það illa sem getur komið yfir fólk, ef það fer ekki eftir biblíum þessa heims, eða kóraninum eða guð veit hvað öll þessi trúarrit heita. 

Ég elska ævintýri, en þau fjalla um álfa, huldufólk, dreka, prinsessur, nornir og galdrakarla og what not.  En þessi ævintýri í biblíunni hef ég reyndar frekar litla þolinmæði fyrir.

Verum bara við sjálf, og munum að guð hjálpar þeim sem hjálpa sér sjálfir, ekkert flóknara en það.  Við getum ekki lagt okkar byrðar á herðar einhverra annara og halda að þar með sé okkur borgið, vegna þess að fyrst og femst þurfum við alltaf að standa sjálf skil á því sem við gerðum rangt, og fá umbun fyrir það sem við gerðum rétt.  Það er ekkert í lögmálinu sem segir að við getum komist undan því með því að láta einhverja aðra um málin.  Hvorki presta né sálusorgara.  Þegar kemur að hinsta degi stöndum við sjálf nakinn frammi fyrir allsherja dómnum og fáum útskúfun eða umbun fyrir því sem við gerðum í okkar lífi.  Það er bara þannig mín elskuleg.  

Salmann „sópaði af borðum með ofsa“

Svona myndablogg.

Allt of langt síðan ég hef sett inn myndablogg.  Hér hefur verið meira um pólitík og nöldur, en nú skal gerð bragarbót á því.  Elskulegar systur mínar voru í heimsókn sem þær gera oft og mörgum sinnum, en í þetta tiltekna skipti vorum við að skoða myndir sem ég á í fórum mínum, og þær vildu endilega að ég skannaði þær inn og sendi þeim.  Þetta eru myndir frá ýmsum tímum.  

 

 

 

 

 

 

 

 

 

 

 

 

 

Nokkur af elskulegum systkinum föður míns.  Anna Júlíusdóttir, Judith Júlíusdóttir, Sigurlína Júlíusdóttir, Geirmundur Júlíusson og Inga Júlíusdóttir. Fljótvíkingar og hversdagshetjur með stóra sögu. 

 

 

 

 

 

 

 

 

 

 

 

 

 

 

 

Og hér er Mumma frænka frá Ameríku, Jóhann, Sóley sem er dóttir Sigurlínu, Pabbi minn og Anna Júl.  Þetta fólk náði allt háum aldrei, enda sterkt efni í Hornstrendingum.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Pabbi um jólaleytið með Sir Jóakim, báðir uppáklæddir. 

 

 

 

 

 

 

 

 

 

 

 

 

 

 

 

 

 

 

Sonur minn og bróðir.  Við mamma áttum drengi með nokkura daga milli bili.  Júlíus litli dó aðeins sjö mánaða gamall, það var mikil sorg og það tekur ennþá í hjartað. 

 

 

 

 

 

 

 

 

 

 

 

 

 

 

 

 

 

 

Elsku amma mín, Ásthildur Magnúsdóttir með litla Júlíus, þegar hann var fluttur á sjúkrahús til Reykjavíkur, þaðan sem hann átti ekki afturkvæmt, nema í lítilli fallegri kistu. 

 

 

 

 

 

 

 

 

 

 

 

 

 

Í eldhúsinu hjá mömmu, fjórir flottir strákar, Ubaldo frá Mexícó, Skafti minn, Geiri hennar Dóru systur og Júlli minn, Happý times.  

 

 

 

 

 

 

 

 

 

 

 

 

 

Júlli minn, og Jóhanna, með Úlf, þegar haldinn var sýning honum til heiðurs í Tjöruhúsinu,  fallegi drengurinn minn.

 

 

 

 

 

 

 

 

 

 

 

 

 

Sigga litla systir mín með sinn frumburð, áður en hún flutti af landi burt og gerðist prestur í Noregi.  

 

 

 

 

 

 

 

 

 

 

 

 

 

 

Júlli minn og Hemmi, besti vinur hans á þessum árum.  Flottir saman. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Hér er ég svo á sólarströnd í Pensylvaníu, eða var það Pennstate, þegar litla systir mín var að læra barnasálfræði.  Og við systur fórum að heimsækja hana, þetta er svo Hreinn Þórir frumburður hennar. 

Og nú þegar ég er búin að vinna að mestu utandyra, get ég farið að dúlla mér.  Fór í sykurpróf í dag og röntgen á bakinu mínu, fer sennilega í nudd og æfingar, en ég hef verið frekar slæm í baki. 

Svo fór ég á hárgreiðslustofu og fékk mér lit í hárið.  

 

 

 

 

 

 

 

 

 

 

 

 

 

 

 

Og ég er bara ánægð með útkomuna. 

 

 

 

 

 

 

 

 

 

 

 

 

 

 

 

 

 

Jamm, það er alltaf best að vera ánægð með sjálfan sig.  Ef svo er, þá skiptir ekki máli hvað öðrum finnst.  Eða þannig lít ég á málin . 

En eigið annars gott kvöld elskurnar.  

......

Opið bréf til ASÍ frá framkvæmdaráði Dögunnar, stjórnmálaafls sem vil réttlæti, sanngirni og lýðræði. +-*+

Þar sem ekkinokkur fjölmiðill virðist hafa neinn áhuga á Dögun eða því sem þeir standa fyrir, því miður, þá ætla ég að birta blogg eftir formanninn Helgu Þórðardóttir.  Hér er um að ræða opið bréf til Así, um hvort þeir hafi ekkert að segja um orð hagfræðings Seðlabankans um að hækka vexti til að minnka eyðslu heimila í landinu. Finnst engum nema stjórmálasamtökum Dögunar þetta sérkennilegt? 

 

http://helgatho.blog.is/blog/helgatho/#entry-2159994

 

Opið bréf til ASÍ 18.11.2015 | 19:31

 

Opið bréf til ASÍ Dögun, stjórnmálasamtök um réttlæti, sanngirni og lýðræði hafa sent ASÍ fyrirspurn og spuringin er: Hver er afstaða ASÍ til orða aðalhagfræðings Seðlabanka Íslands um nauðsyn þess að hækka vexti til að halda niðri kaupmætti launafólks?

Dögun hefur ekki enn fengið svar og vill því senda opið bréf á fjölmiðla til árétta spurningu sína til ASÍ.

Oðrétt segir aðalhagfræðingur Seðalbankans samkvæmt frétt á Eyjunni 11/11 2015 á fundi efnahags-og viðskiptanefndar Alþingis. ”Það er kannski akkúrat það sem við erum að reyna að gera. Vegna þess að staðan sem við erum í er að hagkerfið er að vaxa of hratt miðað við framleiðslugetu. Það skapar þrýsting á laun, verðlag og svo framvegis. Það sem við erum að gera er að draga úr ráðstöfunartekjum heimila, þau eiga þá minna til ráðstöfunar til að fjármagna eftirspurnarneyslu. Við erum að draga úr getu fyrirtækja til að fjárfesta eða fara í útgjaldaáform. Þetta er bara því miður það sem við þurfum að gera til þess að halda aftur af eftirspurninni.”

Samkvæmt Seðlabankanum er verðbólga dagsins í dag undir verðbólgumarkmiðum Seðlabankans.

Á fyrrnefndum fundi efnahags- og viðskiptanefndar Alþingis kom fram að fulltrúum Seðlabankans fannst ábótavant að ríkisvaldið dansaði ekki í takt með Seðlabankanum í viðleitni sinni við að halda verðbólgunni niðri.

Verðbólgu sem er undir viðmiðunarmörkum. Ófaglærðu fólki getur reynst erfitt að skilja Seðlabankann. Verðbólgumarkmið hans virðast heilög en tengjast ekki hag almennings beinlínis. Í þessu tilfelli eru þau skaðleg þar sem nýunnar launahækkanir launamanna eru skotmark Seðlabankans.

Þess vegna vill Dögun spyrja ASÍ hver skoðun ASÍ er á þessari stefnu Seðlabankans.

Hvort einhver viðbrögð séu væntanleg af hálfu ASÍ til stuðnings sínum umbjóðendum. Framkvæmdaráð Dögunar xdogun.is

 

En menn hafa víst ekki áhuga á þessu frekar en öðru sem lýtur að réttlæti og stoðum heimilanna í landinu. 

Jólagjöfin mín til barnabarnanna komin í hús.

Jólagjafirnar til barnabarnanna voru að detta í hús.  Af því að þau eru svo mörg þessar elskur, þá tók ég til þess ráðs fyrir 8 árum að skrifa sögur um þau sjálf og gefa þeim í jólagjöf.  

Hér eru bækurnar: 

fyrstu bókina skrifaði ég árið 2009.  Ævintýrið um Loðfílsungana. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Hún gerist þegar vísindamenn í Síberíu fara að klóna loðfílsunga, en óvart eru slíkir heilög dýr á annari plánetu. 

Önnur heitir.                         Ævintýrið í Huldulandi.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Hún gerist í heimi til hliðar við okkar, þar sem margar verur búa, og hætta stafar að óvinum, sem börnin verða að aðstoða við.

 

sú þriðja.                            Gaggalaggáland.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ÞEssi saga gerist á eyju neðansjávar, í Djúpinu þar sem búa tvær óvinveittar þjóðir, gaggalaggar og Naggar.  Naggarnir ráðast á gaggalaggana og þá verða börnin að koma til sögunnar.  Þessi eyja og persónurnar eru komnar frá þessari litlu dömu, sem sagði okkur hinum frá þeim. 

 

fjórða                                Barátta blómálfanna.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Gerist í garðinum hjá ömmu, þar sem blómálfar þurfa að betjast við illa álfa sem vilja skaða þá. 

 

fimmta.                               Ævintýrið um Bóseindina.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ævintýrið um Bóseindina gerist þegar vísindamenn í Cern í Sviss eru að gera tilraunir til að finna þessa minnstu eind í geimnum.  Að áliti geimvera hefur maðurinn ekki visku né þekkingu til að fara svo langt fram úr sér.  Svo börnin frá aðstoð frá geimverum frá Alpha Centauri, þau Ayling og Molyden.

 

Sjötta.                               Ævintýri Shangri La, og familypark. 

 

 

 

 

 

 

 

 

 

 

 

 

 

Því miður kemur þessi á hliðinni.  En þarna fara eldri börnin til Shangri La týnda landsins, þar sem tíminn stendur nærri því kyrr, þar sem bófar hafa óvart komist inn og valda usla, en yngri börnin fara og bjarga einum stærsta skemmtigarði í Evrópu, the Familypark í Austurríki. 

 

Sjöunda.                              Leiðin til Lemúríu. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Lemúría er sokkið land eins og Atlantis.  Börnin þurfa að leita þangað til að bjarga þremur börnunum sem hafa slasast mjög illa og þurfa að fá heilun.  En á Lemúríu bjuggu merkustu heilarar veraldarinnar.  

Áttunda                               Nornaleikur. 

Nornaleikur er svo nýja bókin sem börnin frá um þessi jól.  Eðlilega er ekki hægt að ræða mikið um efni hennar.  En þar leikur stórt hlutverk nornin Gríma sem er bæði grimm og ljót.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Börnin hafa teiknað forsíðurnar sem eru teiknaðar. Þau Sóley Ebba og Úlfur.

En þetta er nú bara svona til gamans.  Ekki vandamál með jólagjafirnar.  Ég hef afskaplega gaman af að semja þessar sögur sem gerist meðal krakkanna.  Mér finnst það líka nauðsynlegt til að þau finni til frændseminnar, þar sem þau búa í þremur löndum og út um allt. Og meðan þau hafa gaman af sögunum er þetta ótrúlega skemmtileg leið til að gleðja þau.  

Frelsi, lýðræði og kærleikur er meðalið gegn morðhundum Íslamska ríkisins.

Það sem gerðist í París í gær er sorglegra en tárum taki.  Gjörsamlega ömurlegt að upplifa svona illmennsku og miskunnarleysi þar sem ráðist er á saklausa borgara af handahófi, það er eiginlega óskiljanlegt.

Það er líka sorglegt að árásarmennirnir voru drengir frá 15 - 18 ára.  Ég á barnabörn á þessum aldri og veit að þau eru áhrifagjörn, en oftast afar réttlát og elskulegt fólk.  Því er spurning hvað dregur unglinga til að haga sér svona.  Þeir hafa verið í þjálfun og heilaþvegli hjá hryðjuverkamönnum sem eru ekkert nema illskan og hatrið.  Þeir eru ekki mannekjur og ekki heldur dýr, heldur einhverskonar Orkar úr svartasta myrkri Mordor, óskapningar sem hafa verið búnir til úr illskunni einni saman.  

Við verðum nú að anda og skilja að þetta hefur í raun og veru sáralítið með Islam að gera.  Þetta er ekki fólkið sem er að flýja ástandið heima fyrir, heldur hefur þessi óskapnaður grafið um sig eins og krabbamein og er að gera út af við heimsmyndina eins og við þekkjum hana í dag.  Þess vegna verðum við að gæta hófs og skilja að það fólk sem er að flýja er algjörlega í sömu súpu og við hin.  Þetta er ekki lífið sem það blessað fólk vill lifa við, þess vegna leggur það á flótta og margir hafa týnt lífinu í þeim hrakningum. 

Ekki er mér alveg ljós af hverju Frakkland verður mest fyrir barðinu á þessum fyrirlitlegu glæpahundum, nema af því að frakkar standa sögulega mest fyrir lýðræði og umburðarlyndi einhverra hluta vegna.  Og þess vegna ráðast þessi öfl einmitt á þau gildi.  Sem segir okkur að þetta hefur ekkert með trúarbrögð að gera heldur að reyna að terrorisera fólk á vesturlöndum til að hætta að vera svona lýðræðisleg og vilja hjálpa.  

Það sem þessir hundar og óskapnaðir skilja ekki, er að því meira sem er ráðist á okkar vestrænu gildi, því meira þjappa þjóðir sé saman um að láta ekki kúga sig.  Þeim er algjörlega fyrirmunað að skilja kærleika, samúð og hinn frjálsa vilja. Þeirra tungmál er kúgun, hatur og ofbeldi.  Hvernig þeir urðu þannig veit enginn, nema að þeir hafi verið búnir til undir fjallinu eina í Mordor til að vinna gegn mannlegum gildum.

Ég er fyrst og fremst sorgmædd vegna þess að ungt fólk er þarna heilaþvegið til að vinna óhæfuverk vitandi að þeir munu deyja.  En rétt eins og aðrir ráðamenn heimsins þá ota glæpamennirnir þessu fólki út á galeiðuna, þeir sitja sjálfir í öruggu skjóli og hafa almenning sem skjöld svo þeir geti verið sjálfir öruggir.  Fólk sett í búr og sett á staði sem skotmörk.  

Við venjulegt fólk getum ekki skilið illmennsku og hatur sem stjórnar þessum morðingjum.  En eitt er víst að nú verður enginn griður gefinn, það verður gengið milli bols og höfuðs á morðingjunum, en það hefur í för með sér að fullt af saklausu fólki verður drepið með.  

Það er líka sorglegt að upplifa að rasistar skríða fram úr holum sínum og láta kné fylgja kviði í að ala á hatri milli Íslam og Kristilegs fólks.  Það fara fremst í flokki manneskjur sem telja sig einhverra hluta vegna vera heilagt og eiga sinn sess í himnaríki.  Ég vil minna það fólk á að Jésú sem það trúir svo mikið á, varaði einmitt við faríserum og falsspámönnum. V

Það sem við þurfum að gera nú er að standa saman og verja lýðræði, frið og kærleika sem við viljum eiga og hafa.  Og hætta að skipta fólki í Íslam og Kristið.  Þetta hefur einfaldlega ekkert með það að gera. 

Eigum við ekki bara að muna rósastríðið og riddarana sem fóru með eldibrandi um allt til að drepa alla sem ekki voru kristnir?

Nú er þetta orðið allt of langt en munum að samtakamátturinn er sterkasta vopnið sem við eigum fyrir utan kærleikan og það góða sem við eigum.  Þessir hundar þekkja ekki kærleika.  Þeir þekkja heldur ekki lýðræði né umburðarlyndi, í því felst nefnilega styrkur okkar, og hann skulum við virða og nota.

 

Landsfundur Dögunar. Vertu breytingin sem þú vilt sjá.

9.11.2015 | 13:45 VERTU BREYTINGIN SEM ÞÚ VILT SJÁ OG TAKTU ÞÁTT. Það fór víst ekki fram hjá neinum að Dögun stjórmálaafl um réttlæti, sanngirni og lýðræði hélt landsfund sinn á helginni. Nei reyndar fór það ekki mjög hátt, því fjölmiðlar voru uppteknir af allt öðrum málum. Þó hefði ég haldið að þessi skilaboð ættu erindi til flestra.

Eða þannig.....  

RÚV er auðvitað afsakað með því að þau voru svo upptekin af Airwaves, Loftbylgjum sínum, að þau máttu ekki vera að sinna svona smáskiteríi.

Það var rætt um þessa tónlistahátíð á morgnana, eftir hádegi, síðdegis og á kvöldin. Gott ef ekki í sjónvarpinu okkar allra líka. Svo mikið fyrir Rúv okkar allra. Það virðist stundum vera fyrir suma en ekki alla. Ekki það að þessi hátíð var svo sannarlega glæsileg og mikið um að vera. En fyrr má nú rota en dauðrota, svona barnslegt grobb starfsmanna þar á bænum yfir allri athyglinni sérstaklega erlendis frá. Ég vil samt óska öllum tónlistamönnunum og þeirra sem stóðu að þessu til hamingju með velheppnaða hátíð.

En aftur að Dögun. Það voru auðvitað sendar tilkynningar til allra fjölmiðla, þeir einu sem sinntu þessu kalli var Mogginn, Útvarp Saga og Harmageddon. Þökk sé þeim.

"Helga Þórðardóttir. þetta er afraksturinn eftir að hafa sent fréttatilkynningu með ályktun landsfundar á 80 netföng hjá fjölmiðlum. kannski vaknar einhver á morgun  www.mbl.is MBL.IS"

Hér er viðtalið á Sögu: http://www.utvarpsaga.is/frettir/3357-„óréttlætið-æpir-á-mann“.html#.VkCbRtklorg

Hér er svo viðtalið við Harmageddon. http://www.visir.is/section/MEDIA98&fileid=CLP40760 12233432_10207327119163778_1841104995_n

 

 

 

 

 

 

 

 

 

 

 

 

 

 

Nýji formaðurinn okkar, hörkudugleg og glæsilegur fulltrúi Dögunar. Eins og svo margir fleiri innan okkar raða. Og reyndar er flokkurinn öllum opin, og allir geta mætt á fundi og samkomur innan hans.

Það var margt gert á fundinum, m.a.var endurbætt kjarnastefna okkar samþykkt. Kjarnastefnan hefur verið mörg ár í mótun, en alltaf hafa aðalatriðin haldist inni, bara slípuð til.

 

Hér er hún, ég ráðlegg fólki að lesa hana. Hún er virkilega þess virði. http://www.xdogun.is/2015/11/08/stjornmalaalyktun/

 

 

 

 

 

 

 

 

 

 

 

 

 

 

 Bráðnauðsynlegt fyrir landsbyggðina að fá frjálsar handfæraveiðar.

 

 

 

 

 

 

 

 

 

 

 

 

 

 

Húsnæðismálin þarf að taka föstun tökum.

 

 

 

 

 

 

 

 

 

 

Það þarf að tryggja lámarks framfærslu.

 

 

 

 

 

 

 

 

 

Er ekki komið nóg af banksterum í okkar samfélagi, græðgi og ásókn í fé landsmanna?

 

 

 

 

 

 

 

 

 

Fyrir unga fólkið okkar.

 

 

 

 

 

 

 

 

 

 

 

Ójá.

 

 

 

 

 

 

 

 

 

Eitt af aðalstefnumálum frá Frjálslyndaflokknum og Dögun.  

Það er svo hægt að sjá þetta allt á dögun.is Ég er afskaplega ánægð með Dögun, ég hef unnið með þeim frá upphafi og átt marga vinnufundi með kjarnanum í flokknum við að vinna að málefnum flokksins, og það er virkilega gott að sjá að kjarninn í samþykktum flokksins hafa lítið breyst frá upphafi, aðeins slípast aðein til. Ráðlegg þeim sem vilja leita einhvers annars í pólitíkinni að lesa það sem við höfum fram að færa. http://www.xdogun.is

Jafnrétti versus skessur og gassa

Er svona smátt og smátt að uppgötva að þessi kona er ekki mjög greind, eða á ég frekar að segja heimsk? Eða á ég að segja það til fulls, heimsk frekjudós, sem er komin alltof langt í völdum til að valda því? Hún er svona á pari við framsóknarpíjuna sem sagði að hún yrði að leika með liðinu, hver man nafn hennar nú?  Ekki ég.  Hún er reyndar að mínu mati á pari við  Hönnu Birnu og Þorgerði Katrínu,  konur sem eyðileggja orðstýr kvenna algjörlega. Á öðrum vængnum eru vælandi feministar sem eru búnar að ákveða að þær séu fórnarlömb og svo þessar kerlingar sem slakta allri baráttu fyrir jafnrétti.  Ég veit ekki á hvorn vænginn ég á að stíga, alla vega hvorki á þennan feministavæng eða þessar skessur sem vaða yfir allt og alla.  

Ég er fyrst og fremst jafnréssissinni og það er bara þannig að þar er margt ennþá óuppgert á báða vegu. Það sem við þurfum að berjast fyrir er að vinna að því að bæði kynin hljóti sanngjarnara líf.  Það er ekkert bara á annan veginn eða hinn. Til að við getum höndlað gæfuna, verðum við að skilja að við eigum öll við ákveðin vandamál að eiga og það þarf að skilgreina hvað er að og finna lausn.                                     

Samstarf og samtal í stað herlúðra

Svolítið um RUV, frá mínu brjósti.

Ríkisútvarpið, "okkar allra" hefur verið talsvert í umræðunni nýlega. Bæði vegna fjárhagsörðugleika og úttekar sérstakrar nefndar á starfsemi RUV, athygli vekur hatur Vigdísar á stofnunninni, en líka er gott að upplifa svo hringferð stjórans og fleiri kring um landið.

Ég vil hafa RÚV, og ég er bara nokkuð ánægð með það sem þar er að gerast.  

Þess vegna ætla ég að fara í smá úttekt frá mínu hjarta.

Ég er svona sérlunduð manneskja, af því að ég er komin á eftirlaun, og þarf bara að sinna sjálfri mér og plöntunum mínum, get ég haft hlutina eins og ég vil.

Ég byrja daginn á því að gera smá æfingar í rúminu, til að liðka mig og styrkja, svo fer ég framúr, fer niður í eldhús, byrja á því að taka lýsi og kveiki á útvarpinu.  Fer síðan í tölvuna, og legg nokkra kapla og fer yfir netheima meðan ég hlusta.

Af því að ég er morgunsvæf missi ég alltaf af morgunútvarpinu með Sigmari og crew.  En þegar ég er komin framúr er í loftinu Virkir morgnar.  Þau Gunna Dís og Andri eru sem sagt orðin mínir daglegu gestir, og yfirleitt hef ég afskaplega gaman að þeim, frekar minna ef Gunna Dís er ekki, því það verður að segjast eins og er að Andri og Sóli þegar þeir eru bara tveir, þá vantar alla jarðtengingu, því þá vantar Gunnu Dís sem er ein af nokkrum perlum í mínum RÚV hópi.  En þá má alltaf skipta yfir á rás1, sem er líka afar skemmtileg, með mannlega þáttinn og svo margt.  K.K. með sína skemmtilegu þætti og ekki má gleyma Svanhildi Jakobsdóttur með Óskalagaþáttinn sinn, hún er líka perla.

Svo tekur við Poppland eða einhver slíkur lagaþáttur og síðdegisútvarpið sem ég vil ekki missa af, fer eftir dögum. 

Það er yndælt að hlusta á þessa heimilisvini þegar ég er upp í gróðurhúsi að hlú að plöntum, þá er ég aldei ein.  Þarna er fólk sem er með þætti eins og að geta upp á frétt dagsins, og allskonar slíku sem er lífgandi og skemmtilegt. 

Sigga og Lolla eru stundum alveg óborganlegar, og stundum elska ég að hata þær.  En þannig er það bara.  

Hanastélið hefur aðeins dalað við að missa Sölku.  En þetta er samt skemmtilegur þáttur, þó ég hafi ekki haft gaman að Gnarrinum hjá þeim, enda hef ég sjaldan gaman að þeim ágæta manni. 

Þátturinn eftir Kvöldfréttir hvort sem um er að ræða Heiðu eða Eldhúsverkin er afskaplega yndælir þættir, Doddi litli er þarna sérlega skemmtilegur með sín eldhúsverk.  

Þar sem ég er forfallinn í pólitíkinni hlusta ég á Hallgrím Torst á sunnudagsmorgnum, hann er afskaplega fróður þessi maður og fjölhæfur útvarpsmaður.  Þó stundum finnist mér örla á ESB ást hjá honum, og finnist hann of velja þannig í pólitíska hlutann að fá tækifæri til að hnykkja á því að leiða þangað fólk sem hefur mikinn áhuga á að fara inn í ESB.  

Þegar elsulegur maðurinn minn er heima, sem hann er reyndar ekki núna, þá elskum við að sitja með kertaljós og rauðvín eða bjór við eldhúsborðið rabba saman og hlusta á kvöldútvarpið um helgar.  Og þá er komið að því sem mér finnst yndælast af þessu öllu, en það er kvöldútvarpið með Guðna Má.  Í gær var Guðni Már upptekinn var í einhverri matarveislu hjá vini sínum, og annar maður kom í hans stað,  Jón Þór minnir mig að hann heiti. 

Og ég get svo svarið það, að bara að hlusta í gær var hrein unun.  Oft höfum við hlustað á þáttinn og fastagesti, en Þessi ágæti maður, var svo frábær og skemmti bæði sjálfum sér og öðrum.  Þessi þáttur er þjóðarsálin okkar algjörlega í dag.  Hann er eitthvað algjörlega einstakt fyrir bæri sem finnst hvergi annarstaðar í heiminum.  Og þarna hefur skapast ákveðin vinátta og yndislegheit sem erfitt er að lýsa.  Fólk þarf að upplifa það sjálft.  Þarna eru bæði stjórnendur og innhringjendur svo einlæg og vinsamleg að maður verður ósjálfrátt bara glaður í hjartanu.  

Ég man vel að það átti að leggja þennan þátt niður, en okkar fastagestir mómæltu og höfðu sitt fram að hann fékk að halda áfram sem betur fer.  

Guðni Már á heiður skilinn fyrir að koma honum á koppinn og laða þetta elskulega fólk til sín.  Það hefur ekki verið gerður svona þáttur síðan Stefán Jón var með Þjóðarsálina sína.  

Þessi þáttur er hrein perla í þjóðarútvarpi og á að fá að lifa og dafna, því hann er algjörlega sérstakur og allir þeir sem þar hringja inn og taka þátt. 

Sen sagt Vigdís mín, ég vil ekki breyta neinu þarna.  Þó þú hafir fundið þarna blótaböggul og finnist þú á einhvern hátt ekki njót sannmælis, þá finnst mér þú einfaldleg bara séð algjörlega um það sjálf að koma hlutunum þannig fyrir að þú verðir fyrir einhverskonar .... "aðkasti" sem er í raun ekki.  Fyrir utan að kona í þínu ábyrgðarhlutverki getur ekki leyft þér að ráðast svona opinberlega og ljóst og leynt að stofnun sem heyrir undir þig og ríkisstjórnina.  Þú verður bara minni manneskja með þessu.  Segi og skrifa.  

Nornaleikur saga barnanna í kúlu.

Jæja ég var að skila inn sögunni minni um börnin í Kúlunni.  Búin að vera að vinna í henni síðan í september, reyndar var ég byrjuð að hugsa um hana strax eftir áramót.  Þetta er búinn að vera skemmtilegur tími, og hugsunin um þessar elskur þar með mjög miklar.  Reyndar spurði ég þau í sumar þau sem ég komst í samband við, hvað þau vildu að gerðist í sögunni gagnvart þeim, og svo var að prjóna það saman í ævintýri.  Reyndar nýt ég nú reynslu minnar af sögunum á Málverjabæ, meðan við vorum ennþá félagar og góðir vinir og höfðum (mis)gaman af sögunum. 

En allavega það var ákveðið í vor að sagan myndi heita Nornaleikur, og raunar hefur það verið einstaklega gaman að vinna að henni á lokametrunum með alla þessa ævintýramennsku kring um Halloween. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Úlfur teiknaði forsíðuna, annar hefur Sóley Ebba mín oftast teiknað forsíðuna.  Þetta er bók númer átta.  

Það er nefnilega svo að þegar maður á svona mörg barnabörn þau eru 23, með öllu, þá er ekki forsendur til að kaupa gjafir handa öllum, svo ég tók á það ráð fyrir átta árum síðan að fara að semja ævintýri þar sem þau sjálf leka aðalhlutverkið.  Og hingað til hafa þau notið þessara ævintýra og ég er svo ánægð með að skrifa um þau.  Það bæði tengir þau saman og svo líka mig við þau.  

Já elskurnar amma er búin að skrifa söguna og svo er bara að bíða til jólanna og sjá hvernig ykkur líkar hún.  Elska ykkur öll svo mikið.