"Lýðræðislegi armur Sjálfstæðisflokksins".

Hlustaði á Hádegisfréttir RUV áðan, jú maður verður jú að hlusta af og til, til að sjá hvort umræðan breytist ekki með nýjum útvarpsstjóra

En sem sagt þarna var viðtal við Svein Andra Sveinsson, þar sem hann lýsti því yfir að hann hefði opnað síðu á fésbókinni til að skoða stofnun nýs Sjálfstæðisflokks.  Hann sagði að nú væri raunveruleg hætta á klofningi í Sjálfstæðisflokknum í fyrsta skipti, þar sem það væri núll svigrúm fyrir ólíkar skoðanir í flokknum.  Svo kom í ljós að þessar ólíku skoðanir voru um aðild að ESB.  

Nú hefur það komið fram að meiri hluti sjálfstæðismanna ákvað á síðasta og mig minnir líka þarsíðasta landsfundi að Ísland væri betur komið utan ESB.  Yfirlýst stefna ríkisstjórnarinnar er líka að slíta viðræðum.

Það segir að þarna hafi verið tekinn lýðræðisleg ákvörðun um stefnu Sjálfstæðisflokksins, þó Bjarni Ben hafi verið dálítið valtur á þeim fótum á tímabili.  En það nægir ekki "hinum frjálslynda armi" flokksins.  

Þeir ætla að kljúfa sig út, frá þessum ólýðræðislegu öflum sem voga sér að framfylgja vilja stefnumörkun hans.  

Þetta er svo sem allt hið besta mál, en ég sé svona fyrir mér, þegar þeir eru búnir að stofna sinn frjálslynda flokk um ESB, og svo kemur einhver og vill eitthvað annað, hvort það sé ekki núll komma eitthvað prósent svigrúm þar, svo þá þarf auðvitað að kljúfa þann flokk aftur, og svo framvegis.  

 Spyrlinum fannst ekkert merkilegt að Sveini Andra fannst ekki vera neitt svigrúm í flokknum, af því að þetta eina mál var ekki í lagi, heldur hafði meiri áhuga á því hvort Þorsteinn Pálsson og Jóhann Benediktsson myndu leiða hann.

Einhvern veginn hefur mér sýnst að sjálfstæðismenn hafi kokgleypt ýmislegt á löngum ferli, og það jafnvel meiriháttar mál eins og sjávarútvegsmál, umhverfismál og fleira, en lotið í lægra haldi fyrir meirihlutanum.  

Man eftir kempu úr Bolungarvík, aflakló sem vildi breyta fiskveiðistefnunni og fór á marga aðalfundi til að reyna að hafa áhrif, en enginn hlustaði.  Man líka eftir Ólafi F. Magnússyni og hans náttúruverndarsjónarmiðum.  Þorsteinn Pálsson, Sveinn Andri og slíkir hafa auðvitað hlustað á slíkar raddir með jákvæðu hugarfari?  Eða er það ekki augljóst, þegar menn eru svona víðsýnir og málefnalegir.

Annars mega gömlu stjórnmálaflokkarnir skiptas sér í eins margar einingar og þeir geta, það væri bara fínt að fá einn hrærigraut, svo við neyddumst til að taka upp persónukjör.  En þangað til ættum við ef ril vill að gefa nýrri framboðum meiri gaum, skoða hvað þau hafa fram að færa, og gleyma í bili þessum gömlu pólitíkusum eins og Þorsteini , Sveini Anrda og fleirum, sem hafa löngu gleymt því um hvað lýðræði snýst.  

 

Ja hérna hér, hvar endar svona?

Það er óhætt að segja að þetta sé óheillaþróun, og ég er nokkurnveginn viss um að þarna eru aðeins nokkrir frekjudallar sem fara fram fyrir hönd allra pípara.  Hef enga trú á því að heil stétt beiti sér svona.  Þess vegna á að fá upp nöfn þeirra sem svona haga sér, birta þau og sniðganga síðan þá sem haga sér svona.  Þetta er nefnilega ólíðandi frekjugangur að mínu mati.  

Það væri nú aldeilis er þetta ætti að þróast vona, menn gætu ekki keypt sér múrspaða eða spæsl, ekki keypt sér garðsláttuvélar né sláttuorf,  skrúfur og hamar eða sög.  Auðvitað er þröngt í búi hjá mörgum, en menn ná ekki vopnum sínum með svona yfirgangi.  Ef menn mega ekki kaupa sér eða leigja tæki til að komast betur af, þá er nú stutt í Hafliða allann.  

Bannað að leigja almenningi

Byggðalög í herkví.

Kvótakerfið í sinni ljótu mynd.  En fékk Vísir ekki byggðakvóta?  Hann hlýtur að færast yfir á annað fyrirtæki.  Það er komið alveg nóg af þessari vitleysu að einhverjir peningamenn hafi heilu byggðalögin í hendi sér.  Það hlýtur að vera hægt að koma í veg fyrir að einhverjir peningagráðugir menn geti bara kippt fótunum undan þorpum hér og þar um landið, þorp sem hafa byggst upp á nálægðinni við fiskimiðin.  Hvernig væri að fara að hugsa út fyrir rammann og leyfa frjálsar krókaveiðar meirihluta ársins?

„Þetta er áfall“

Gott gengi Salome.

Gangi þér vel Salome Katrín, þú ert góð söngkona og skemmtileg sviðsframkoma þér spillir ekki fyrir.  

Þykir vænt um væmnina

Bókahátíð á Flateyri.

Ég fór á bókahátíð á Flateyri síðast liðið laugardagskvöld.  Ég fór nú aðallega að hitta gamlan vin minn, sem var það að lesa upp Bjarka Karlsson. 

Þetta var frábær skemmtun og margir skemmtilegir upplesarar að lesa ljóðin sín.  

Hörður Steingrímsson var fyrstur hann var svona frekar þunglyndislegur ungur maður, en fór ágætlega með ljóðin sín.

Nærstur kom svo Bjarki Karlsson, með sína verðlaunaljóðabók, hann tók nokkrar skemmtilegar útgáfur á afi minn fór á honum rauð, og gerði sér upp hvernig helstu skált landsins hefðu ort þetta ljóð, vakti það mikla kátínu gesta og var mikið hlegið.  Bjarki fór vel með ljóðin sín og er frábær skemmtikraftur.

 

 

 

 

 

 

 

 

 

 

Þá kom Björn E. Hafberg, og flutti nokkur ljóð sem hann hafði samið fyrir 30 árum eða svo, og upp úr ljóðabók sem hann og vinir hans höfðu safnað þegar hann var ungur, hann útilokaði ekkert að hann myndi byrja aftur að setja  í ljóð aftur.  

 

 

 

 + 

 

 

 

 

 

 

Bjarni Bernhafður Björnsson kom þvínæst. Bjarni byrjaði á því að lýsa því yfir að hann hefði verið þorpsfíflið i sinni sveit.  Hann las upp nokkur skemmtileg ljóð,  hann lýsti því svo yfir í lokaljóði eða yfirlýsingu að hann væri hættur að yrkja, en ætlaði að einbeita sér að málaralistinni.   

 

 

 

 

 

 

 

 

 

 

Og ég fór að hugsa hver er munurinn á kóngnum og fíflinu, báðir skrautlegir. 

Næst kom svo Björk Þorgrímsdóttir.  Algjörlega frábær upplesari og skemmtilegur penni.

Lokaljóðið hennar situr enn í mér, en það kallar hún Svona kona.  Gaman að sjá svona ungt hæfileikaríkt ljóðskáld.

 

 

 

 

 

 

 

 

 

 

Verð ég svona kona. Frábær.

Eiríkur Örn Norðdal sló svo botninn í upplesturinn, tíminn hafði hlaupið frá okkur og sú sem var síðust á dagskránni komst ekki að Kristín Eiríksdóttir.  En Eiríkur var svo sannarlega hressandi og kjarnyrtur.  

Hann hafði lofað að senda mér myndir, Eiríkur??? Ég horfði á eldri dömur vinkonur mínar sem sátu á móti mér við borðið, það var alveg kostulegt að sjá svipinn á þeim, þegar mest gekk á í upplestrinum.  Þær misstu alveg andlitið á köflum.  

 

 

 

 

 

 

 

 

 

 

Það var alveg þess virði að skella sér á Flateyri á bókahátíð, skemmtileg nýbreytni og ég óska þeim sem að þessu stóðu til hamingju með framtakið.  Eyþór Jóvinsson stóð að mestu að baki þessu, en svona er ekki hægt nema að hafa gott fólk -með sér.  

 

 

 

 

 

 

 

 

 

 

 

 

Til hamingju kæru flateyringar með þessa glæsilegu Bókahátíð og kærar þakkir fyrir mig.  Hlakka til að koma aftur að ári.  

 

Hlutleysi RUV og nokkrar myndir.

Svona að gamni, ég var að hlusta á vikulokin sem er að mörgu leyti ágætis þáttur um dægurmálin, Hallgrímur THorsteinsson stýrir honum.

Og af því að verið var að mæla hlutdrægni fjölmiðla, þá fannst mér endinn á spjallinu sem var við Rögnu Árnadóttur, Birgi Ármansson og Jón Traysta Reynisson, vera ansi sérkennilegur.  

Undir blálokin kemur umræðan að ESB umræðunni og þjóðaratkvæðagreiðslunni, Hallgrímur spilar bút úr þingræðu Birgis.  Sem þarf svo að útskýra að þarna er hann að svara ákveðinni fyrirspurn en ekki að ræða málið frá eigin brjósti.  Það er svo dálítil umræða um þetta en svo í blálokin, grípur stjórnandinn frammí og spyr Jón Trausta um málið og hann fær að loka umræðunni um kosningasvik ríkisstjórnarinnar, og þátturinn búinn.

Þarna er greinilega verið að koma skilaboðum á framfæri.  Þegar verið er að kanna hlutdrægni/hlutleysi fjölmiðla, þá er bara ekki hægt að fletta upp í svona aðkomu að málinu.  

Þetta hefur marg oft gerst lengi, til dæmis í Speglinum þar sem Sigrún Davíðsdóttir hefur fengið ansi lausan taum, og fleiri dæmi.  Það er bara svo erfitt að benda á þetta, nema maður grípi það um leið.  

Eða finnst ykkur þetta vera í lagi í útvarpi "allra landamanna" og útvarpi "þjóðarinnar"

 Hér er hægt að hlusta og þetta er í blálokin: 

http://ruv.is/sarpurinn/vikulokin/22032014-0

Það er einmitt svona sem gerir að verkum að ég er að mestu hætt að hlusta á fréttir á RUV almennt.  Það var eiginlega tilviljun að ég heyrði þetta.  

Vonandi nær nýr útvarpsstjóri að breyta þessu þannig að hlutleysi og sanngirni sé gætt í hvívetna hjá þessari annars ágætu stofnun.

Ég ætla að setja inn myndir sem ég var að taka, eftir óveðrið í gær og fyrradag.

 

 

 

 

 

 

 

 

 

 

 

Dásamlegt að fá sólina eftir þetta dimma veður.

 

 

 

 

 

 

 

 

 

 

 

Eins og sjá má hefur snjóað töluvert.

 

 

 

 

 

 

 

 

 

 

 

 

 

 

 

 

En nú þarf ég að setja á mig snjóþrúgurnar og arka upp í gróðurhús til að sinna plöntunum mínum, og í kvöld ætla ég á bókamessu á Flateyri til að hitta góðan vin minn Bjarka Karlsson, sem ætlar að lesa upp úr frábærri ljóðabók sinni.  

Eigið góðan dag elskurnar.  

Afsakið mig.

Ja hérna nú blöskrar mér algjörlega.  Er þetta ekki fólkið sem er að fara fram á að haldið verði áfram viðræðum við ESB?

Hér tek ég upp úr Evrópuvefnum, sem er einmitt biblía Össurar og ESB sinna:

 "Loks er skýrt frá þeirri kröfu Evrópusambandsins að Ísland felli í áföngum, á tímabilinu fram að aðild, stefnumið sín gagnvart þriðju löndum og afstöðu sína innan alþjóðastofnana að þeim stefnumiðum og afstöðu sem Evrópusambandið og aðildarríki þess hafa samþykkt".

Fyrir nú utan það sem hefur marg oft komið fram að ESB gerir alla samninga og skuldbindingar fyrir sín aðildarlönd.  

Er ég á tunglinu eða hvað er hér í gangi?  Er Össur að segja að innlimunin sé þegar dauð?  

"Fríverslun við Japan steinliggur. Þetta segir Össur Skarphéðinsson, þingmaður Samfylkingarinnar, í samtali við mbl.is en hann ásamt fjórum öðrum þingmönnum flokksins, Katrínu Júlíusdóttur, Helga Hjörvar, Kristjáni L. Möller og Valgerði Bjarnadóttur, hafa lagt fram þingsályktunartillögu þess efnis að ríkisstjórninni verði falið að hefja þegar í stað undirbúning að gerð fríverslunarsamnings við Japan og notfæra sér þannig nýlega opnun Japana í þeim efnum".

Í hvaða stöðu er þá barátta Samfylkingar og ýmissa forkólfa VG fyrir þjóðarkosningunum um áframhaldandi viðræður við ESB? Erum við bara á einhverju flippi, eða skil ég ekki um hvað málið snýst? Og ég sem hélt að Össur, Árni Páll, Katrín, Helgi og Kristján væru að vinna hörðum höndum að áframhaldandi aðlögun inn í ESB. Eða Getur verið að undirskriftasöfnunin hafi bara átt að vera grín? Eða 

Vita þau ef til vill ekki að með aðild að ESB, falla allir aðrir samningar okkar út gildi við önnur lönd, þar sem yfirstjórn alls slíkt verður undir yfirráðum yfirstjórnar ESB?

 

Fríverslun við Japan „steinliggur“

Kerfisbreytingar og kjaraviðræður.

Ég er algjörlega sammála Guðríði þarna, það er bara kjánalegt að ætla að blanda saman kerfisbreytingum og kjaraviðræðum.  Sérstaklega þegar nokkuð ljóst er að það sem þarf að gera í skólamálum er ekki bara að stytta menntaskóla, heldur skoða málin alveg frá leikskólum til háskóla, og skoða hvað má betur fara og hvaða leið er skynsömust.  Er hægt að gera kennsluna meira lifandi og áhrifaríkari, en ekki fastnjörvaða niður í skólastofur borð og bekki?

Það er örugglega hægt að gera svo miklu betur, sérstaklega þegar tæknin er orðin svona mikil.  

Ýti út kröfum um kerfisbreytingar

Útvarp þjóðarinnar/útvarp allra landsmanna.

Sá gamlan mogga í dag og þar frétt um nýja útvarpsstjórann.  Og mér lýst vel á hann, þar segir: 

Jafnrétti gagnvart starfsfólki og vinmælendum RÚV.

"Rúv á að vera mannúðleg stofnun þar sem jafnrétti er í hávegum haft, það á að ríkja gagnvart starfsfólki, viðmælendum í þáttum og umfjöllunarefnum.  Við eigum að stefna að jafnri stöðu kynjanna og landsmanna út frá búsetu.  Ég vil efla starfsemi á RÚV á landsbyggðinni" Segir Magnús Geir Þórðarson, nýr útvarpsstjóri, m.a. í viðtali í Sunnudagsblaði Morgunblaðsins. 

Magnús Geir kemur til starfa í Efstaleiti eftir helgina, en hann hefur sem kunnugt er verið leikhússtjóri Borgarleikhússins síðustu misseri.  Hann segir að eitt af helstu áhersluatriðum sínum í starfi útsvapsstjóra verði "að opna samtalið um Ríkisútvarpið, inn á við og út á við.  Ég vil að RUV hvetji til umræðu og skoðanaskipta, að starfsfólk hlusti á þjóðina og þannig hafi eigendur meira um starfsemina að segja.  Ég vona að þetta leiði til aukinnar sáttar um Ríkisútvarpið og meiri uppbyggilegrar umræðu."

 

Mér lýst vel á þessi orð, og mun gefa þessum ágæta manni mitt tækifæri til að sanna sig.  Með því að hugsa til landsbyggðarinnar, vona ég að landshlutaútvörpin verði tekin  upp aftur, þau voru hluti af landsmenningunni og ekkert getur komið í stað þeirra.  Ég held meira að segja að það sé lítið mál að endurreisa þau og koma í gang.  Ég sakna til dæmis afar mikið RUVVEST.  

Vissulega má segja að þessi orð hans þýði að hann hefur fylgst með og séð að það er eitthvað að hjá RUV, sem þarf að lagfæra,  þar má segja til dæmis einelti á vinnustað, hlutdrægar fréttir, að minnsta kosti í hugum margra.  

Ef til vill get ég aftur farið að hlusta á fréttir á útvarpi og sjónvarpi, og kastljósið, án þess að vera svellandi af reiði yfir hvernig málin eru tekin fyrir og oft snúið á haus að mínu mati.  

 

 

 

 

 

 

 

 

Ég óska þessum unga manni góðs gengis, og vona að útvarpið geti verið sá miðill sem við viljum hafa og treystum.  Verð að segja að það eru margir þættir þarna sem ég hlusta á og fylgist með, en það eru aðallega dægurþættir eins og Virkir morgnar, síðdegisútvarpið, þegar þeir sleppa pólitíkinni og fleiri slíkir.   

Upphaf umsóknar inn í ESB.

Hér er ályktun alþingis um ESB umsóknina.  Þar segir: 

 

Tillaga til þingsályktunar

um aðildarumsókn að Evrópusambandinu. (Lögð fyrir Alþingi á 137. löggjafarþingi 2009.)

Alþingi ályktar að fela ríkisstjórninni að leggja inn umsókn um aðild að Evrópusambandinu og að loknum viðræðum við sambandið verði haldin þjóðaratkvæðagreiðsla um væntanlegan aðildarsamning.(leturbreyting mín)

Athugasemdir við þingsályktunartillögu þessa.

Tillaga um aðildarumsókn að Evrópusambandinu er lögð fram til þess að íslenska þjóðin fái tækifæri til að hafna eða samþykkja samning um aðild að sambandinu þegar hann liggur fyrir.

Umsókn að ESB jafngildir þannig ekki aðild enda er það íslensku þjóðarinnar að komast að endanlegri niðurstöðu hvað hana varðar. Jafnframt verði lagt fram frumvarp til laga um þjóðaratkvæðagreiðslur um mikilvæg mál sem ríkisstjórn eða Alþingi ákveða að leggja fyrir þjóðina.

Víðtækt samráð verður haft við hagsmunaaðila um samningsmarkmið fyrir viðræðurnar á ýmsum sviðum, svo sem sjávarútvegs-, landbúnaðar- og byggðamála, á sviði almannaþjónustu, umhverfis- og jafnréttismála og gjaldmiðilsmála, og leitast við að ná sem breiðastri samstöðu um umræðugrundvöll viðræðnanna.

Skoðað verður hvort unnt sé að ná fram samstarfi í gjaldmiðilsmálum samhliða viðræðum um hugsanlega aðild til að styðja við gengi krónunnar.

Áhersla er lögð á opið og gagnsætt ferli og reglubundna upplýsingagjöf til almennings og hagsmunaaðila.

Fagleg viðræðunefnd við ESB verður skipuð af ríkisstjórn Íslands. Henni til fulltingis verður breiður samráðshópur fulltrúa hagsmunaaðila sem nefndin leitar ráðgjafar hjá, og upplýsir jafnóðum um framvindu viðræðna.

Ísland sem Evrópuþjóð vill leggja sitt af mörkum við uppbyggingu lýðræðislegrar Evrópu sem grundvallast á félagslegu réttlæti, jafnrétti og virðingu fyrir manngildi og umhverfi. Hlutverk Evrópu er að vera hornsteinn mannréttinda í heiminum og ýta undir stöðugleika, sjálfbæra þróun, réttlæti og velmegun um allan heim.

Málsaðilar áskilja sér rétt til að mæla með eða leggjast gegn samningnum þegar hann liggur fyrir enda eru settir margvíslegir fyrirvarar við hugsanlegan stuðning við málið.

Meðal grundvallarhagsmuna Íslands eru:

* Að tryggja forræði þjóðarinnar yfir vatns- og orkuauðlindum og ráðstöfun þeirra.

* Að tryggja forræði þjóðarinnar yfir fiskveiðiauðlindinni, sjálfbæra nýtingu auðlindarinnar og hlutdeild í deilistofnum og eins víðtækt forsvar í hagsmunagæslu í sjávarútvegi í alþjóðasamningum og hægt er.

* Að tryggja öflugan íslenskan landbúnað á grundvelli fæðuöryggis og matvælaöryggis.

* Að tryggja lýðræðislegan rétt til að stýra almannaþjónustu á félagslegum forsendum.

* Að standa vörð um réttindi launafólks og vinnurétt.

* Að ná fram hagstæðu og vaxtarhvetjandi samkeppnis- og starfsumhverfi fyrir atvinnulíf á Íslandi um leið og sérstöðu vegna sérstakra aðstæðna er gætt. Stefnt er að því að Alþingi setji á fót sérstaka Evrópunefnd Alþingis með fulltrúum allra stjórnmálaflokka er fari með samskipti við viðræðunefnd vegna ESB.

Svo mörg voru þau orð.  Hér kemur það fram að "loknum viðræðum við sambandið, verði haldinn þjóðaratkvæðagreiðslau um VÆNTANLEGAN AÐILDARSAMNING." 

 

Hér er svo úr skýrslu Hagfræðistofnunar Háskólans.  

Aðildarviðræður Íslands við Evrópusambandið hófust formlega á ríkjaráðstefnu í Brussel þann 27. júlí 2010. Þar lagði Evrópusambandið fram samningsramma aðildarríkjanna þar sem gerð var grein fyrir þeim grundvallarreglum sem skyldu gilda um viðræðurnar. Þar er meðal annars tilgreind sú afstaða Evrópusambandsins að frávik í ákvæðum samningsins um Evrópska efnahagssvæðið feli ekki í sér fordæmi í viðræðunum. Ísland lagði fram skriflega yfirlýsingu varðandi helstu hagsmuni landsins og var þar m.a. lögð sérstök áhersla á þátt landbúnaðar í íslensku samfélagi og efnahagslegt mikilvægi sjávarútvegs.

 

 Takið eftir að hér er strax byrjað að gefa eftir frá samþykkt alþingis, um að hér sé um samningsviðræður að ræða en ekki einhliða ákvörðun ESB.

En áfram skal haldið.  

Í framhaldi af rýnifundunum gaf framkvæmdastjórn Evrópusambandsins út rýniskýrslur fyrir aðildarríki sambandsins. Í skýrslunum kom fram mat á stöðu Íslands og eftir atvikum fjallað um hvort Ísland þyrfti að uppfylla einhver viðmið áður en hægt væri að hefja samningaviðræður um viðkomandi kafla. Það verklag gilti í viðræðunum að Evrópusambandinu var heimilt að setja opnunarviðmið fyrir einstaka samningskafla og þurfti þeim viðmiðum að vera náð áður en viðræður væru opnaðar. Að sama skapi var Evrópusambandinu heimilt að setja lokunarviðmið til að hægt væri að loka viðkomandi kafla til bráðabirgða. Oftast snúast slík opnunar- og lokunarviðmið um stjórnsýslulega getu umsækjanda til að hrinda í framkvæmd sameiginlegri löggjöf sambandsins.

 

 

 Gagnaðili Íslands í aðildarviðræðunum var framkvæmdastjórn Evrópusambandsins, eða nánar tiltekið stækkunarskrifstofa framkvæmdastjórnarinnar, sem starfar í umboði aðildarríkjanna. Þá gátu ólíkar stjórnarskrifstofur Evrópusambandsins komið að málum er snertu ólíka málaflokka.

A.4 Framvinda viðræðna

Þegar samningahóparnir höfðu lokið greinargerðum um einstaka kafla til samninganefndarinnar voru þær yfirfarnar af nefndinni en því næst kynntar í ráðherranefnd um Evrópumál, síðan í utanríkismálanefnd Alþingis og að síðustu í ríkisstjórn. Því næst hófust tvíhliða fundir samningahópanna og framkvæmdastjórnar Evrópusambandsins um hvern samningskafla fyrir sig.

Á þessum fundum voru kaflarnir rýndir og eftir þá rýni átti að liggja fyrir samanburður á löggjöf Íslands og réttarreglum ESB, sem snertu viðkomandi málaflokk. Að því loknu ætti að liggja fyrir hvaða atriði þyrfti að semja um og hvort breytingar væru nauðsynlegar á löggjöf eða stofnunum á Íslandi ef að aðild yrði.

Fyrstu rýnifundirnir fóru fram í nóvember 2010 en þeir síðustu í júlí 2011. Rýnifundir voru haldnir um einstaka samningskafla hvort sem þeir voru innan gildissviðs samningsins um Evrópska efnahagssvæðið eða utan þess. Í framhaldi af rýnifundunum gaf framkvæmdastjórn Evrópusambandsins út rýniskýrslur fyrir aðildarríki sambandsins. Í skýrslunum kom fram mat á stöðu Íslands og eftir atvikum fjallað um hvort Ísland þyrfti að uppfylla einhver viðmið áður en hægt væri að hefja samningaviðræður um viðkomandi kafla. Það verklag gilti í viðræðunum að Evrópusambandinu var heimilt að setja opnunarviðmið fyrir einstaka samningskafla og þurfti þeim viðmiðum að vera náð áður en viðræður væru opnaðar.

Að sama skapi var Evrópusambandinu heimilt að setja lokunarviðmið til að hægt væri að loka viðkomandi kafla til bráðabirgða. Oftast snúast slík opnunar- og lokunarviðmið um stjórnsýslulega getu umsækjanda til að hrinda í framkvæmd sameiginlegri löggjöf sambandsins.

Ef lagt var til í rýniskýrslu framkvæmdastjórnarinnar að opnað skyldi á samningaviðræður um einstaka kafla gat Ísland lagt fram samningsafstöðu sína á viðkomandi sviði. Þegar hlé var gert á viðræðunum árið 2013 höfðu 27 kaflar verið opnaðir og 11 þeirra lokað til bráðabirgða. Sex kaflar höfðu ekki enn verið opnaðir en samningsafstaða hafði verið lögð fram í tveimur þeirra, þ.e. kafla um matvælaöryggi og dýra- og plöntuheilbrigði og kaflanum um dóms- og innanríkismál.

Samningsafstaða lá ekki fyrir í sjávarútvegskafla, landbúnaðarkafla, kafla um frjálsa fjármagnsflutninga og kafla um 6 staðfesturétt og þjónustufrelsi en síðastnefndu tveir kaflarnir tengjast kaflanum um sjávarútveg.

Í Sjávarútvegsmálum segir til dæmis: 

 

Í framvinduskýrslum framkvæmdastjórnarinnar um stöðu samningskaflans frá október 2012 og 2013 er það niðurstaða framkvæmdastjórnarinnar að Ísland haldi áfram að beita stjórnkerfi sem hafi svipuð markmið og þau sem er framfylgt í ESB en að sumar reglur séu umtalsvert frábrugðnar reglum sambandsins. Í heildina séð sé sjávarútvegsstefna Íslands ekki í samræmi við réttarreglurnar samkvæmt skýrslunum. Þá séu núverandi höft í sjávarútvegsgeiranum á staðfesturétti, frelsi til að veita þjónustu og frjálsum 15 fjármagnsflutningum ásamt stjórn á sameiginlegum fiskistofnum ekki í samræmi við réttarreglur ESB.

 

Já þetta er tekið úr skýrslu Hagfræðistofnunar Háskólans og upphafið ályktun aþingis.  

Þegar haft er í huga orðalag ályktunarinnar um: að loknum viðræðum við Evrópusambandið verði haldinn þjóðaratkvæðagreiðsla um væntanlegan samning.  

Og síðan skoðuð skilyrðin:  

 

Meðal grundvallarhagsmuna Íslands eru:

* Að tryggja forræði þjóðarinnar yfir vatns- og orkuauðlindum og ráðstöfun þeirra.

* Að tryggja forræði þjóðarinnar yfir fiskveiðiauðlindinni, sjálfbæra nýtingu auðlindarinnar og hlutdeild í deilistofnum og eins víðtækt forsvar í hagsmunagæslu í sjávarútvegi í alþjóðasamningum og hægt er.

* Að tryggja öflugan íslenskan landbúnað á grundvelli fæðuöryggis og matvælaöryggis.

* Að tryggja lýðræðislegan rétt til að stýra almannaþjónustu á félagslegum forsendum.

* Að standa vörð um réttindi launafólks og vinnurétt. * Að ná fram hagstæðu og vaxtarhvetjandi samkeppnis- og starfsumhverfi fyrir atvinnulíf á Íslandi um leið og sérstöðu vegna sérstakra aðstæðna er gætt.

Þá spyr ég, getur það samrýmst ályktun alþingis með þessi grundvallarskilyrði að ESB taki algjörlega forystuna í málefnum "samningsins".   Þetta áttu að vera viðræður um að kikja í pakka, en urðu að innleiðingarumræðum, þar sem ESB hafði tögl og haldir.  Því það kom svo á daginn að þetta voru ekki samningaviðræður heldur Aquis ekki umsemjanlegt heldur aðlögun að regluverki Sambandsins eins og marg oft hefur komið fram.  

 

"Accession negotiations Accession negotiations concern the candidate’s ability to take on the obligations of membership. The term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 100,000 pages of them. And these rules (also known as the acquis, French for “that which has been agreed”) are not How the enlargement process works: meeting the requirements negotiable. For candidates, it is essentially a matter of agreeing on how and when to adopt and implement EU rules and procedures. For the EU, it is important to obtain guarantees on the date and effectiveness of each candidate’s implementation of the rules."

 Átti þetta dæmi ekki að vera sjálfhætt fyrir löngu síðan, þar sem samninganefndir fóru út fyrir verksvið sitt, með því að fara að vinna að breytingum á lagasetningum til að Ísland yrði samþykkt inn í ESB?

Hér er svo ágæt grein Guðbjörns Jónssonar, skilmerkileg og góð um þetta efni.  

 

http://gudbjornj.blog.is/users/98/gudbjornj/files/slide1.jpg